لا اكورد ولا التيما

**AL5FY** · 25-01-2008, 03:45 AM

السلام عليكم

اخباركم ياحلوين

نخش في الموضوع

واحد من الشباب ناوي على سيارة وفلوسه 85000 ريال ويبي فل كامل

1- الاكورد غاليه .

2- الالتيما مايبيها .

عاد انتم وش رايكم لاتقولون اكورد اسبشل ولا التيما

الرجال شايلهم من راسه

نبي رايكم لان الرجال محتار

ننتظر ردودكم ياحلوين

**B Useful** · 25-01-2008, 03:57 AM

اكورد

2008

مستخدم

نظيف

فل كامل

ماشية اقل 10.000

مايبيلها تفكير ..

ان شاء الله يلقاها بمثل هالسعر ..

انا خذيت موتري ماشي 5000 + مظلل عازل امريكي + منجد + ملبس الارضية بلاستك + موقف في الظل + صيانة بالوكالة ...

بأقل من سعرة الحقيقي 10.000 ريال ..

كان سعرها 84 الف
خذيتها بـ 74 الف ..

**أبووليد** · 25-01-2008, 04:01 AM

1-سوبارو ليجاسي

2-أوريون

3-اكورد 2007 زيرو

في النهايه القرار يرجع له ومبروك مقدما وبالتوفيق

**AL5FY** · 25-01-2008, 04:03 AM

ياخي 2008 توها نازله وما اتوقع احد يبي يبيعها الا وفيها صدمه ولا مشكله

بعدين الرجال مستحيل يشتري مستعمل

الا وش رايك بكامري Glx 2008 فل كامل

الاوريون 2008 كم اسعارها L4 ؟

^^^
الفل و النص فل

**B Useful** · 25-01-2008, 04:08 AM

اكورد .. 2007 ... ستة سلندر .. بـ 88 الف فقط ... من الوكالة .. اصفااار ..

**أبووليد** · 25-01-2008, 04:08 AM

سعر الاوريون الفل 95000 ريال والنص فل 85500 ريال

والكامري موتر مافيه كلام لكن اذا وصلت لقيمة الكامري اخذ اوريون احسن يكفي v6

**AL5FY** · 25-01-2008, 04:20 AM

المشاركة الأصلية كتبت بواسطة كوكو كورد

اكورد .. 2007 ... ستة سلندر .. بـ 88 الف فقط ... من الوكالة .. اصفااار ..

طيب لو انت مكانه متأكد انك تبي تاخذ 2007 V6 والملكه نازله

ما أتوقع

يبي تحسف قد شعر راسه

لكن انت متأكد انها اصفار وبـ88000 ريال

طيب الاسود ولا الؤلؤي تتوقع موجود الى اللحين بالوكاله

ويعطيك العافيه على الردود السريعه

**أبووليد** · 25-01-2008, 04:22 AM

اكورد 2007 ولى زمانها خلاص اللي يشتريها مايحس انها شاري موتر جديد

ولا شرايك

**AL5FY** · 25-01-2008, 04:23 AM

المشاركة الأصلية كتبت بواسطة أبووليد

سعر الاوريون الفل 95000 ريال والنص فل 85500 ريال

المشاركة الأصلية كتبت بواسطة أبووليد

والكامري موتر مافيه كلام لكن اذا وصلت لقيمة الكامري اخذ اوريون احسن يكفي v6

يعطيك العافية على المعلومات

عندي سؤال:

النص فل وش مواصفاتها ؟؟؟

**AL5FY** · 25-01-2008, 04:28 AM

المشاركة الأصلية كتبت بواسطة أبووليد

اكورد 2007 ولى زمانها خلاص اللي يشتريها مايحس انها شاري موتر جديد

المشاركة الأصلية كتبت بواسطة أبووليد

ولا شرايك

كلام سليم 100%

^^^^^

صارت معي

شريت سيارتي 2007 فل ولا كأني شريت سياره احس انها قدييييييمه

**B Useful** · 25-01-2008, 04:28 AM

معي 88 الف فقط ولا اقدر ازيد قرش واحد ..

صدقني اخذ 2007 فل 6 سلندر وانا مرتاح نفسياً ومادياً ومعنوياً

ولا اخذ سبشل 2008 ..

على الاقل .. اللي باخذها 2007 .,.. فيها مانع انزلاق مش موجود حتى بفل 4 سلندر 2008 ...

بأكسب الجلد ... بأكسب 6 سلندر .. وشغلات ثانية ..

وكل واحد لة نظرتة في الحياة ..

**أبووليد** · 25-01-2008, 04:37 AM

الاوريون النص فل 6 سلندر , 6 سرعات , 6سيديات , مانع انزلاق Abs , جنوط 16 انش , فتحة سقف هذي الاشياء المهمه اللي اذكرها وغيرها كثير

**AL5FY** · 25-01-2008, 04:39 AM

اخوي انا معك في كلامك من ناحيه المواصفات

وكلامك منطقي

لكن الواحد اذا بغى يشتري سيارة يبي سيارة يحس انها جديده مهيب قديمه خصوصا اذا كانت اول سيارة له

انا مريت بنفس التجربه شريت 2007 وانا شايف صور 2008 قلت لا 2007 افضل

بعد ماشريتها جلست شهر وانا فرحان فيها وبعدين خلااااص مليت منها لان فيه شكل ثاني للسياره وافضل

شف اللي شروا 2008 صدقني يبي يستانس في سيارته لين يتغير الشكل يبيله ثلاث اربع سنين علشان تطيح من عينه

وعلى قولتك كل واحد وله نظرته

ونرجع لموضوعنا

نبي شوركم في سيارة غيييييييييييييييييييييييييييير اكورد

**AL5FY** · 25-01-2008, 04:44 AM

المشاركة الأصلية كتبت بواسطة أبووليد

الاوريون النص فل 6 سلندر , 6 سرعات , 6سيديات , مانع انزلاق Abs , جنوط 16 انش , فتحة سقف هذي الاشياء المهمه اللي اذكرها وغيرها كثير

يعطيك الف عافيه وشكلها تبي تصفا على اوريون

ابي اشوف باقي الردود

**Black Arrow** · 25-01-2008, 06:27 AM

راعي امريكي ولا ياباني خويك؟

ما سأل عن اللومينا ؟

سوبارو ليجاسي الفل كامل ايضا تجيب هالقيمة او اقل

**المـــــلكـ اكـــــورد** · 25-01-2008, 06:31 AM

الاوريون تراها كامري6سلندر

واظن انت اللي منزل موضوع العيوب اللي في الكامري وصراحة انا اشوف اذا مايبي اكورد يشوف

التشارجر

بس ماعرف اسعارها تمام

تحياتي

**AL5FY** · 25-01-2008, 01:25 PM

المشاركة الأصلية كتبت بواسطة Black Arrow

راعي امريكي ولا ياباني خويك؟

المشاركة الأصلية كتبت بواسطة Black Arrow

ما سأل عن اللومينا ؟

سوبارو ليجاسي الفل كامل ايضا تجيب هالقيمة او اقل

اخوه معه لومينا وما أتوقع ياخذ زيـه لكن الليجاسي ممكن

اشكرك على التفاعل اخوي

**AL5FY** · 25-01-2008, 01:44 PM

المشاركة الأصلية كتبت بواسطة الملكة اكورد

الاوريون تراها كامري6سلندر

واظن انت اللي منزل موضوع العيوب اللي في الكامري وصراحة انا اشوف اذا مايبي اكورد يشوف

التشارجر

بس ماعرف اسعارها تمام

تحياتي

التشارجر ممتازه لكن غاليه

يعطيك العافيه

**أبو عــزوز ..** · 25-01-2008, 05:18 PM

آزيرا .. 2008

سيارة بحق ..

**مجرد رأي** · 25-01-2008, 09:11 PM

هلا بك

حبيب ألبي إذا خويك ما يهتم بالشكل في الدرجة الأولى

فياخذ

( ليجاسي H6 )

بس اليجاسي راح تتغير عام 2009

ولا الموتر OK

بالتوفيق ,,, وخبرنا وش صار عليه

**أبو عــزوز ..** · 25-01-2008, 10:06 PM

أودي A4 ..

ولو يقسط BMW الفئة الثالثة - 530

**LikE.nO.oThER** · 25-01-2008, 10:22 PM

بو عزووز ناوي تخرب بيته للرجااال ^^^^^^^^^^^^^

انا لو عليي ياا حبيبي وما اشتري لا كامري ولا سيارة الشرطه اوريون !!
وانته قلت ما تبغي اكورد ولا التيما

بهذه الحااله انا عندي رااي صغيير جداً

فكر بالماازدا 6 سيااره انسياابيه لأبعد الحدوود
وممكن كمان مازدا 3

هذا رااي من ناحية السياراات الي بحجم الاكورد

وانا لو ابغي اشتري سيااره فل كامل واوفر فلووس للعرس
اشتري لانسر gls
السيااره ما علييها كلاااااااااام وجديييده وشكلها رووعه

تقبل وجهاااة نظري
تحياتي

**beam** · 25-01-2008, 10:39 PM

اسمع كلامي يابعدي روح لاقرب شريطي تعرفه وخله يجيب لك كامري فل كامل مدينه يعني اصفار مطلعه لوحاتها بالمعرض راح تلاقيها 83000 شامل التامين راح يبقى معاك تقريبا 2000 ريال على طووووووووووووول روح ركب جلد عازل افضل من بعض انولع الوكالاة اللي يكون بلد على السيارة وتضليل عازل حراري والله راح تستانس انا عملت كذا يابعدي
بس انا قريت باحدى ردودك انو اذا وصلت قيمة الكامري اشري اوريون وانت تبغى فل يعني ماادري عنك ايش راح تعمل بس شوف اللي قلته لك
انا اتكلم عن قيمة المبلغ اللي معاك مو عن تسويق لسمعة الكامري او موتر ثاني للايضاح فقط

**king accord 2008** · 25-01-2008, 11:05 PM

هلا بك يالغالي

زي ماقالو الشباب
الاكورد2007 6 سلندر بـ88
الاكورد2008 4سلندر سبيشل بـ82

أنا أقولك رايي
اذا خويك يهمه قوة المكينه ومقاومات ومدري ايش ياخذ 2007 اصرف له

اما اذا كان زيي يبي شكل جديد وكشخه وحلو بنفس الوقت ياخذ سبيشل2008
ويعدل فيه وترا الفروق اللي تستاهل بين الفل والسبيشل تخشيبه وكشافات والجنوط يبيع جنوطه ويزود عليها ويركب جنوط الفل
والباقي 6 سيديات وتحكم كهربائي بالمرايات الجانبيه وأشياء اعتقد انها مب مهمه

وكل واحد له نظرته