السلام عليكم
أنا ناوي على أكورد V6 2008 فحبيت آخذ رايكم فيها للي جربوها طبعا
واذا فيه مشاكل ولا شي علموني
السلام عليكم
أنا ناوي على أكورد V6 2008 فحبيت آخذ رايكم فيها للي جربوها طبعا
واذا فيه مشاكل ولا شي علموني
فيها بلاوي سودة بس محنا معلمينك
امزح طبعا ، هيا اضحك بلا ثقالة دم... :d
السيارة سواقتها سواقة السيارات الالمانية بصراحة
فخامة وقمة لابعد الحدود
بس للاسف تفتقد الى الرفاهية في تجهيزاتها.
ولكن بصفة عامة خذ موتر بن موتر
ومن يسوق هوندا مايقبل بغير الهوندا بديل
يؤ يؤ
السؤال كان على 6 سلندر
بس اجابتي كانت على الـ 4 سلندر فل كامل
بس ان شاء الله الشباب يفيدونك اكثر
يابو الشباب الاكورد v6 لسى مانزل ...
لاكن ال 4 سلندر ماعلية كلام انا للحين الحمد لله ولاشي شفت فيها ....
كل ريال دفعته مارح تندم علية ...
والله ما راح تندم انك اخذتهى لنها وعه والله
وسواقتها روعه
رووووووووووووووووعه
ودلع واعتقد الستها راح تحصل زيادات خفيفة مثل الزنون
وماذكر البافي لاكن والله انها رووووعه
انا معاي اكورد 2007 فل كامل V6 - لؤلؤي- 275حصان ، 3.0لتر ، والله ثم والله الاسبوع الماضي قمت على التيمتين 3.5اوتو طبعاً كلهم الجيل السابق ، ولكن حتى لو حلفت لاصحاب الالتيما 100% ماراح يصدقون ، لكن اقول لك احسنت الاختيار لانها 3.5لتر وقوية بالمرة وراحت قوة الالتيما معاه خلاص توكل على الله وتمتع بـ271حصان والإجمالي 298حصان وعطنا تجربتك ياشريتها لأن اللي معاي طيارة كيف اللي معاك راح تكون صاروخ .
تحياتي كثرت عليك الكلام بس مجرد اقناع بـــv6
الله يعطيكم كل عافية وأنا انشاء اني صملت وقضيت
وحبيت أقول للي قال ما نزلت أنا شايفها فالشارع وكلمت الوكاله يعني متأكد
بس فيه شي واحد قاهرني فالمواصفات السعودية((ما فيه نافيقيشن سستم أو ال Gps يعني الخرايط))
وأشكركم جزيل الشكر
اخوي سيفك اذا راح تتابع وكلاء السعودية بالعون ما راح تكون عندك سيارة
الوكلاء كلهم او اغلبهم نصب × نصب
~~~~
والاكورد سيارة ما عليها كلام وحتى لوكانت الدفعة الاولى
هلا اخوي عزوز...
بس حبيت أعرف ليش ما راح تكون عندي السيارة ومن ناحية نصب × نصب هذي خالصين منها
تسلم عالرد
خذها وانت مغمضضضضضضضضض
بسمه تعالى :
للأمانة قمنا بتجربة الطراز الفخم ذو الإسطوانات الأربع فجاء الإنطباع أكثر من إيجابي على مختلف الصعد... فكبير مهندسي هوندا وصف السيارة الجديدة بالسيارة السيدان الرياضية الفخمة وجاء الوصف مطابقآ لما قمنا به أثناء التجربة... قوة مذهلة لمحرك الأربع إسطوانات و هدوء فعلي لهذا المحرك بمختلف السرعات و من ناحية أخرى فالمقصورة أبهرتنا بمكوناتها الجديدة ذات التصميم الأوروبي الفخم المقارب لفئة MBW الفئة الخامسة و المواد المستخدمة بالمقصورة ذات جودة عاليه جدآ لم نتوقعها سابقآ و كما هي السيارات المنافسة من ذات الفئة ... الثبات في الطريق جاء رائعآ و مميزآ بسبب طول قاعدة العجلات و بعد المحاور بين العجلات لأقصى درجة ممكنة مما أكسبها صفة رياضية بحته إن من ناحية التماسك أثناء التجاوز أو التشبث بالأرض كما هي سيارات جاغوار المميزة... و الجو العام داخل المقصورة مريح جدآ و القيادة مريحة بمختلف السرعات مع إقتصاد رائع للمحرك المطور الجديد... الأمر الأكثر من رائع في الأكورد الجديدة هو تماسك المقود الدقيق أثناء السير على الطرق الملئى بالتشققات و التموجات الخفيفة... و الأكورد لاتحتاج المديح فهي تتفوق بكل سهولة على منافساتها من الفئة نفسها .. من ناحية الجودة و الثبات و العمر التشغيلي الأفضل مقارنتآ بالسيارات اليابانية الأخرى و قوة لا يستهان بها .. فأشبه هذه السيارة بالنمر الأسود عن حق و بدون إطراء و جاء ذلك تيمنآ بتجربة بعض السيارات المنافسه كتويوتا كامري و ألتيما..فأعطي هذه السيارة 9/10 كتقييم شخصي... و شكرآ.
الحمد لله إذا الاربعه هذا وضعها أجل السته وش بتصير...
عموما أنا ان شاء الله باستأجر وحده وبأشوف الوضع واتطمن...
مشكورين على كل هالافادات ويعطيكم العافيه...
توكل على الله وخذها نصيحه مني
انا للأمانه ماجربت v6 لكن يبين عليها طلقه رصاص
انا طلعت الستة سلندر فل كامل قبل 5 أيام... السيارة رووعه بصراحه بكل المقاييس ... قيادتها مره سلسة ومرنه ومن الداخل مثل الأربعة سلندر فل... بس اختلافات بسيطه لا تذكر... لكن بصراحه السيارة روعه بكل المقاييس...
تحياتي للجميع
والله انا ركبت 6 سلندر حلوه لاكنها غاليه بنسبه لفئتها يعني لو افكر فيها اباخذ اورين ازين مواصفات ونفس السعر>>>وجهة نظر
اما الاربعه انا انشالله السبت ابطلعها من الوكاله واليوم رحت لهم فيه كم وحده 6سلندر يبون يسلمونها لراعينهن يعني نزلة وفيه تقريبا جميع الالوان(متاكد من الابيض والاسود والرمادي)
والله شوفوا يا أخوان انا كان عندي اكورد 2006 فل كامل بس من غير جلد... وكان فيها Vsa .. ما أظن ان الشركة شالت هالنظام من الأربعة سلندر لـ عام 2008 ولو فعلا مو موجود فيها فهذا خطاء جسيم والله ونقطه ضدهم... مو معقول يكون الفرق بين الموديل بس في الشكل لازم تكون فيه اضافات اخرى... بصراحه هذي عجيبه جداً !!!
مواقع النشر (المفضلة)