اهل الرياض نبي فزعتكم

**vip honda** · 06-02-2008, 12:56 AM

سلام عليكم

السياره انسرقت

بعد صلاة العشا رحت للمغسله حقت ملابس في حي الفلاح نزلت من الموتر وخليته شغال

ولا حتى دقيقه رجعت للموتر ماحصلته

السياره هوندا 2007 اللون فيراني اللوحه ( و س ا 814 )

بلغت عنها في مركز لشرطه والله يعين مركز الشرطه على كثر السرقات

عاد الي يشوف السياره ولا يلاحظها يتصل بي 0555199010

والله لايوريكم مكروه ابد
__________________

**هـــوندا وبـــس** · 06-02-2008, 01:19 AM

لاحول ولاقوة الا بالله

الله يعينك اخوي

انشا الله تحصلها سليمه يارب

**المـــــلكـ اكـــــورد** · 06-02-2008, 05:43 AM

الله يعينك ...
وان شاء الله تحصلها في القريب العاجل يارب

**يامطنش** · 06-02-2008, 07:31 AM

لاحول ولاقوة الا بالله

الله يعينك اخوي

انشا الله تحصلها سليمه يارب

غلطت الشاطر بعشره

**accord05** · 06-02-2008, 07:36 AM

لا الله الا الله هذا الي يصيحوون منه الناس في كل مكان لاتنزل والسيارة شغاله..

لكن الله يردها لك لاتخاف يا ذيبان ادع وعليك بسهام الليل ..

ادع الله انه يرد لك حاجتك .. وجعلها في وجه هذي العينات الي ماتهم ولاتعبر الناس

**AL5FY** · 06-02-2008, 08:55 AM

اخوي اذا تبي نصيحتي رح لأماكن التفحيط صدقني راح تلقاها وخصوصا غروب العزيزية او دار البيضاء

بجنوب الرياض

ان شاء الله انك تلقاها

**AcCoRd - 949** · 06-02-2008, 09:34 AM

مرحبا

حسبنا الله ونعم الوكيل

نفس اللي صار لاخوي بالظبط بس اخوي كان قدام السياره ويشوف الللي يزرفها قدااااام عيووووونه وراحت السياره ولا لقاها الا بعد شهرين في جنوب الرياض قريب من عند مصنع الصوامع والغلال

وزي ما قال اخوي AL5FY دورها عند اماكن التفحيط و في جنوب الرياض

وانتبه ترى يغيرون اللوحات السياره على طووووووووول
يعني ممكن تلقى موترك بس لوحه ثانيه مثلا تكون " ل ب ط ..." واذا شفت سياره حسيت انها سيارتك ركزعلى اللوحه اذا كانت حروفها قديمه

واذا كانت جنوط راح تتغير على طول لجنوط سود

والله يعينك ان شا الله ويردها لك عاجلا غير اجلا سليميييمه

**م ل ك 2008** · 06-02-2008, 10:44 AM

الله يعينك بس اكيد رايح تلقها في النظيم :(:(

**DrEaMeR KiD** · 06-02-2008, 09:35 PM

الله يرجعها لك بإذن الله و شوف الجراديه ورا أسواق مكه .

**الشامخ** · 13-02-2008, 01:51 AM

الله يردها لك .............
بس أنا شايف قبل يوم الساعة 12 في الليل تفحيط بأكورد فيراني جنوط حديد ومسوينا وراء الآكورد مسيرة بالسيارات .................
الله يستر لا تكون سيارتك بس ما كان عليها لوحة .....................

**S.M.A.R.T** · 13-02-2008, 05:45 PM

روح شوف شارع المياه المشهور بالتفحيط قريب من الدخل المحدود دائما السيارات المسروقه يلاهقوها هناك والله يعوض ويردها لك سلييييييييييمه يااااااااااااااااارب والله يجازي من كان السبب

تحياتي لك ......... امير الهنادي

**vip honda** · 17-02-2008, 12:37 AM

اول شي اعتذر عن تأخري بالرد لاني انشغلت بذا الموتر

وابشركم اني لقيته قبل ثلاثه ايام

اتصلوعلي الدوريات وحصلناه مصدوم

الرفرف الايمن مع الصدام ,, اظاهر كان يفحط ومن حسن الحظ انكسر ت ماصوره حقت علبة الدركسون وصدم جدار وفررررررررك ابن الذينا ههههه

اهم شي لقيت الموتر

واشكر الي ردو على موضوعي

اما من ناحية السياره توووووووبه مانزل واخليها شغاله لو ايش ههههه

وانا اقول بيض الله وجيهكم

وفالكم البيرق ان شا الله

دمتم بود

**B Useful** · 17-02-2008, 01:06 AM

الحمد لله ع سلامة وصولها ...
وان شاء الله انك فهمت الدرس ..
والله يعينك على تصليحها ..

الرفرف اصلي 560
الصدام اصلي700
الشمعة 500 وحاجة ..
عسى الايرباقات ما طلعت اهم شي ؟