ناوي عليها وأبي نصايحكم

**الـريـaccordـاض** · 24-07-2006, 06:42 PM

السلام عليكم

أخباركم

أخواني انا ناوي اشتري أكورد2006 لؤلؤي بس أبيكم تنصحوني بالمواصفات

أنا متابع للمنتدى من فتره

أخر مره رحت لمعرض اللي عند قسم شرطة العليا

قلت لهم ابي فل كامل جلد قال 84.000الف ريال..

بس نسيت أسأله هي 4سلندر أو6سلندر

لأني وقتها كنت مستعجل

وكان عندهم عرض (وفر3000)

أبي مشورتكم ونصايحكم لي

وابي اعرف قيمة 6سلندر:o

عارف ان فيه ناس ينقهرون من كلمة 6سلندر :p

حقين 4سلندر ;)
وأكون مشكور

**الاخطبوط** · 24-07-2006, 09:46 PM

84 هذي 4 سلندر فل

اخذناها زمان 88 الف بس يالله حق الاستخدام >>> اللي يسمع زمان يقول خمس سنوات

والمواصفات بتعب وانا اقولك بس بالعربي >>>(اطلق من الكامري والألتيما)

المواصفات عند دحوم النحيف اصبر عليه الحين يجي 24 ساعه بذا المنتدى ماشاء الله عليه

اخاف احسده يصير دب بعدين

**أبو البراء** · 24-07-2006, 10:05 PM

اسمع شورتي وعليك بالاكورد الفل كامل مخمل سعرها الأن79.900طبعا الأربع سرندل(من غير الوحات) والسته سرندل وانا اخوك هي حلوه بس تسحب بنزين هي سعرها حليا 90.000.
وحنا في الخدمه

**دحوم** · 24-07-2006, 10:08 PM

انا اقولك شوف حبيبي إذا كان سعر الستة سلندر قريب من الاربعة سلندر فاقول لك طق الستة وتوكل على الله وإذا كان قريب فأقول ابتعد عنه لكني سمعت انه بــ89000ريال ماادري هذا الكلام صحيح ولا لا , لكن ايضا 4 سلندر فل كامل حلوة اكثر الناس معهم كذا وانا ابصملك ان المنتدى الغالبية منهم معهم اكورد فل كامل 4 سلندر ومواصفاته حلوة مثل الجلد, مثبت السرعة , 6 اسطوانات , مكيف اتوماتيكي , Abs . فتحة سقف , جنوط , تخشيب , طارة رياضية بعكس السياحي , 8 اتجاهات لمقعد الراكب اتوماتيكيا , نظام Vcs للمحافظة على ثبات السيارة اثناء التوى الاطرقة , مراة تعكس اضواء السيارات الخلفية , وغيرها الكثير لكن ذكرت لك الابرز والأهم , ومبروك مقدما والاكورد بانواعها من السياحي إلى 6 سلندر مافيها خسارة ابدا ,,,,,,,,,,,,,,,,,,,,,,,,,وياهلا والله وسهلا ,,,,,,,,,,,,,,,,,,,,,,,,,

**الـريـaccordـاض** · 24-07-2006, 10:26 PM

انا ناوي على 6سلندر

اذا فيها عيوب قولي لي

وتنصحوني بالجلد؟؟؟

ويعطيكم العافيه

بغثكم شوي

**الاخطبوط** · 24-07-2006, 10:32 PM

6 سلندر مالك الا جلد ماتجي مخمل

**الـريـaccordـاض** · 24-07-2006, 10:36 PM

بس الجلد يذبح بالشمس :(

وش ورانا ناخذ جلد

ومشكور أخوي

**accord-se** · 24-07-2006, 10:57 PM

إيه 240 حصان

بالمبارك إنشاء الله ويتربو في عزك إنشاء الله

**ذياب** · 25-07-2006, 12:51 AM

اقول دور 2005 بصراحه انا اشوف الناس ماتلتفت ل2006 لان 2005 كان لها هيبه ولها منظر

**الـريـaccordـاض** · 25-07-2006, 12:54 AM

ياخوي ذياب الواحد يدور الموديل الجديد

وأنت شكل معك 2005

بس انا حاط براسي 2006

وان شاء الله انزل الصور هوون

وأكون عضو دائم للمنتدى عشان استفيد منكم

**دحوم** · 25-07-2006, 01:38 PM

انا اقول خذ 2006 وحاول تأخذ 6 سلندر عشان تطلع توب في المنتدى ومميز كذلك

**H @ Z ! M** · 25-07-2006, 02:39 PM

المشاركة الأصلية كتبت بواسطة دحوم

انا اقول خذ 2006 وحاول تأخذ 6 سلندر عشان تطلع توب في المنتدى ومميز كذلك

هذي نصيحتي لك وانت خلك شاطر وسوي الشيء الي كان ودنا نسويه

وعالبركة

**civic 93** · 25-07-2006, 02:58 PM

ياشباب خويي عندة وحدة 2005 اوتوv6 والله ماتمشى

**الـريـaccordـاض** · 25-07-2006, 04:48 PM

المشاركة الأصلية كتبت بواسطة civic 93

ياشباب خويي عندة وحدة 2005 اوتوv6 والله ماتمشى

والله تخوف

مايندرى :(

**أكورداوي** · 25-07-2006, 07:32 PM

أولا حياك الله معنا في نادينا المحبوب (( نادي محبي هوندا )) ..

ثانيا : أنا أضم صوتي لأصوات الشباب (( اذا كان عندك استطاعه على 6 سلندر )) فلا تفكر في الاربعه .. وبعدين ال 2006 على مستوى ماشاء الله تبارك الله .. صحيح بعض الناس يفضلون ال 2005 عليها من ناحية الشكل لكن راح يتغير رايهم مع الوقت وعلى مسؤليتي وبعدين تكفيك المواصفات الي فيها وماهي موجوده في ال 2005 ..

على العموم الله يبارك لك فيها مقدما ويعطيك خيرها ويكفيك شرها وشر الحاسدين ..

**الـريـaccordـاض** · 25-07-2006, 10:17 PM

يعطيك العافيه أخوي أكورداوي

**اتــشـــــ** · 27-07-2006, 05:16 AM

المشاركة الأصلية كتبت بواسطة أكورداوي

أولا حياك الله معنا في نادينا المحبوب (( نادي محبي هوندا )) ..

ثانيا : أنا أضم صوتي لأصوات الشباب (( اذا كان عندك استطاعه على 6 سلندر )) فلا تفكر في الاربعه .. وبعدين ال 2006 على مستوى ماشاء الله تبارك الله .. صحيح بعض الناس يفضلون ال 2005 عليها من ناحية الشكل لكن راح يتغير رايهم مع الوقت وعلى مسؤليتي وبعدين تكفيك المواصفات الي فيها وماهي موجوده في ال 2005 ..

على العموم الله يبارك لك فيها مقدما ويعطيك خيرها ويكفيك شرها وشر الحاسدين ..

اكورداوي كلامة سليم 100%

بس نصيحتي لك تصبر شوي الين ينزل الـ2007 .

**Storm CiViC** · 27-07-2006, 08:40 AM

المشاركة الأصلية كتبت بواسطة اتش

اكورداوي كلامة سليم 100%

بس نصيحتي لك تصبر شوي الين ينزل الـ2007 . [/center]

وانا معاك في هذه الفكرة يا اتش

**KHALED** · 27-07-2006, 03:15 PM

اخووووووي انت ايش تبغى بالسته سلندر...

يعني ماراح تستفيد منها ابدا الى انها اكثر صرفيه للبنزين...

اعرف واحد معاه اكورد 2005 فل كامل الا سته سلندر..موتره اربع سلندر..

والله تمشي مشي مو طبيعي ...

وصرفيتها كويسه

**دحوم** · 27-07-2006, 03:49 PM

انا اقول مالك إلا 6سلند موديل 2006 وطبعا اهي متجي إلا جلد وفيها مواصفات زائدة عن 4 سلندر فخذلك توب وخلك توب , وإذا على 2007 فأقول لك ترا اول ماتطلع راح يضرب سعرها مثل العادة وبعدين ماراح يتغير فيها اي شيء اللهم موديلها احدث فقط يعني لوتقول للشباب انها 2007 صدقوا لانها مثل 2006 , بعدين لحد يشكك في قوة 6 سلندر ولد خالتي على طريق مكة إلى الرياض يقول اشوف تكبيس من بعيد سيارتين وراء بعض يقول المواتر كل مالها تقرب وتشطفني ذيك الشطفة وش طلعت السيارتين لكزس Gs 430 موديل 2006 طبعا 8سلندر بقوة 279حصان , بس يقول اللي ادهشني اللي وراءه اكورد 6سلندر يكبس على لكزس يبغاه يوخر عن الطريق واللكزس رافض خايف يتفشل طبعا موديلها 2006 وعلى فكرة اكورد 6 سلندر زادة قوتها هذي السنة من 275 حصان إلى (288حصان) يعني صاروخ ارضي فعشان كذا اقول لك مالك إلا هي وخصوصا ان الفرق بين 4سلندر و6سلندر فقط 5000ريال يعني بسيط جدا جد واسف على الإطالة .