رد مع اقتباسيوديها ورشه برى والله يعينه على القطع لا تنسى انها 2008
يا شباب القصه هذي صارت لواحد من الشباب
واحد من أخويانا قبل 3 أسابيع شرا له أكورد 2008 سبشل لون أسود
و كان واقف عند إشارة
المهم و هو واقف كان فيه واحد باكستاني الله يهديه جاي من ورا و يسوق كرسيداء قديمه
و الباكستاني ذا الظاهر انه يسوق و هو سكران ولا عميان
المهم جا الباكستاني يبي يوقف عند الاشارة ما قدر يوقف
و هو ماشي الا و يصدم خويي ذا راعي الاكورد من ورا
و راحت خلفية الاكورد كلها !!!!!!!!!!!!
يوم صار الحادث دق الباكستاني على كفيله و جا الكفيل
و خويي هذا الله يهديه يوم شاف الكفيل مطوع و مربي لحيته
قاله خلاص رح أنا مسامحك
الاهم في القصه كلها ان خوينا راعي الاكورد راح بموتره للوكاله ،،،
تدرون بكم قالو الوكاله تكلف مع قطع الغيار ؟؟؟؟؟؟؟؟؟
35 ألف ريال !!!!!!!!!!!!!
و الله قهر يا شباب ، الرجال توه شاريها ما كملت شهر و يصير لها كل هذا
و خوينا هذا و الله ضاق صدره و قرر انه يبيع الهنادي
الله يعوضه بغيرها ان شا الله
يوديها ورشه برى والله يعينه على القطع لا تنسى انها 2008
الله يعينه
ويرزقه ويعوضه ياااااااااااااااااااااااااارب
الله يعوضه بخير منهااا يارب
المشاركة الأصلية كتبت بواسطة يامطنش
الورش اللي برا قالو له
ب 27 ألف :(
حـــــــــــــــــــــــرام
والله لو انا منه اقول له يصلحها يعني يصلحها
مطوع والكلام الفاضي ما يدخل المزاج( الي في قلبي في لساني)
يعني بصراحة مو لهذي الدرجة عـلى الأقل يعطيه 15% من تصليح السيارة
والله من جد الخبر يضيق الصدر بصراحة
وذولا البكستانيه يا اخي المفروض الي متكفيلن بيهم يشوفوا لهم حل ويبى غبائهم
او يشتروا لهم سيارات جديده عـلى شأن غصبا عـلى الكفيل يخاف عـلى السيارة ويشعر بقيمت السيارة الجديده
لكن وش تقول حسبي الله ونعم الوكيل عـليهم
المشكلة حنا ما عندنا تأمينات مثل الناس والآوادم
هذا حالنا
الله يعينه
الحمد لله على سلامتك وان شالله تتعوض بلاحسن
امااا أبسامحه .. يبطي عظم والله ..
شكراً لك .. والله يعوض على خويك !
الحمد لله على السلامه
والله يعوضه خير منها
حبيبي الورشات الى برى ما اتوقع تكلف 10000 مع القطع
ونت تقول تكلف 27 الف مو معقوله ....
الله يعينك وحسبي الله على ذا الباكستاني .
الله يعوض عليه شكل الصدمة جدا جدا قوية والله انا وقاري الموضوع نفسي ضاقت فالله يعين راعيها وانا لو مكانه ابيعها وهذا مجرد راي
طيب مافي تأمين !
اللي مايخلي عمالته يأمنون يبطي عظم اتنازل له بريال .. مطوع ولا محشش وش يخصني فيه انا !
و الله هالكلام كلامه هو مو كلامي
مو أنا اللي رحت للورشه و سألتها
هو اللي راح و سألهم
مو أنا اللي صادم
واحد من الشباب :d
مايشوف شر خويك والله يعوضه خير ان شاء الله
والله ثم والله مايروح الا وانا ضامن ان الموتر بيتصلح
ويالدراهم او راسه <<اقول اها بس
الله يعوضة خير
بس الغلط على خويك يا طيب ؟! ليش يسامح
الناس هل يومين لو تحك له سيارته قال لك هات مرور و قروشة ... لاب لاب لاب
يا ابوي خذها درس لو واحد حك سيارتك و طلع بويتها لا تسامحة الين يصلحها تحتي لو كان بـ 200 ريال ليش انت منت مكلف في الناس الي ما تشتري قطع غيار اصلية او يتكاسلوا يغيروا القطع الخربانة
الله يعوض خويك خير منها
بسمه تعالى:
أولآ: حمدلله على سلامة قائد الأكورد .
ثانيآ: العاطفة قلبت على العقل....فأثناء وقوع حادث لا سمح الله ضع في نظرك جميع الإحتمالات..فالتسامح و التساهل لا يأتي بالمضمون الفعلي دائمآ و يرجى منه التندم و العوز و الإستدانة الغير آتية بالحسبان...فالسائق الباكستاني شارب أو سكران و يستحق العقوبة المقلظة و لا يجب التهاون في حكمه ..فلديه جنايتين : جناية الإرهاب بترويع الناس بفعل المسكر و جناية الإعتداء على حق الغير بتدمير الممتلكات أي الحادث المفتعل بفعل المسكر ...الأمر الآخر الذي نستدل بأن هذا السائق بغير قواه العقلية هو قوة الإرتطام بسائق الأكورد و تهشيم المؤخرة بشكل مؤثر حتى تسبب بتلك الخسائر المادية ...و أيضآ من المفترض إيقاف السائق بالتوقيف لحين حساب قيمة التكاليف الكلية المترتبة لقيمة الإصلاح و حساب قيمة التأمين لحين طلب الكفيل الغارم للمسبب للحادث بعد حساب كامل المبالغ و الشروط المترتبة على الكفيل لدفع مبلغ ثلثي القيمة المترتبة على أقل تقدير ... و الذي لم أفهمه من رسالة القاريء هو التأمين المترتب على المركبة ..فالمركبة مؤمنة تأمينآ شاملآ طوال فترة الضمان أو فترة التأجير و يترتب دفع مبلغ متفق عليه من شركة التأمين للمتضرر ...و هناك النقطة السلبية التي لا أتمنى حدوثها و هي توقيع تعهد بإخلاء الطرف و عدم محاسبة المسبب للضرر مستقبلآ ....أعان الله صاحب الأكورد الجديدة و عوضه بأفضل منها ...و شكرآ.
لو الكفيل كان صدق مطوع و ديّن كان ما بغى عند احد حق عليه و حتى لو كان متنازل عنها مثل صديقك و خاصة ان الغلطان هنديه 100%.
الله يعوض صديقك و لا يشوف شر ان شاء الله.
طيب وش فايدة التأمين الي نعطيهم كل سنة 500 ريال عالفاضي
خل يصلحونها الله لا يكثر خيرهم
ومن قتلته يديه فلا بواكي عليه
الله يعوض على خويك بخير
والله قهر ... بس لايستعجل خله يقدرها بورشه مضبوطه ( اهم شي مو سواريه) ويتفق مع المطوع انه كلفته كذا وكذا ولو يدفع شي من المبلغ ترا مهوب غلط وان شالله ربك يسهل
وين عايش أنت التأمين لعبه؟؟؟طيب وش فايدة التأمين الي نعطيهم كل سنة 500 ريال عالفاضي
خل يصلحونها الله لا يكثر خيرهم
إذا على كلامك بأروح اصدم في جدار وبأقول صلحوها؟؟
التأمين يبيله ((تقرير مرور ولازم يجي المندوب حق الشركه ويشوف الحادث)) والرجال ((سامح))
الله يعوظه بكل خير وترا الباكستاني مهوب سواقنا والمطوع مهوب أبوي
مطوووووووع والا مهوب مطووووووووووووع
هاذي دراااااااااااهم وحقوق ..بعدين خويك مقدر المبلغ يوم قال له طس ,,
والله حرااااااااااااااام بقوهـ حرام حرام الحين راح تكلفه نص مبلغ موتره
لكن قضااااااااااااء وقدرر وخويك استعجل بعد الله يهديه
الله يعوضه ويوفقه
سيارتي بعد الحادث الوكاله قالو لي 28 الف ريال قيمة التصليح
طيب وش والحل وش الحل ؟؟؟
ورشة في الصناعيه القديمه تبع التعاونيه شغل ولا احلى ....
التكلفه 8000 ريال
شفت الفرق مع ان حادثي في المقدمه يعني احتماليات الخرابات اكثر
لكن انت العبها صح الوكاله قالو لي 8000 ريال شغل يد
وشغل يدهم صلحت فيه السياره كامله مع القطع
ضوابط المشاركة
مواقع النشر (المفضلة)