والله قالوا لي كل الناس ان هذي الوكالة فقط للسرق حرمية محترفين .
أخواني الاعزاء
والله هوندا مظلومة بسبب أبناء عبد الله هاشم
اللي مضيعين وكالتها ومخلينها الاسوء
انا بقولكم قصتي وأحكمو
أن طرحت قبل كم أسبوع تقريبا مشكلة صايرة في السيدي عندي
وهو ان الصوت انقطع فجأة
المهم رحت للوكالة
اللي في الصناعية القديمة بالرياض (مع العلم اني ساكن خارج الرياض وضارب لهم 150 كيلو)
قابلت الموظف وشرحت له المشكلة
على طول قالي ( حنا مانصلح سيديات مالك الا تغيره بجديد "
سألته عن قيمة الجديد
قال :
" حدود الاربعة آلاف او خمسه "
قلت: طيب خل المهندس يشوف يمكن المسألة بسيطة
قال : مستحيل المهندس مشغول ومافيه أمل يناظرك
لازم تاخذ موعد
قلت انا ظارب مشوااار وفي الاخير تقولي موعد
قلت عادي عطني موعد
عطاني موعد بعد أسبوعين
تخيلو عشان بس يشوف "السيدي" لازم موعد اسبوعين
ومع الوسايط وحب الخشوم خلاها 10 اياام
وانشب في حلقه عشاان اقابل المهندس
ودخلت ولقيت المهندس يتقهوى
سألته عن المشكله نظريااا لأنه مايستقبل سيااراات مزحوم البرفسوور ووقته من ذهب
قالي :
من الاخر سيدي مايصلح نبي نركب جديد
أو رح التشليح
طلعت من عندهم وانا العن ابو الوكاالة
وعلى مشواار ظربته بدون فايده
واتذكر رد احد الاخوان هناا
اللي نصحني بـ "الغرابي"
رحت الغرابي
ولقيت محل كله فلبينيين
والله ياأخوان ماقعدت عندهم اكثر من سااعتين
الا السيدي طلع ~أحسن مايكوون
وماكلف علي الا 100 رياال بس
وقالي أن المسأله بسيطة جدا
كانت مجرد سلك ذايب داخل السيدي وبدلنااه
تخيلو وش صاارت المشكلة
والوكااله تبي تتدفعني 5000 رياال
ما أقول الا حسبي الله ونعم الوكيل
على هذي الوكااله
اللي تسعى لتدمير جوهرتها "الاكورد"
والله ابناء عبد الله هاشم مايستااهلون يصيرون وكلاء لهذي التحفة
والله قالوا لي كل الناس ان هذي الوكالة فقط للسرق حرمية محترفين .
اخوي ل ح ن
الحمد لله انها جات على سيدي ماطلعت على غيره والواحد لما يشوف مصيبة غيره تراى وانا اخوك تهون مصيبته .
وطاق مشوار 150كم علشان عطل فوش رايك بالي يطق مشوار 780كم علشان صيانة ويقولون فاتك الموعد مع العلم اني حاجز قبلها بسبوع وما فاتني الا5ساعات لكن ربك يعين
ان اليوم توني مودي موتري لهم
ياهوم حراميه وخمدتهم زي الزفت
من جد اشين وكاله
مواقع النشر (المفضلة)