بعد كسر حاجز الـ 5000 كيلو هذي ملاحظاتي على اكوردتي 2008 اربعه فل

**الحــل الصعب** · 05-03-2008, 07:00 PM

السلام عليكم

سيارتي مشت 5 الاف كيلو 2008 فل اوبشن 2.4

ملاحظاتي عليها بذكرها تحت وان شاءالله نشوف اصحاب الـ 2008 ونتناقش حول الملاحظات المذكوره وهل لاحظوها مثلي ولا لا :

1- احياناً يطلع صوت طقه اذا شغلت المكيف .

2- احياناً يطلع صوت اذا كنت ارجع للخلف بمعني اذا عشقت ريوس اول ما افك رجلي من البريك وتتحرك السياره يطلع صوت غريب ما اقدر اوصفه بصراحه وما يطلع الا نادراً .

3- رساوة السياره على السرعه مش ولابد على عكس المنعطفات والدوارات فهي ثابته جداً لكن على سرعه فوق 120 تحس شنطة السياره تلعب لحالها اذا لفيت بقوه يعني حاولت تتجاوز سياره خلفية السياره ما تستوعب الفكره الا متأخر تحسها تميل بعد ما تعدل السياره وتجيب فيك العيد لو انك مو منتبه . وبعد الطاره خفيفه على السرعه وحساسه يعني اقل لمسه تلف معك بقوه وكان ودي تكون اثقل شوي على السرعه وتحسسك بالثقه .

4- بوري السياره :d فلم فيني بصراحه اول ما طلعت السياره ضربت بوري وصوته من داخل السياره غبي ونويت اغيره بس سمعته وانا فاتح الباب طلع العكس رسمي مشاءالله بس اللي لاحس مخي ليش من داخل صوته غير .

5- ريحة المكيف اذا شغلت المروحه بس بدون الفريون يطلع ريحه خايسه وش الحل وهل فيها فلتر ( على فكره انا مدخن )

6- المكينه قويه مشاءالله مع انها 4 سلندر قمت على كامري قير عادي وانا سيارتي اوتو مشاءالله بس ملاحظ فزتها بالبدايه ضعيف يعني الى 20 او 30 مدري ليش هل هو نظام حمايه او تركشن وشي ثاني صوت الحنه ياشباب هذا اللي ودي اشوف له حل الوكاله يقولون عادي بكل الاكوردات مدري وش رايكم هل اعتبره عيب مصنعي ووان شاءالله تلقى حله هوندا قريب او نتعود وننطرب عليه .

7- عندي رجة فرامل اذا هديت على سرعه الوكاله قالو لي بنخرطها وانا رفضت لأن اللي اعرفه ان الخراطه حل مؤقت . المهم في واحد قال لي لا تغسل السياره الا وهي بارده انتو وش رايكم ؟

بإنتظاركم

**هـــوندا وبـــس** · 05-03-2008, 08:36 PM

ياشباب وش سالفه الحنه اللي في 2008

يعني هي زي اللى في الموديل القديم 2006؛2007

**AL5FY** · 05-03-2008, 08:45 PM

المشاركة الأصلية كتبت بواسطة الحــل الصعب

1- احياناً يطلع صوت طقه اذا شغلت المكيف .

عادي حتى في 2007 نفس الكلام اذا كانت السيارة بارده وشغلت المكيف يطلع هالصوت

4- بوري السياره :d فلم فيني بصراحه اول ما طلعت السياره ضربت بوري وصوته من داخل السياره غبي ونويت اغيره بس سمعته وانا فاتح الباب طلع العكس رسمي مشاءالله بس اللي لاحس مخي ليش من داخل صوته غير .

5- ريحة المكيف اذا شغلت المروحه بس بدون الفريون يطلع ريحه خايسه وش الحل وهل فيها فلتر ( على فكره انا مدخن )

اذا رحت تغسل السيارة طلع الفلتر ونظفه بماطور الهواء اللي بالبناشر وياحبذا لو ترش فيه شوية عطر يكون افضل والفلتر يكون بالدرج اللي عند الراكب الا اذا غيرو مكانه في 2008

6- المكينه قويه مشاءالله مع انها 4 سلندر قمت على كامري قير عادي وانا سيارتي اوتو مشاءالله بس ملاحظ فزتها بالبدايه ضعيف يعني الى 20 او 30 مدري ليش هل هو نظام حمايه او تركشن وشي ثاني صوت الحنه ياشباب هذا اللي ودي اشوف له حل الوكاله يقولون عادي بكل الاكوردات مدري وش رايكم هل اعتبره عيب مصنعي ووان شاءالله تلقى حله هوندا قريب او نتعود وننطرب عليه .

ترى تشغيل المكيف يضعف فزة السيارة

7- عندي رجة فرامل اذا هديت على سرعه الوكاله قالو لي بنخرطها وانا رفضت لأن اللي اعرفه ان الخراطه حل مؤقت . المهم في واحد قال لي لا تغسل السياره الا وهي بارده انتو وش رايكم ؟

كيف وهي بارده يعني توديها للمغسله وتقوله لاتغسلها الا بعد ساعه مثلا :d ترى موب كل ماينقال يكون صحيح ;)

بإنتظاركم

تحيااااااااااااااااااااااااااااااااااااااااااتي

**مجرد رأي** · 05-03-2008, 09:55 PM

اولاً مبروك عليك السيارة

وثانياً كل الامور الي ذكرتها عندي

إلا رقم 7 الي هي الرجة في الفرامل

لكن نحتري الحلول

برب

**مزاجي** · 06-03-2008, 12:22 AM

الف مبروك بس بغيت اعرف الكامري كم موديلها

**ككتان** · 06-03-2008, 01:19 AM

ياجماعه خفوا رجلكم على الفرامل شوي ..... الواحد يضرب اقوى ماعنده على الفرامل يقول تجي رجه وصوت .... اكيد راح هالشئ يجي

**Black Accord 2008** · 06-03-2008, 02:25 AM

كويس انك كتبت .. ملاحظات ..

لانها ليست عيوب ..

كل الي ذكرته طبيعي بس ..

رقم 3
أنا أختلف معاك عرض السيارة على الجنط 17 عندي جداً راسيه ..

رقم 7
شي جديد وعيب لازم تلقاله حل

مشكور

تحياتي

**sunnyee** · 06-03-2008, 03:48 AM

شباب

انا عندي صوت غريب ....زي صوت طقطقة أو شي موثابت يتهزهز اذا كنت فاتح قزاز السائق الى النص
وماشي في منطقة حفر او مطبات او تراب .....عاد انتو تعرفوا شوارع جدة مرة نظيفة

احد لاحظ هالشي ولا انا لوحدي

**ammml** · 06-03-2008, 11:15 AM

فعلاً لا تغسل السيارة وهي ساخنة لان الهوب والفحمات حارة وانت تحط عليها موية باردة يعني وش تتوقع اكيد بتطلع صوت الفحمات وتطقطق

**AL5FY** · 06-03-2008, 01:47 PM

المشاركة الأصلية كتبت بواسطة ammml

فعلاً لا تغسل السيارة وهي ساخنة لان الهوب والفحمات حارة وانت تحط عليها موية باردة يعني وش تتوقع اكيد بتطلع صوت الفحمات وتطقطق

اخوي حتى لو السيارة باردة راح تطلع صوت لانها رطبه لكن اذا نشفت يروح الصوت

**CR@SH** · 06-03-2008, 02:10 PM

و الله يا شباب انا و لله الحمد كل هذة المشاكل مو عندي

المشكلة الي في سيارتي هي الرجة الي تكون في دعسة البنزين اذا اسرع فوق الـ140

في احد غيري عنده هالمشكلة او لا ؟

و تسلم يا كاتب الموضوع

**accord08 4 ever** · 06-03-2008, 02:44 PM

المشاركة الأصلية كتبت بواسطة az-0000-z@hotmail.com

وأنا عندي شي أهم الي هو

رجة في الديكور عند المطبات

رحت الوكالة قالوا طبيعي؟؟

في أحد جاه مثلي للمعلومية تراها سبيشل

نفس الحركه يالطيب

**Black Accord 2008** · 06-03-2008, 03:08 PM

وسوس ياموسوس ..

ياشبااااااااااب ..

والله السيارة مافيها شي ماشاء الله تبارك الله ..

رجه

ولا صوت ديكور

ولا صوت هوا

او طاره خفيفه

ولا ............الخ

كلها طبيعي ..

تحياتي

**الـمـسـافـر** · 06-03-2008, 04:02 PM

المشاركة الأصلية كتبت بواسطة الحــل الصعب

1- احياناً يطلع صوت طقه اذا شغلت المكيف . طبيعي

3- رساوة السياره على السرعه مش ولابد على عكس المنعطفات والدوارات فهي ثابته جداً لكن على سرعه فوق 120 تحس شنطة السياره تلعب لحالها اذا لفيت بقوه يعني حاولت تتجاوز سياره خلفية السياره ما تستوعب الفكره الا متأخر تحسها تميل بعد ما تعدل السياره وتجيب فيك العيد لو انك مو منتبه . وبعد الطاره خفيفه على السرعه وحساسه يعني اقل لمسه تلف معك بقوه وكان ودي تكون اثقل شوي على السرعه وتحسسك بالثقه .
الاكورد فيها رساوه ما شاء الله .. الطاره حساسه باي لفه عشان تتحكم فيها باي موقف مفاجا
وعلى السرعه العاليه تثقل الطاره
4- بوري السياره :d فلم فيني بصراحه اول ما طلعت السياره ضربت بوري وصوته من داخل السياره غبي ونويت اغيره بس سمعته وانا فاتح الباب طلع العكس رسمي مشاءالله بس اللي لاحس مخي ليش من داخل صوته غير . كل السيارات من داخلها يختلف الصوت لانك تسمعه غير مباشر .. منقول :d

5- ريحة المكيف اذا شغلت المروحه بس بدون الفريون يطلع ريحه خايسه وش الحل وهل فيها فلتر ( على فكره انا مدخن ) ريحه الدخان ثابته بفتحات التكييف

6- المكينه قويه مشاءالله مع انها 4 سلندر قمت على كامري قير عادي وانا سيارتي اوتو مشاءالله بس ملاحظ فزتها بالبدايه ضعيف يعني الى 20 او 30 مدري ليش هل هو نظام حمايه او تركشن وشي ثاني صوت الحنه ياشباب هذا اللي ودي اشوف له حل الوكاله يقولون عادي بكل الاكوردات مدري وش رايكم هل اعتبره عيب مصنعي ووان شاءالله تلقى حله هوندا قريب او نتعود وننطرب عليه . عشان الموتر اثقل من غيره

7- عندي رجة فرامل اذا هديت على سرعه الوكاله قالو لي بنخرطها وانا رفضت لأن اللي اعرفه ان الخراطه حل مؤقت . المهم في واحد قال لي لا تغسل السياره الا وهي بارده انتو وش رايكم ؟

يا اخي واحد يمشي 160 وقبل يوقف عند الاشاره بكم متر يلعن الفرامل ويقول ليش ترج :p

بإنتظاركم

اتمنى اني افدتك بشي

**كيف الهوندا** · 06-03-2008, 10:00 PM

كثير يشتكووون من 2008
سلملي على 2006

**momo** · 07-03-2008, 04:17 AM

الحمد لله ماعندي اي مشلكه

وانت اللي عندك مجرد وسوسه فقط لاغير

**accord2oo7** · 07-03-2008, 11:12 PM

موسوس عشان يقول الحقيقه احسن حل بعها واشتر ميتسوبيشي ياباني او سوبارو ياباني ما سمعت احد اشتكى من عيوبها بالذات البريكات والشباب الي يقولون ان الدعس يخربها اجل كيف ندعس فرامل نحط فازلين ع الهوب عشان مايخرب يعني ندفع 84000 وكل هذي الملحضات بصراحه حرام

**AL5FY** · 07-03-2008, 11:43 PM

الملاحظات لابد من وجودها

**heronassim** · 08-03-2008, 11:56 AM

تحيه طيبه
حسب خبرتي في الهوندا من 1997 وحتى 2008 لكم التالي :-
1- طقة المكيف عادي
2- طقة الجير عادي في حالة ارجاع الجير من R أو D إلى وضع P 0
3- ريحة المكيف هاذي عادي من عام 1997
4- الهوندا بعض الاوقات تكون ثقيلة ومرات خفيفة حسب وضع السيارة من ناحية كثرة الاستخدام وقتها 0
5- الرجه عادي انتبه للشارع اللي انت فيه يمكن مو مسفلت صح 0
وسلم يا اصحابي

**HOHO** · 08-03-2008, 03:09 PM

شكرا على موضوعك وترقبوا موضوعي الجديد بعنوان( هام لجميع مالكي أكورد )
لا يفوتكم !!!!!!!!!!!!!!

**الاخطبوط** · 08-03-2008, 07:04 PM

المشاركة الأصلية كتبت بواسطة الحــل الصعب

ال7- عندي رجة فرامل اذا هديت على سرعه الوكاله قالو لي بنخرطها وانا رفضت لأن اللي اعرفه ان الخراطه حل مؤقت . المهم في واحد قال لي لا تغسل السياره الا وهي بارده انتو وش رايكم ؟

الرجه تطلع فقط على السرعه العاليه وهي من الجيل السابق وهي موجوده

الحل اللي عند الوكالة هو تنظيف الهوبات مجانا لكنه حل وقتي يعني يمشيك 3000 كيلو تقريبا وبعدها ترجع تدريجيا

لكن أعيد وأكرر الرجه ماتطلع الا على السرعات العاليه

يعني لاتسرع >>> توه ماخذ مخالفه :p

**oden** · 08-03-2008, 07:11 PM

ولا شي من اللي كتبته عندي

ماعدا

الدركسون خفيييف جدا وحسااااس جدا

**seraj_9196** · 08-03-2008, 07:50 PM

^^^^^^^^^

هادا رياضي يا الحبيب

**ac00rd** · 08-03-2008, 09:20 PM

عيبها الوحيد مع السرعه تحس انها خفيــــــــــفه عكس الكامري لانها كانت معي ومشيت بالثنتين وكانت رساوة السرعه للكامري اكثر اتمنى عدم الانحياز وتقومون علي وتقولون ليه قلت .. فقط لتبيين عدم رساوتها مع السرعه ...وذكر تجربة رساوة السيارة .. والله مشكله مع ال140 خفيفه جدا ولاهي ثابته ..