السلام عليكم ورحمة الله وبركاته..
عندي طريقه وحبيت اعرضها عليكم لاني جربتها واشتغلت معي 100%
تشغيل الجوال عن طريق ال AUX
والطريقه ما تكلف شي وبسيطه بس يبيلها روقااان;)
تشتري الشريط اللي تشغل عن طريقه الجوال للمسجل العادي وتاخذ معه الوصله اللي تناسب جوالك وقيمته 10 ريال.
وتشتري سماعة كمبيوتر من الرخيص اللي معها مايك وسماعتين ويعرفونها اصحاب المسنجر:d بتلقون عندكم وحده خربانه ما نحتاج الا السلك اللي باخره مسمار مقسم الي ثلاث اقسام.
نقص السلك اللي خارج من الشريط اولا
ونقص السلك اللي في السماعه
طبعا بعد القص نجد الاسلاك الداخليه ملونه نضع كل لون مع بعض نلحم السلكين ببعض جيدا نضع الشطرطون حتي ما يلتمسون ويفضل لون اسود ليتماشي مع لون السلك
المهم كل ما كان تشبيك الاسلاك ممتاز ما تطلع زنه في السماعات.
طبعا صار عندنا سلك بطرفين متشابهين كل طرف يخرج منه مسار اللي يتناسب مع مخرج ال AUX
خلاص هي هذي الطريقه نشبك جهه في الايواكس والاخري في الوصله اللي تشبك في الجوال وبالهنا والشفاءاقصد استمتع بالجوال عن طريق ال AUX بسماعات السياره .
ومعليش طولت الشرح عليكم
وتقبلوا فائق الاحترم والتقدير
---------------
رد مع اقتباس
مواقع النشر (المفضلة)