الاكورد كوبيه 2008 اربعه سلندر بالكويت !! - صور - مرفق السعر !! + إكسسوار جديد لـcr-v

**The Godfather** · 22-02-2008, 03:04 PM

بسم الله الرحمن الرحيم

السلام عليكم

طبعا الموضوع باين من عنوانه ....

رحت برحله تفقديه للوكاله امس .,... فشفت شي جديد عندهم

الا محبوبتي الاكورد كوبيه

طبعا بعد الفحص و التدقيق و السؤال

تبين التالي :
اكورد كوبيه 4 سلندر فقط هي التي نزلت !!

سبيشل.....الكراسي مخمل ... الفل اوبشن مع نزول السته تكون متوفره

السته سلندر راح تنزل بعد شهر و نص الى شهرين

لاول مره .... و على كثر ما اروح الوكاله .... اشوف زحمه داخل الوكاله !!

الناس تحب الكوبيه بالكويت .... علشان جذي ما عليها اي خصم

الالوان الجديده روووووووووووووووووووووووووووووووووعه

الصور كثير و تحتاج وقت على ما تكتمل

محبي السي ار في .... انظر نهاية الموضوع

المواصفات :

1- كوبيه
2- فتحه
3- عدسات
4 - زينون ( بالواطي بس )
5- كوبيه مره ثانيه :d
6- تظام في اس ايه vsa
7- السيدي بلاير يبلع 6 سيديات ( ابو 6 وصل :d )
8- التكييف بمنطقه واحده فقط و يدوي
9- الدرايش ( النوافذ ) الثنتين اوتو
10- 190 حصان
11- عمود توازن ( بار توازن ) BALANCE BAR
12- ليست صناعه يابانيه
13- كوبيه هم بعد :d
14 - صناااااااعه امريكيه
15- الكراسي تحكم يدوي
16- جنوط قياس17 - كفرات ميشلان
( مو قادر اذكر شي زياده -- اذا في زياده راح اكتبها )

السعر :
7250 دينار = 94250 ريال

الصور :

المكينه :

^^^^^
هاذي مكينة الـ S2000 ... غشيتكم :d خخخخ <<< ما جرب ينضرب من قبل !!

هاذي المكينه :

الداخليه :

الالوان :

ازرق ( الداخليه بيج )

رصاصي (الداخليه اسود )

رمادي ( الداخليه اسود )

اللون العجيييييييب (احمر - دم غزال ) ( الداخليه اسود )

شوف اللون زين

الكنق --- اسوووود - ملك الالوان

العدسات - ( يا زينها على الاسود )

الرنق :

و اخيرا صوره بانوراما للمعرض ( للاسف توي الاحظ ان الصوره ما كانت مضبوطه شوي )

اللحين .... يا محبين السي ار في
شوفو الصوره و قولو لي الفرق

هذا هو الفرق مع طقم نياكل لمكان الكشافات و يدات البيبان

هذا و السلام عليكم و رحمة الله و بركاته

( هذا الموضوع اجتهاد شخصي .... لا اسمح لاي شخص بنقله الا بعد اخذ الاذن مني او من الاداره )

**يامطنش** · 22-02-2008, 03:18 PM

يسلموووووووووووووو عقيلوه على المجهود الشخصي وصراحه السياره حلو وباقي بنشوف v6

تصويرك مو زي كل مره <<<< انثبر احمد ربك شفت صور

الله يعطيك العافيه ياملك التقراير

**AL5FY** · 22-02-2008, 03:20 PM

بصراحه الكوبية بطله وسعرها قوي

وياليتك مصور الخلفية اكثر من صورة لان مبين عليها انها افضل من السيدان

الواجهية

اشكرك اخوي على الجهد الرائع

تشكرات

**الـمـسـافـر** · 22-02-2008, 03:30 PM

ياااااااااااا عيني على الكوبيه

يسلموووووووووووو ع التقرير عقيل

والسعر جدا حلو << متوقع يصقع فووووووووووق

**أبو الريش** · 22-02-2008, 04:06 PM

يا ويل قلبي على الكوبيه

بصراحة مره مره حـلوه

وسعرها فـيها

ومشكور اخي على التغطية <----وين قاعدين :d
ومشكور اخي على المجهود الرائع الذي بدلته

وتقبل تحياتي

**المـــــلكـ اكـــــورد** · 22-02-2008, 05:58 PM

يعطيك مليون عافيه عقيلوه على الصور
فعلا ابداع وسعرها حلو خاصه انها امريكيه الصنع

**هـــوندا وبـــس** · 22-02-2008, 08:57 PM

يعطيك العافيه اخوي على التقرير الحلو

وعقبال ماتنزل عندنا

بس شكل عبدالله هاشم :(

بيرفع سعرها مثل الاربعه سلندر السيديان

**ولد راك** · 22-02-2008, 11:26 PM

الصراحة موضوع على مستوى

تسلم اناملك يالغالي

بس عندي سؤال انت ذكرت ان السيارة ليست صناعة يابانية

متأكد من هذا الشي ؟؟ وهل هذا ينطبق عالسيدان ؟؟

اسمحلنا اذا ازعجناك

**The Godfather** · 23-02-2008, 12:43 AM

^^^^
يا ولد راك ....
اولا الكوبيه ليست يابانيه .... بل امريكيه ... و الدليل موجود بالوكاله و موجود بالسياره عند باب السائق
بس للاسف اني نسيت اصوره ... و انشالله بس تخلص الاعياد الوطنيه عندنا بالكويت ..بروح الوكاله و اصوره

السيدان يابانيه اكيييييد

شكرا على مروركم الكريم :d

**The Stig** · 23-02-2008, 12:56 AM

ياشييييييييخ وين موضوعك من زمااااااان !!!

انا احب واقدر الاكورد الامريكيه ... على الاقل مافيها ازرار فاضيه مثل الخليجي ...

المووووووهم طال عمرك

ويش سالفة السي ار في ؟

:d

**ولد راك** · 23-02-2008, 08:31 AM

مشكووور الغالي على ردك

**AL5FY** · 23-02-2008, 07:38 PM

الفل V6 تتوقع فيها شاشة

**MOHAMMED SS** · 23-02-2008, 08:33 PM

ههههههههه

امس البارحة شايف وحدة في الشارع اقول الى الربع هذا هوندا اكورد اقولون لا مي هي بصراحة

ابداع واتوقع راح اتنافس السيارات الكوبيه

بس حلو منك كوبيه مره ثانيه

وصورة s2000 انا وقف قلبي يوم شفت VTEC قلت معقولة نزلوا VTEC حق الاكورد 4 سلندر

بصراحة لو كانت VTEC وقير عادي و4سلندر اتوقع انها بتنافس v6

**Black Accord 2008** · 23-02-2008, 11:30 PM

الله عليك ..

موضوع رائع وصور أروع ..

بس ..

ليست يابانية

مخمل و4 .. بس هالي نزل

كوبيـــــــــــه وشكمان واحد .. مو لايقه بصراحه

مشكور حبيب قلبي عقيلوه عالموضوع ..

والسي ار في .. شي شي

تحياتي

**The Godfather** · 24-02-2008, 12:39 AM

المشاركة الأصلية كتبت بواسطة AL5FY

الفل V6 تتوقع فيها شاشة

لا .. على حسب كلام موظف الوكاله .... قال ان الشركه ماراح تنزلها على موديل 2008 ... بس في احتمال لـ 2009

المشاركة الأصلية كتبت بواسطة MOHAMMED SS

ههههههههه

امس البارحة شايف وحدة في الشارع اقول الى الربع هذا هوندا اكورد اقولون لا مي هي بصراحة

ابداع واتوقع راح اتنافس السيارات الكوبيه

بس حلو منك كوبيه مره ثانيه

وصورة s2000 انا وقف قلبي يوم شفت VTEC قلت معقولة نزلوا VTEC حق الاكورد 4 سلندر

بصراحة لو كانت VTEC وقير عادي و4سلندر اتوقع انها بتنافس v6

البارحه و لا امس ؟؟ كلهم نفس الشي !!
و اكيد لو انها تنزل بمكينة الاس الفين .... بتصير الهوايل و خصوصا ان مكينة الاس الفين قريب 300 حصان مع انها اربعه سلندر
يعني بتنافس الموستنق ابو 8 سلندر !!

المشاركة الأصلية كتبت بواسطة Black Accord 2008

الله عليك ..

موضوع رائع وصور أروع ..

بس ..

ليست يابانية

مخمل و4 .. بس هالي نزل

كوبيـــــــــــه وشكمان واحد .. مو لايقه بصراحه

مشكور حبيب قلبي عقيلوه عالموضوع ..

والسي ار في .. شي شي

تحياتي

على فكره .... نزول الكوبيه كان نزول سريع تدري ليش ؟
لان نيسان سوت مفاجئه و نزلت التيما كوبيه قبل موعدها .... و قامت هوندا و نزلت الكوبيه قبل موعدها بعد
لو تلاحظ بالقسم اني سبق و قلت ان الوكاله كانت بتنزل الكوبيه بشهر مارس
يعني مثل ما يقولون هوندا سوت : " تلافي سريع للخسائر في سوق الكوبيه "

و سالفة شكمان واحد اني عندي لك رد طويييييل

الاودي تي تي (TT ) كانت بالموديلات السابقه شكمانين .... و يوم انهم غيرو في شكلها شوي من الاصطابات القدام و شوي من ورا .... نزلت بـ 2008 بشكمان وااحد و فتحته اصغر من فتحة الموديل اللي قبله ابو شكمانين

يعني كوبيه و بشكمان واحد ... مو شي غريب !!!
و تراها بسيطه .. مد لك شكمان ثاني !!
انا سويتها و لا كلفتني الا مبلغ تاافه

و السي ار في .... هذا مع الاكسسوارات من الوكاله ... و تقدر تطلبهم .. و متوفرين بعد للهوندا سيتي و قريبا للسيفك و الاكورد اذا ماني غلطان .... لان الموظف قال انها بتكون في مفاجئه بالنسبه للاكورد .. فأنا متوقع يا انها الشاشه و لا انها الاكسسوارات

و شكرا على مروركم الكريم ..... :d

**التلميذ** · 24-02-2008, 12:57 AM

مشكووور اخوي علي المجهود الرأئع والمتميز

**لصمت ملاك** · 24-02-2008, 01:00 PM

يسلم رااااسك يا مبدع

والله يعطيك ألف عااافيهـ ,

وتقرير راائـع ,

كفيت ووفيت يا بعديـ ,

وسعرهـا معقووول والألوااان حلو وااايد ,

اللهـ يرزقك وحدهـ منهن << خخخخخخ

ولكـ مــن الــود أعذبــهـ

**CR@SH** · 25-02-2008, 02:13 PM

تسلم على الموضوع

بس للاسف الصور مو طالعة عندي و الموقع مقفل من مدينة الملك عبد العزيز

بس مشكور و ما قصرت و بانتظار الـv6

بايوو

**Honda Al-aswad** · 18-03-2008, 12:59 AM

عطيك العافيه عقيل حبيبي بس بصراح احلى شي اتيه الكوبيه v6 لان تكون من 300 حصان تقريبا

ومشكور على هذا المجهود
وانشاء الله اغير مكينت سيارتي وحطه مالت الكوبية
ترى اتغشمر:d

**burnin_ruberi4** · 02-05-2008, 12:41 PM

مشالله تبارك الله, هو دا المطلوب إنو يكون فيه ناس زيك تقسم وقت خاص وتكون وفية للمنتدى والهوندا بشكل عام...

الأكورد هيا تعتبر أفخم سيارة بالنسبة لفئتها نقطة عالسطر.

وياعيني على تنافس الشركات الي يعود بفائدة لنا إحنا شرايين السيارات.

**دحوم** · 15-07-2008, 10:11 AM

الله يعطيك العافية على الموضوع ، بالنسبة لي الاكورد الكوبيه روعة لكن بكل صراحة ماافكر في إمتلاكها والسبب لااعلم ، ممكن مابعد استوعبت ان الاكورد الكوبيه نزلت عندنا واخيرا هههههههههههههههه .