هوندا كانت راح تسقط ضماني مدى الحياة !!

**xHeartcoreboyx** · 09-01-2008, 10:10 AM

السلام عليكم،،
امس جبت سيارتي من عند الوكالة بعد بقائها عندهم لأكثر من أسبوع !

و السبب كان السيرفيس و تصليح دعمة بسيطة بالصدام الخلفي ،،،

و في مشكلة كان هي أن اللمبة الصغيرة بالإصطب الأمامي الأيسر عطلانة .. العامل بالوكالة حط المشكلة كلها براس السيستم اللي مركبه -فكيت الووفر قبل تسليم السيارة... و لكن الوصلة بالبطارية للوفر ظلت في محلها موصلة..- ..

و العامل قال ان الرجال الي دخل هذي الوصلة تسبب بتخريب قطعة بالكمبيوتر سعرها 2000 ريال ...

...الموظف قالي افك السيستم بعد شهر و اجيب السيارة و اخليهم يصلحوا الضوء و كأن شيئا لم يكن و الضمان باقي ...

و أنا ما عاد فرحت برجعة السيارة...و كنت بركب زينون و هونت..خفت تسير مشاكل ثانية بالسيارة و خفت على الضمان .. :(

ايش رايكم ؟؟؟ ما الحل ؟؟؟
أشكرك على الإهتمام !

**The Godfather** · 09-01-2008, 10:41 AM

^^^^^^^^^^^^^
نفس الكلام حصل لي ...بس انا لاعن خير السياره ... مركب سيستم و مركب زينون بالكشافات و الواطي و مركب هرن ( بوري ) هوائي زياده على الاصلي <<< يعني عنده بوريين .... يدق لروحه و يرد على روحه :d

قبل فتره سويت سيرفس 30 الف و خليتهم يبدلون الهوبات لانهم يرجون مع البريك و طبعا الهوبات على حسابهم
و قبل كم يوم كملت 32 الف بسيارتي و بديت احس بهزه خفيفه مع البريك ... رحت لهم
و طبعا كنت معصب و موصل حدي
قلت لهم تبدلون الهوبات على حسابكم و تبدلون السفايف ( الفحمات ) على حسابكم بعد لاني توي مبدلهم على حسابي و مو معقوله ادفع شي زياده
طبعا سكت الموظف فتره .. و جا يرد يقول : انهم يبون يلغون الضمان علشان مركب اشياء كهربائيه من برا الوكاله و انه هو شافها

قلت له الكهربا شي و الهوبات شي
ووين دليلك اني مركب اشياء برا الوكاله ؟ ( وكنت وقتها موقف سيارتي برا )
قال تعال و اراويك
قلت له خلاص انا اروح لي نص ساعه مشوار و ارجع و انت جيب المدير و نشوف

و رحت لمحل قريب انا اتعامل معاه ... و طبعا كل شي انا مركبه ينشال من غير ما يترك اثر لاني مركب بطريقه ( نثيه و ذكر و من غير تجريح وايرات ) يعني رجعت السياره وكاله و بربع ساعه بعد

و حطيت الاغراض بكيس و حطيته بالشنطه .... و رحت لهم
لقيت الموظف ينتظرني و معاه فني و موظف ثاني ( يعني شهود )
فتحت الكبوت و اندهش يوم ماشاف شي من اللي مركبه قبل
و قال لي انت بدلت السياره ... قلت شوف رقم الشاصي و رقم الدفتر و كل البيانات عندك
قال افتح الشنطه ... انا شايف سيستم عندك
فتحت الشنطه و شاف السيستم و معاه الاوفرات و المضخم
استانس لثواني بس
قلت .... ترا هذا مو موصل و تبع سياره ثانيه .... انت اتهمتني باطل
و جا الفني يقلب ... و يشوف السيستم مو موصل
الموظف حسيته بهاذا الوقت يتمنى ان الارض تنشق و تبلعه

قلت له : مره ثانيه تأكد من كلامك ..... و بعد يومين برجع لكم و تبدلون لي الهوبات مع الفحمات على حسابكم ... بس اخلص امتحانات

و انا ماشي بعد ما مشى الفني مع الموظف الثاني ... قلت للموظف الاول و بصوت خفيف : من له حيله فليحتال ...و انت مو دافع فلوس من جيبك و لا هم بيكافئونك علشان لغيت الضمان عني

و مشيت
و بعد كم يوم اخلص امتحانات برجع لهم ;)

اتمنى كل واحد يبي يركب شي بسيارته يتأكد انه يقدر يشيله وقت ما يحتاج يشيله ... و من غير تجريح وايرات .... و اذا اللي يركب يقولك الشي ما يركب الا بتجريح وايرات ... قوله خلاص لا تركب و شوف لك فني فاهم .. لان الفني اللي يقول لازم تجريح هذا مو فني .. هذا يبي يتعلم عليك

و لحد يقول الكشافات التجاريه لازم تجريح .... هاذي موضوع ثاني لانها اثبتت فشلها و كم واحد جو المنتدى يشتكون ان الكشافات التجاريه اتلفت قطع ثانيه بالسياره و كلفت عليهم مبالغ كثيره

حبيبي صاحب الموضوع ابو اسم صعب :d ... شيل السيستم و روح لهم .. و امحي اثره نهائيا و لا يبين انك ركبت سيستم .. و روح لهم و خلهم يصلحون لك مشكلتك ..
و بعدها سو اللي قلت لك عليه .... 0( نثيه و ذكر )

( اذا مو فاهم شنو يعني نثيه و ذكر ... يعني شلون تركب فيشة التلفون بالطوفه ... الفيشه هي الذكر و المكان اللي تركب فيه هو النثيه .. و بكل بساطه تقدر تطبقها على اي شي بالسياره .. و كل اللي يلزمك كهربائي محترم عنده القطع المطلوبه )

**ل م س 3 3 4** · 09-01-2008, 12:28 PM

المشاركة الأصلية كتبت بواسطة BLACK_ACCORD

^^^^^^^^^^^^^

و رحت لمحل قريب انا اتعامل معاه ... و طبعا كل شي انا مركبه ينشال من غير ما يترك اثر لاني مركب بطريقه ( نثيه و ذكر و من غير تجريح وايرات ) يعني رجعت السياره وكاله و بربع ساعه بعد
)

اهنيك على الحركه ياكنق

**و د ا السعوديـة 1 5 5** · 09-01-2008, 12:34 PM

ياعقيل يابطل اهنيك على الحركه الى سويتها في الوكاله

وما ينفع معاهم غير كيذا :d

**xHeartcoreboyx** · 09-01-2008, 04:40 PM

اخي black_accord اشكرك على الرد و ما شاء الله عليك حركات والله :d:d

طيب كل سيرفيس راح تفك و تركب السيستم ؟؟؟ شغلة !!

**The Godfather** · 09-01-2008, 04:44 PM

^^^^^^^^^^^
يا انك تتعب و كل مره تشيل السيستم

او تلغي الضمان:(

**B Useful** · 09-01-2008, 04:57 PM

المشكلة انهم حقيرين ... تلقى المشكلة بالكهرب ... والعطل مثلا بالمساعدات ... يقولون الضمان ملغي ...

طيب سوو الغاء جزئي اذا لقيتو المشكلة بالكهرب الغو الضمان عن الكهرب مو عن السيارة كلها ..

**beam** · 09-01-2008, 07:18 PM

يااخوي العوج يبتل عوج ماينتعدل دايم الوكالة على الموال هذا يبغون الزلة شيل السيستم الله يعينك يابعدي ورجعه مررره ثانية بعد ماتخلص من الوكالة بس نصيحه اترك عنك الوكالة وخرابيطها الحاجات اللي تصلح وبسيطه اعملها باقرب محل متخصص بهذي الشغلات واما الحاجات الجامدة اتركها للوكالة

**xHeartcoreboyx** · 09-01-2008, 08:19 PM

المشاركة الأصلية كتبت بواسطة beam

يااخوي العوج يبتل عوج ماينتعدل دايم الوكالة على الموال هذا يبغون الزلة شيل السيستم الله يعينك يابعدي ورجعه مررره ثانية بعد ماتخلص من الوكالة بس نصيحه اترك عنك الوكالة وخرابيطها الحاجات اللي تصلح وبسيطه اعملها باقرب محل متخصص بهذي الشغلات واما الحاجات الجامدة اتركها للوكالة

اخي اللي مخوفني اني لو رجعت السيستم تضرب اللمبة أو شي ثاني ؟!

و بعدين كيف اصلح الشغلات الصغيرة برة ؟؟ الوكالة بتسقط الضمان لو اكتشفت اي شي !!

**أكورداوي 999** · 10-01-2008, 02:58 AM

ياعسل
خلاصه الكلام شوف لك فني مزبوط في السيستيم وخليه يركبو لك من جديد على أسلاك الي تجيك وحده بفتحه والتانيه بدبوس
المهم هادي يابو الحبايب متى ماتبغا تفصلها إفصلها وروح للوكاله وسوي كل شي عندهم :d

**o-k-r** · 10-01-2008, 03:20 AM

وما تلومني اذا قلت لك بالأيميل اذا خلصت الضمان ببدأ بتعديل السيارة
هذا اللي كنت خايف منة اذا راح الضمان مشكلة كبيرة

والله يعينك أجل

**xHeartcoreboyx** · 10-01-2008, 04:12 AM

المشاركة الأصلية كتبت بواسطة o-k-r

وما تلومني اذا قلت لك بالأيميل اذا خلصت الضمان ببدأ بتعديل السيارة
هذا اللي كنت خايف منة اذا راح الضمان مشكلة كبيرة

والله يعينك أجل

...ضماني من شركة دوماسكو بقطر...مدى الحياة...يعني هم وراي وراي للأبد !!! :p

**ملك مملكة جدة** · 18-01-2008, 01:16 PM

حبيبي اعمل مثل بلاك اكورد

اخوي " BLACK_ACCORD "

و الله العظيم انك ملك

عرفت تسحب بخيرهم

انت اصلللللي

المهم رزعهم وانا اخوك ترا الوكالة السيرفس حقهم مثل الزبالة

**xHeartcoreboyx** · 18-01-2008, 02:33 PM

شباب ،،

رحت محل كهربائي معروف ..

فحص الأسلاك من برة و قلي انو في سلك مقطوع من الداخل و لازم يفك الطبلون عشان يرجع يوصله و يعدله و بدون ما تكشفه الوكالة ...

شرايكم ؟؟؟ اقوله يشتغل ؟؟