محتار وأبي رايكم ياجماعه ضروري

**فـ^ـ^ـص** · 24-02-2008, 02:28 PM

سلام عليكم ورحمة الله وبركاته

شلونكم شباب

هاذي اول مشاركه لي بالمنتدى

أنشالله اني اكون عضو خفيف عليكم

ياجماعه انا حيل محتار أبي اشتري سياره ومحتار بين 3 سيارات
1- ألتيما
2-أوريون
3-هوندا اكورد

كلهم 2008

أنا قريت مواضيعكم ومبين انكم اهل خبره بسيارات

أبي رايكم بشنو أختار وراي بضمير انا ابي لما امشي بسياره ارتاح مابي تنسيم واصوات ابي سياره مريحه بشنو تنصحوني واذا نصحتوني بسياره ابي شنو مميزاتها وياليت اذا في صور

من ناحيت العزم اتوقع كلهم متساوين تقريبا لني ابيهم كلهم 6 سلندر وكامل مواصفات

وشنو السياره الي ماتفكك بسرعه لني سمعت عن الاوريون ديكورها بسرعه يتفكك ويسبب ازعاج

انا ابي رايكم لنكم اهل خبره

سووري طولتها واهي صغيره :d

**aydw5** · 24-02-2008, 02:33 PM

يا أخي أنا بارشحلك أكورد 6 سلندر لأنها أفضلهم من حيث القوة والمتانة والعزم والتوفير في الوقود .. وعلى العموم التجربة خير برهان .. السيارة التجربة متورة بمعرض خريص ويمكن لك تجربتها والتأكد من ذلك ..... تحياتي

**فـ^ـ^ـص** · 24-02-2008, 02:47 PM

يعطيك الف عافيه أخوي على مروورك

بصراحه انا جربت ركبت الاوريون وركبت الهوندا
الهوندا اقل تنسيم واريح
تسلم اخوي على الافاده

**الاخطبوط** · 24-02-2008, 02:47 PM

ومن ناحيتي أرشح الأكورد >>> ليس عن عاطفه ولكن عن اقتناع

الأوريون حلوه بمواصفاتها ولكن السيارة جديده بالسوق وعليها بعض الملاحظات

الألتيما معروف عنها بقوة المحرك ولكن المواد المصنوعة منها الداخلية رديئة

أما الأكورد والحمد لله سيارة تعمر طويلا وقوتها ممتازه والمواد المستخدمة في تصنيع الديكور ذو جوده عاليه

وعلى العموم السيارة اللي تقتنع فيها اشتريها لانك ستهتم فيها ويمكن تتغاضى عن عيوبها لمحبتك لها

واذا اخذت سيارة وانت غير مقتنع فيها صدقني كل يوم بتسب فيها ولو حتى على أبسط العيوب

ينقل الموضوع للقسم العام

**أبو سليمان** · 24-02-2008, 02:49 PM

جودة الألتيما ما تقارن ابدا مع جودة الأكورد

أنا رحت للوكاله وركبتها الصراحه ديكورها مو مثل جودة الأكورد

اما الأوريون ما ادري عنها ولا عمري ركبتها

اهم شيء لا تشتري شيء وانت مو مقتنع فيه

روح للوكالات واركب هذي السيارات واللي ترتاح له اشتره

بس يا ليت لو تحدد من المواصفات

مثلا تبي سيارة رياضيه !

راعي مقاومات !!

سيارة شبابيه اكثر !!!

**فـ^ـ^ـص** · 24-02-2008, 03:10 PM

تسلم الاخطبوط وابو سليمان على مرووركم وااافاده

بصراحه عاجبتني الاكورد من ناحيت الراحه وانها يبانيه الصنع

أنا ابي سياره شبابيه مو راعي مقاوم عادي استعمال

شاكر لكم

**بسمة ألم** · 24-02-2008, 07:49 PM

بصراحة أنا أرشح الاكورد ... لاني مقتنع فيها ... وتدري سيارتي موديل 92 ... شوف كم سنة من الاستخدام ... والحمد الله أستخدامها تمام

وكيف لو 2008 تعيش معاك العمر اذا كان أستخدامك نظيف طبعا َ

تحياتي

**جريح الاكورد** · 24-02-2008, 09:29 PM

انا لما قريت اول الموضوع قلت احسن شي تاخذ التيما ..

لكن اذا تبي تاخذ v6 فأرشح الاكورد و بقوة لان الجودة اهم شي ..

والله يبارك لك فيما تختار ..

و أوصيك تصلي صلاة الاستخارة ..

**accord05** · 24-02-2008, 10:29 PM

توكل على الله انا والله ماقلتلك عشان اتفلسف انا لو مكانك والمساله فيها v6 باخذ الاكورد لكن اذا v4 خذ الالتيما احسن

والله يوفقك

**King** · 24-02-2008, 10:30 PM

^^^^^^^^
الأستخارة أولا ً

والله أخي العزيز انا من ناحية الأفضل فا هوندا أكورد V6 الأفضل من جميع النواحي بالفخامة بالراحة وقلتها بالتنسيم ورساوتها بالخطوط ( بالطرقات ) والسفر مريحة جدا ً وعلى قولت المثل

(( إسئل مجرب ولا تسئل طبيب ))

بالتوفيق بالأختيار

ومقدما ً مبروك على الهوندا

**فـ^ـ^ـص** · 25-02-2008, 03:46 PM

الله يعطيكم العافيه شباب ماقصرتو

أنشالله أصلي الاستخاره

وبصراحه فيني قناعه للأكورد

شاااكر لكم

**sunnyee** · 25-02-2008, 09:53 PM

أبعد عن الألتيما

ولا تفكر فيها أبداً

ردئية جدا في جودة المواد الداخلية

سنة وحتلاقي داخليتها مفككة

الأوريون تتفوق في المواصفات على الأكورد
( يشتكون من اصوات طقطقة في الديكور) لكن ليست سيئة زي الألتيما

الأكورد تتفوق بجودة التصنيع العالية

الإستخارة أولا وآخرا واللي ترتاح له توكل على الله فيه