السلام عليكــم ورحمة الله وبركاته ..
في مشاركتي ( الثانية ) على التوالي رآح أطرح لكـم مشكلتي ( المستعصية ) < متعوب عليهـآ
( طبعا كــل احترامي وتقديري لمؤسس النادي الاخ الغالي عليه HONDA ) ..
ولكن بس ابي شيء بسيط منكم اللي هو ..

(( أكورد فل اوبشن 4 سلندر _ كامري Glx ))



التعصب مآ نبيه أبد .. وأنا عآرف إن التعصب مآهو من عآدات محبي هوندا .. وبلون يبعث ع الرقه و الحنان



======

كح كح كح كح كح كح كح كح كح كح

========

ابشركــم
(( .. خرمه الاكورد رجــعت .. ))

========

1) نويت على Glx . كلام مافيه رجعه ابد لو تجيني SE بلاش (( كذااااب )) ..

2) اللون باقي متردد صراحه بس يا فضي يا اسود ..

3) فل كااامل وححاول آخذها بدون جناح واركب حق 2007 واحتمال بجناح 2008.. وربي هيبة مع احترامي لبعض الاخوان

=====

انتهينا من الكامري ونجي ع الاكورد

=====

بلاشي عنصرية وكلام بزورة .. حنا نتكلم كلام رجال حاليا وكلامي مو تنقيص في حقكم والله شاااهد .الاكورد راح تكون مواصفاتها

1) 4 سلندر فل كامل . التوب في 4 سلندر

======

المهم الاكورد بصراحه ما اخترتها جنب الكامري الا لأن الوندا و التويوتا اخوان ( ايه هين ) ..
عاد قلنا لا تعصبون .. خخخ
بكل صراحه وماحد يقدر ينكر .. الاكورد أثبتت وجودها وباللاخص موديل 2008 .. اللي جاب القلق للكثير .. مالها الا شهور من يوم نزلت الخليج و بالاخص السعودية واكتسحت السوق صراحه .. ( احس اني اكتب تقرير ) خخخخ , المهم انا و الله ما اخترت السيارتين واحترت فيهم الا من واقع التجربة .

جربت الكامري وجربت الاكورد ( Glx و اكورد سياحي ) الاكورد حقت ولد خالي , الكامري حقت ولد ولد خالي ( مشوار صح ) ( ما شاء الله ) ..

: المهم :
سقت الكامري مافي زيها مريحه وماحد يقدر الكلام ذا وطبعا حقت كرف والدليل التكاسي وانتشارها العجيب . اما الاكورد مع انها جدية لكن و الله اشوفها بشكل ملحوظ في الشوارع مع انه توهاا نازلة لكن شوفوا كيف قلبت .. وبصراحه فخامة متناهية علما بأن اللي سقتها اقل فئة ( سياحي ) اجل كيف الفل .. انا و الله ما تهمني الا مواصفات بذكرها بالترتيب وهي الاهم عندي ..

1) السلامة .. وهي مطلب اساسي ( ارواحنا مو للبيع ) مابي انتحررررررر ..

2) البودي وسماكته ومدى تحملة ( تدخل في السلامة ) وما ننكر ان الاكورد اثقل واسمك .

3) القوة و طولت العمر . ( ماننكر ان الكامري تعيش معك اكثر . ولكن حتى الاكورد تعيش لكن مو بستوى الكامري بس يبقون متقاربتين .

4) الجودة و االصيانه و قطع الغيار ( الاكورد صراحه جودتها زيادة حبتين .. الكامري هاا لكـ عليها صراحه ) و القطع رخيصه في الكامري و الاكورد ما تطلب واجد مع العلم ان موديلات 2008 خفضوا القطع 40% على ما اظن.

5) سيارة خطوط وتمسك معك ( الرساوة بالعربي ) وعزل الصوت ... ( كلهم متقاربات ) ( اما العزل فهو للاكورد )

6) الرسمية و المظهر الشبابي ( الاكورد رسمية وشبابية في نفس الوقت . اما الكامري حقت قطب و شباب ) مع احترامي لملاك الكامري . وبصراحه انا من فئة الشباب و احب المظهر الرسمي . كلها الثنتين حلوات ( وجهة نظر ) .

7) الرفاهية ( الثنتين فيهم رفاهية بس احس ان الاكورد اكثرر ) مدري ليه ..* ووالله ماهمتني المواصفات بقدر السلامة في السيارة .

وزي ما قلت ( ارواحنا مو للبيع )

======

في الاخير كل واحد ورايه .. ابغى اسمع ارائكم الحين بكل صراحه وبدون عنصرية .

تويوتا مو حقت ابوك عشان تمدح وتسب فيها وهوندا كذلك ..

وش الافضل في نظرك بعد ما عرفتو وش ابي سيارة ..

======

اسعارها علما باني راح أخرجها ( تقسيط - هوندا ) او ( تأجير منتهي بالتمليك - تويوتا )
واسعارها كالتالي ولها اسبوع الاسعار عندي

-=-=-=-=-

كامري Glx قير اوتو فل كامل .

الدفعه = 15000 الف .
القسط = 1593 ريال .
المدة = 42 شهرهو كتبلي كذا مدري عنه ( ـخـخـخـخـ )

سعرها كاش = نسيت

-=-=-=-=-

اكورد فل كامل 4 سلندر قير اوتو

قسط اول = 2745 + لوحات = 500 + تأمين = 350 .
القسط = 2705 ريال .
المدة = 47 شهر
اجمالي الاقساط = 120730 ألف .
سعرها كاش = 94.000 الف .

-=-=-=-=-

تكفون يا اخوان تراني احترت .. وللاخوة المتعصبين زوروا موضوع اخونا عاشق الكمر المثبت من يطوف سوناتا اكورد كامري

======

اسف طولت وارجوا انه ماحد يرد الا يكون قرا ردي هذا ..ولاحد يرد اذا كان عنده تعصب لنوع معين .. هذا استفتاء مفتوح


======

الموضوع هذا كتبته في منتدى خآص بالكامري و إلى الآن ما استلمت ولا رد . مدري ليه ;)

ع العموم .. ارجوا من مؤسس النادس HONDA انه ما يزعل
وبعد الافآدة ( احذف الموضوع بدون مآ تشآور )

======

أفيدونآ أفآدكم الله