هلا بك اخوي وشكراً على التنبية ولاكن انا ماعطوني لا كرت الضمان حق 100000الف ولا خصم التظليل من ممكن اقدر اخذها ؟؟ ياليت تفيدني ؟؟
تنبية للي بيشتري هوندا 2008 من الوكالة لازم تكلمهم يعطونك :
1- الدعاسات ( الوطايات )
2- خصم للتضليل
3- طفاية الحريق
4- شنطة تحتوي على ( مثلث - شماسة - دفتر - ميدالية - ادوات اسعاف )
5- كرت الضمان 2008 100000مائة الف كيلو
إذا سكت مايعطونك شي لازم تتكلم
هلا بك اخوي وشكراً على التنبية ولاكن انا ماعطوني لا كرت الضمان حق 100000الف ولا خصم التظليل من ممكن اقدر اخذها ؟؟ ياليت تفيدني ؟؟
88888888
انا مثلك وودي اروح لهم اليوم
ياليت ياmomo اذا رحت لهم علمني وش يصير معك لانه مشوار استأذن من الدوام واخر شي بدون فايده ويعطيك االعافيه
الا يعطونك هذي الاشياء كلها والخصم من زيبارت عازل حراري يخصم 300
وكمان حمايه مقاعد مجانيه مع الخصم
احلا تحية
طيب اللي معهم 2007 مايعطونهم
انا رحت لهم قبل شوي وعطوني كرت التضليل ورحت لزيبارت قالي ب2150بعد الخصم ب1800
بس انا بضلل عند درايف7 افضل شي والعزل 95بالميه بس غاليييي
التعديل الأخير تم بواسطة momo ; 03-03-2008 الساعة 05:08 PM
مشكور على النصائح لانهم من جد قعاطى مايعطون وطايات تدفع حول الثمانين الف وبخلانين عليك ب مية ريال وطايات هدية !!!!
مشكور علي المعلومات الجديده ويعطيك الف عافيه
زين اللي قلت للشباب الله يجزيك خير
طيب أصحاب 2005 وش لهم ؟ :d
الله يعطيك العافيه يالغالي على التنبيه ..
أخووي انا ما عطوني الوكاله كرت تخفيض لزيبارات عطوني لسولار قارد بس ,, وللعلم انا مضلل زيبارت ب 2150 ويش الحل اللحين يا ناس ؟؟
أخوي مومو ,, لما قلت لهم أبي التخفيض ويش قالو لك ؟؟؟
أخوي الباشا ,, حمايه المقاعد فوين أسويها وخصم أيش ,, يا ريت اتفيدنا
التعديل الأخير تم بواسطة The Godfather ; 07-03-2008 الساعة 12:31 AM
أنا أول ماطلعت ..
عطوني خصم في كول ..
اما كرت 100000 وش المقصود
أتوقع هو دفتر الضمان (( اذا يختلف عن الدفتر ياريت تعطونا خبر ))
باقي الأشياء كتبتها أنا من زماااااااااان
تحياتي
هلا عوده من جديد
انا رحت لواحد اسمه سلطان فرع خريص وقلت اخذت الاغراض الا الخصم قال بس هذا ابشر
دقيقه والخصم عندي من زيبارت 10بالميه وحمايه المقاعد مجنانا
رحت لزيبارت قلت بكم تضللون الاكورد قال ب2150قلت هذا خصم قال ب1800تطلع
وفيه شي حامي للجلد ماده يحونها مجانا مااددري احطها ولا لا
عمي بالشرقيه طلع اكورد امس اعطوه سولر قارد ماداري وش الفرق
لا ابوهم لا ابو الي جابهم
ما عطوني كرت التضليل و الشمس تضرب في وجهي الحين
بيخترب جمالي منهم هههههه
خسارة و الله
أنا ماخذ السيارة من موزع مو من الوكالة والدعاسات موجودة في الشنطة غريبة ان البعض يقول مالقوها لأنها مذكورة في كاتلوج السيارة انها من المصنع واعطوني خطاب للوكالة عشان آخذ طفاية الحريق والشنطة اللي فيها الشماسة إلخ وأعطوني خصم للتظليل من في كول 10% بس صراحة مايسوى 1650 يصير 1500 يعني الفرق بسيط جدا.
أيها الإخوة الأعزاء .....
* فرشات الأرضية .... أصلية وتصرف مع السيارة وليست هدية من الوكالة
* شنطة الإسعافات الأولية وطفاية الحريق ... هدية واجبة ومن حق كل عميل ولا تسقط بالتقادم (يعني إذا كانت غير متوفرة وقت الاستلام يمكن الحصول عليها عند التوفر)
* خصم التظليل يعطى من أكثر من شركة متعاقد مع الوكالة (زيبارت - في كول - لومار .... إلخ) وهذه خدمة من شركة التظليل وليست من الوكالة
* وهذا ينطبق على خدمة عزل الفرش الداخلي ضد البقع وهي مقدمة فقط من شركة زيبارت
* ضمان 100.000 كم هو على جميع سيارات موديل 2008 هو ضمان المصنع وليس هدية من الوكالة لذا فهو من حق العميل وإذا لم تستلم كتيب الضمان يمكن مراجعة الوكالة والحصول عليه
جميع الخدمات أعلاه لا يوجد مشكلة في الحصول عليها من الوكالة
مع تحياتي
الله يعطيك العافيه يالغالي على التنبيه ..
يسلمو على الموضوع بصراحة اخوي اخذ 2007 حصل الوطايات في الشنطة وعطوه خصم التظليل وورقة قالو تروح للوكالة حقت طفاية الحريق بس الشنطة الي تقولون عنها الي فيها الشماسة والمثلث مادري عنها .
مشكووور طآل عمرك
ع التنبيـهـ ,
بس آنا ليـ ثلاث شهوور مشتريهـا ,
مدري أقدر أحصل عليهـا الأن
مشكور يا AMMML على المعلومات القيمة وللمعلومية انا سيارتي موديل 2005 ورحت اليو لقسم قطع الغيار وقلت له وين الهدايا حقتي قالي المصري وانت من وين مشتريها من هنا ولا من برى قلت له وش الفرق قالي اذا شاريها من هنا قول للموظف عشان يعطيك ورقة واعطيك الهدايا واذا شاريها من برى روح للمعرض اللي انت شاريها منه وقول له يعطيك ورقة تثبت انك شاريها م عنده ( وين اذنك ياجحا ) احس انها تصريفة المهم رحت للمعرض وقالي انت مو اول واحد يجيني ويطلب مني ورقة لكن ما اقدر لان الكلام له ثلاث سنوات يعني راحت عليك:(
للاسف وكالة هوندا ما يحطون الهدايا اللي ذكروها الشبابا اساسية في شنطة السيارة مثل الاستبنة ماتتحرك ومثال علىذلك شوفوا الكامري غير الهذايا معطينهم منفاخ من جد دلع لكن شي يغطي على شي وسلامتكم
مشكووووور يالغالي على المعلومات المفيده باأسأل عن جنوط الاكورد 2007 الي تنباع في البناشر ومحلات الزينه كيف هذي الجنوط تمام ولا ماتنفع حاولو تردولي بالله واذا تعرفو جنوط اصليه للبيع قولولي نضيفه كلموني بالله لاني ودي اركب جنوط وعساكم عالقوه وتحياتي عالجميع
الف شكر على المعلومات القيمه
مواقع النشر (المفضلة)