الموضوع: مالفرق بين التقسيط والتاجير ؟ وأيهما افضل ؟

هلا اخوي ديار 2007

بالنسبة للتقسيط شروطه شوي معقده من اعقدها انك تجيب كفيل وشرط يكون موظف حكومي ومو من الاقارب وعمره ما يتعدى الـ 60 هيا روح دور ع واحد يكفلك مو بالسهل الحين تلقى واحد يكفلك

اما التأجير صراحه مريح البشرية كلهم ولو مافي تأجير كان ما لقينا زحمة بالرياض ::::d

اما مزايا التأجير: اول شي تكون السيارة مؤمنه تامين شااااامل لك ولغيرك;)
بعض الاحيان يكون بدون دفعة;)
تقدر ترجع السيارة في اي وقت تبي تغيرها تستبدلها او ما تبيها بس تدفع الفرق
اي حادث لا قدر الله يصلوحها لك وكااالة مهما كان الثمن ولا تدفع شي (( بس رسوم بسيطه))

اتمنى اني قدرت افديك يا خوي بس بالنسبة عن اسعار الـ 2008 ما عندي فكره عنها

تحياتي لك

أمير

المشاركة الأصلية كتبت بواسطة امير الهنادي

تقدر ترجع السيارة في اي وقت تبي تغيرها تستبدلها او ما تبيها بس تدفع الفرق

هذي كثر منها

لان واحد من الشباب مأخذ له سيارة عن طريق الراجحي ودفع تقريبا 18 ألف من قيمتها

وهي محسوبه عليه 90 ألف المهم قالوا إذا تبي ترجعها لازم تدفع حوالي 18 ألف حقت الكيلو مترات

الي مشيتها ومدة الإيجار وما فيا أي استبدال ما فيه الإ ارجاع مع دفع مبلغ محترم


ثانكس

يعني انا موظف وباخذنظام التقسيط لازم كفيل

المشاركة الأصلية كتبت بواسطة ملك قوقل

اذا راتبك ينزل على البنك هو اللي يشتري لك السياره ويسوي استقطاع

على العموم انت روح للبنك او المكان اللي بتشتري منه واسال
وللعلم ياغالي اخر رد في الموضوع
05/03/2008

يعني الموضوع صار له 3 سنوات تقريبا واحتمال في تغيير بعض الانظمه !!!

جزاك الله خير يالغالي

الفرق بين التاجير والتسيط
التاجير : نظام التاجير ان البنك او الوكاله تاجر منك السياره بعقد بينك وبينها بان السياره تكون ملكك بعد انتهاء العقد
وهو عقدين في عقد واحد وهو التاجير والتمليك
البيع مع الوعد بالتملك
اما نسبه البيع فتكون على حسب الفرع اللي انت ماخذ منه السياره فمثلا البنوك اقل نسبه يتفاوت من 5 الى 8 بالميه نسبه التاجير اغلب الوكالات ما تبيع بالتاجير بل تبيعها للبنك والبنك يبيعها عليك
في حاله ارجاع السياره كما ذكر الاخوان تحسب عليك الكيلومترات انا حسب ما اذكر الاخوان ان كل اثنين كيلو بريال حسب العقد يعني قبل لا تشتري السياره اقراء العقد وطبعا اغلب الناس ما تقراء العقود
انا يوم جيت اشتري السياره وقريت العقد جلس المصري يمتحني وقع وقع قلت له انا مو راح اشتري والعقد انا ملزم فيه خلاص لازم اقراه والله جلست ممكن 10 دقايق اقراء فيه وكله على راسك


اما بالنسبه للتقسيط:فهو بيعك السياره وتنقل الملكيه باسمك وبس النسبه للتقسيط تكون عاليه
بحوالي 10% وفيه مقدم عالي خاصه عند عبدالله هاشم تتفاوت من 8000 الى 15000 حسب راتبك
السياره ملكك تقدر تتصرف فيها مثل ما تبي

الميزه في التاجير ان لو السياره انصدمت هم يتحملو بس ممكن ما تسترجع من فلوسك ولا شي
التقسيط لو صدمت لا سمح الله عندك التامين يغطى تكاليف وفي حاله عدم التامين التشليح وهذا الافضل
لان التامين راح يسترجع لك فلوسك

اتمنى اني افدتك

غريبة ماحد تكلم عن حكم الايجار منتهي بتمليك ؟؟؟؟
بس بنصحكم على شي انا شفته بعيوني كانت عندي يارس 2010اخذتها ايجار منتهي بتمليك من ابو جميل :dوربي مااكملة معاي شهر ونص ورجعتها تخيلو مره عند اشاره انصدمة من ورا عاد راحة البوية حقة ركنية الصدام وانطعج الصدام و3 مرات تنصدم وهي واقفه :(بس الحمدلله كلها خفايف ورجعتها وطالبوني 13الف ريال والسياره توها ماشيه 7000كيلو قلت ماعندي قالو جيب احد ياخذها منك عاد الحمدلله تصرفة السياره ;) وجارنا كان عنده كورلانفس الحكاية دقات لحد اخر مرره راحة تشليح واخذ يارس وربي الحين كن موديلها 77 مدقوقة من كل مكان والقصص كثيره ولا ابي اطول بس الزبده الايجار منتهي بتمليك ماافيه بركة والدليل عند الشباب الي ماخذين بالايجار واسف على الاطالة

^
^
أنا حاولت أنبه أحد الأخوان في تلك الفتره ( http://www.hondaarabia.com/club/t16124/ )
و والله أنك صادق المال الحلال تحس فيله بركه