الموضوع: بعد كسر حاجز الـ 5000 كيلو هذي ملاحظاتي على اكوردتي 2008 اربعه فل

السلام عليكم

سيارتي مشت 5 الاف كيلو 2008 فل اوبشن 2.4

ملاحظاتي عليها بذكرها تحت وان شاءالله نشوف اصحاب الـ 2008 ونتناقش حول الملاحظات المذكوره وهل لاحظوها مثلي ولا لا :


1- احياناً يطلع صوت طقه اذا شغلت المكيف .

2- احياناً يطلع صوت اذا كنت ارجع للخلف بمعني اذا عشقت ريوس اول ما افك رجلي من البريك وتتحرك السياره يطلع صوت غريب ما اقدر اوصفه بصراحه وما يطلع الا نادراً .

3- رساوة السياره على السرعه مش ولابد على عكس المنعطفات والدوارات فهي ثابته جداً لكن على سرعه فوق 120 تحس شنطة السياره تلعب لحالها اذا لفيت بقوه يعني حاولت تتجاوز سياره خلفية السياره ما تستوعب الفكره الا متأخر تحسها تميل بعد ما تعدل السياره وتجيب فيك العيد لو انك مو منتبه . وبعد الطاره خفيفه على السرعه وحساسه يعني اقل لمسه تلف معك بقوه وكان ودي تكون اثقل شوي على السرعه وتحسسك بالثقه .

4- بوري السياره :d فلم فيني بصراحه اول ما طلعت السياره ضربت بوري وصوته من داخل السياره غبي ونويت اغيره بس سمعته وانا فاتح الباب طلع العكس رسمي مشاءالله بس اللي لاحس مخي ليش من داخل صوته غير .

5- ريحة المكيف اذا شغلت المروحه بس بدون الفريون يطلع ريحه خايسه وش الحل وهل فيها فلتر ( على فكره انا مدخن )

6- المكينه قويه مشاءالله مع انها 4 سلندر قمت على كامري قير عادي وانا سيارتي اوتو مشاءالله بس ملاحظ فزتها بالبدايه ضعيف يعني الى 20 او 30 مدري ليش هل هو نظام حمايه او تركشن وشي ثاني صوت الحنه ياشباب هذا اللي ودي اشوف له حل الوكاله يقولون عادي بكل الاكوردات مدري وش رايكم هل اعتبره عيب مصنعي ووان شاءالله تلقى حله هوندا قريب او نتعود وننطرب عليه .

7- عندي رجة فرامل اذا هديت على سرعه الوكاله قالو لي بنخرطها وانا رفضت لأن اللي اعرفه ان الخراطه حل مؤقت . المهم في واحد قال لي لا تغسل السياره الا وهي بارده انتو وش رايكم ؟



بإنتظاركم

ياشباب وش سالفه الحنه اللي في 2008

يعني هي زي اللى في الموديل القديم 2006؛2007

المشاركة الأصلية كتبت بواسطة الحــل الصعب

1- احياناً يطلع صوت طقه اذا شغلت المكيف .

عادي حتى في 2007 نفس الكلام اذا كانت السيارة بارده وشغلت المكيف يطلع هالصوت

4- بوري السياره :d فلم فيني بصراحه اول ما طلعت السياره ضربت بوري وصوته من داخل السياره غبي ونويت اغيره بس سمعته وانا فاتح الباب طلع العكس رسمي مشاءالله بس اللي لاحس مخي ليش من داخل صوته غير .



5- ريحة المكيف اذا شغلت المروحه بس بدون الفريون يطلع ريحه خايسه وش الحل وهل فيها فلتر ( على فكره انا مدخن )

اذا رحت تغسل السيارة طلع الفلتر ونظفه بماطور الهواء اللي بالبناشر وياحبذا لو ترش فيه شوية عطر يكون افضل والفلتر يكون بالدرج اللي عند الراكب الا اذا غيرو مكانه في 2008

6- المكينه قويه مشاءالله مع انها 4 سلندر قمت على كامري قير عادي وانا سيارتي اوتو مشاءالله بس ملاحظ فزتها بالبدايه ضعيف يعني الى 20 او 30 مدري ليش هل هو نظام حمايه او تركشن وشي ثاني صوت الحنه ياشباب هذا اللي ودي اشوف له حل الوكاله يقولون عادي بكل الاكوردات مدري وش رايكم هل اعتبره عيب مصنعي ووان شاءالله تلقى حله هوندا قريب او نتعود وننطرب عليه .

ترى تشغيل المكيف يضعف فزة السيارة

7- عندي رجة فرامل اذا هديت على سرعه الوكاله قالو لي بنخرطها وانا رفضت لأن اللي اعرفه ان الخراطه حل مؤقت . المهم في واحد قال لي لا تغسل السياره الا وهي بارده انتو وش رايكم ؟

كيف وهي بارده يعني توديها للمغسله وتقوله لاتغسلها الا بعد ساعه مثلا :d ترى موب كل ماينقال يكون صحيح ;)



بإنتظاركم

تحيااااااااااااااااااااااااااااااااااااااااااتي

اولاً مبروك عليك السيارة

وثانياً كل الامور الي ذكرتها عندي

إلا رقم 7 الي هي الرجة في الفرامل



لكن نحتري الحلول

برب

الف مبروك بس بغيت اعرف الكامري كم موديلها

ياجماعه خفوا رجلكم على الفرامل شوي ..... الواحد يضرب اقوى ماعنده على الفرامل يقول تجي رجه وصوت .... اكيد راح هالشئ يجي

كويس انك كتبت .. ملاحظات ..

لانها ليست عيوب ..

كل الي ذكرته طبيعي بس ..

رقم 3
أنا أختلف معاك عرض السيارة على الجنط 17 عندي جداً راسيه ..

رقم 7
شي جديد وعيب لازم تلقاله حل

مشكور

تحياتي

شباب

انا عندي صوت غريب ....زي صوت طقطقة أو شي موثابت يتهزهز اذا كنت فاتح قزاز السائق الى النص
وماشي في منطقة حفر او مطبات او تراب .....عاد انتو تعرفوا شوارع جدة مرة نظيفة

احد لاحظ هالشي ولا انا لوحدي

فعلاً لا تغسل السيارة وهي ساخنة لان الهوب والفحمات حارة وانت تحط عليها موية باردة يعني وش تتوقع اكيد بتطلع صوت الفحمات وتطقطق

المشاركة الأصلية كتبت بواسطة ammml

فعلاً لا تغسل السيارة وهي ساخنة لان الهوب والفحمات حارة وانت تحط عليها موية باردة يعني وش تتوقع اكيد بتطلع صوت الفحمات وتطقطق

اخوي حتى لو السيارة باردة راح تطلع صوت لانها رطبه لكن اذا نشفت يروح الصوت

و الله يا شباب انا و لله الحمد كل هذة المشاكل مو عندي

المشكلة الي في سيارتي هي الرجة الي تكون في دعسة البنزين اذا اسرع فوق الـ140

في احد غيري عنده هالمشكلة او لا ؟

و تسلم يا كاتب الموضوع

وسوس ياموسوس ..

ياشبااااااااااب ..

والله السيارة مافيها شي ماشاء الله تبارك الله ..

رجه

ولا صوت ديكور

ولا صوت هوا

او طاره خفيفه

ولا ............الخ

كلها طبيعي ..

تحياتي

كثير يشتكووون من 2008
سلملي على 2006

الحمد لله ماعندي اي مشلكه

وانت اللي عندك مجرد وسوسه فقط لاغير

موسوس عشان يقول الحقيقه احسن حل بعها واشتر ميتسوبيشي ياباني او سوبارو ياباني ما سمعت احد اشتكى من عيوبها بالذات البريكات والشباب الي يقولون ان الدعس يخربها اجل كيف ندعس فرامل نحط فازلين ع الهوب عشان مايخرب يعني ندفع 84000 وكل هذي الملحضات بصراحه حرام

الملاحظات لابد من وجودها

تحيه طيبه
حسب خبرتي في الهوندا من 1997 وحتى 2008 لكم التالي :-
1- طقة المكيف عادي
2- طقة الجير عادي في حالة ارجاع الجير من R أو D إلى وضع P 0
3- ريحة المكيف هاذي عادي من عام 1997
4- الهوندا بعض الاوقات تكون ثقيلة ومرات خفيفة حسب وضع السيارة من ناحية كثرة الاستخدام وقتها 0
5- الرجه عادي انتبه للشارع اللي انت فيه يمكن مو مسفلت صح 0
وسلم يا اصحابي

شكرا على موضوعك وترقبوا موضوعي الجديد بعنوان( هام لجميع مالكي أكورد )
لا يفوتكم !!!!!!!!!!!!!!

ولا شي من اللي كتبته عندي

ماعدا

الدركسون خفيييف جدا وحسااااس جدا

^^^^^^^^^

هادا رياضي يا الحبيب

عيبها الوحيد مع السرعه تحس انها خفيــــــــــفه عكس الكامري لانها كانت معي ومشيت بالثنتين وكانت رساوة السرعه للكامري اكثر اتمنى عدم الانحياز وتقومون علي وتقولون ليه قلت .. فقط لتبيين عدم رساوتها مع السرعه ...وذكر تجربة رساوة السيارة .. والله مشكله مع ال140 خفيفه جدا ولاهي ثابته ..

المشاركة الأصلية كتبت بواسطة ac00rd

عيبها الوحيد مع السرعه تحس انها خفيــــــــــفه عكس الكامري لانها كانت معي ومشيت بالثنتين وكانت رساوة السرعه للكامري اكثر اتمنى عدم الانحياز وتقومون علي وتقولون ليه قلت .. فقط لتبيين عدم رساوتها مع السرعه ...وذكر تجربة رساوة السيارة .. والله مشكله مع ال140 خفيفه جدا ولاهي ثابته ..

أسأل خبير و مجرب و لا تسأل مشكك ^__^

الرساوة بالأكورد لا تقارن بالكامري ... وزن الأكورد مقارب للطنين و صلابة عالية لا تحسها سوى بالسيارات الألمانية و ثبات تخرج به الكامري من هاذه المقارنة ...تمت تجربة السيارتين بسرعة 190KM من باب التجربة و تفوقت الأكورد بكل جدارة على المنافس العتيد كامري و الخفيف نسبيآ مقارنة بالأكورد ..الرساوة بالأكورد تتفوق بها على معظم السيارات المنافسة من ذات الفئة و قد حققت ما لم تحققه بعض السيارات الألمانية من ناحية الثبات و المناورة و التشبث بالطريق و الكبح القوي و الإحساس بالمتانة و التي كانت تفقده بعض السيارات اليابانية سابقآ .


الرد على بعض الملاحظات لسيارات تمت تجربتها ومنها L4 قطعت 4000KM و V6 قطعت 2000KM :

احياناً يطلع صوت طقه اذا شغلت المكيف

لا وجود لهذا الصوت إطلاقآ في كلتا السيارتين حتى حينه.

بوري السياره فلم فيني بصراحه اول ما طلعت السياره ضربت بوري وصوته من داخل السياره غبي

أفضل صوت لهورن سيارة جديدة حسب إستفتاء محبي هوندا و مالكيها بالقارة الأمريكية و الآسيوية و هو الأفضل بعد سيارة لكزس LS الفخمة.

ريحة المكيف اذا شغلت المروحه بس بدون الفريون يطلع ريحه

معظم السيارات ذات مقاعد الجلد تتفاعل روائح الجلد بإرتفاع درجة الحرارة مما يسبب بعض الروائح الغير مستحبة ^__^

عندي رجة فرامل

لم تواجهنا تلك المعضلة بسبب الإستخدام السلس للمكابح و عدم الضغط بقوة مما يسبب التلف لإسطوانة المكابح.

كثير يشتكووون من 2008
سلملي على 2006

2008 ستبغى حلقة يدور حولها المشككين الكثيري الشكوى لعدم قناعتهم بها فكثرت التشكيك تؤدى للوسوسه و هي تؤدي لعدم القناعة و الرضى بالأمر الواقع ....من لا يقتنع بما يجود فلم الشراء و شكرآ.

طيب يمكن لان السيارة جديده
وسيء معروف ان الدفعات الاولى تكون بها عيوب مصنعيه خفيفه
تحل ان شاء الله في الدفعه القادمه