والله انا من رأي تغير العازل وتغسل الارضيه تمام عشان الريحه تعرف ريحه البن مع الحر تقلب والله يكون بعونك واهم شي تشفلك مغسله يكون عندهم منظفات جيده ويكون غسيلهم كويس وتخسر مره وحده ولا تخسر مرتين
بسم الله الرحمن الرحيم
السلام عليكم
.
.
.
.
مشكلتي بسيطه الحمد لله..بس محتار ... والاحتيار بحد ذاته مشكله <<<كسرت خاطرهم
المهم ..بداية القصة ..اليوم وأنا جالس ومالي من الشياطين طاري أتمشا بالكوكو ..
وفجأة دق جوالي ....منهو ياولد ... أثرها الوالده الله يطول بعمرها ...تبيني اروح لفلانه أجيب منها لبن .
طبعاً مادام الأمر جا من الوالده يتنفذ على طول .
رحت لفلانه هذي أخذت اللبن حطيته في الخلف (ورا مرتبتي تحت )
وأنا ماشي جاي للبيت ...سمعت شي دب ( أصدر صوت ) ..وألتفت وأثر اللبن أنكب
وبسرعة اوقف السيارة ..بس وشعقبه ...يوم صارت الأرضيه بيضاء
أومر ..تعلق معي وأخذ اللبن وأحلته .
المهم..قلت مالي إلا أغسل الأرضية ..رحت لأحدا المغاسل المشهورة عندنا ..وقلته المشكله
قالي أوكي نغسل الأرضيه بـ 150 ريال بس ما أضمن لك الريحه تروح .
والحل الثاني أني اغسل الأرضيه .. وأغير العازل اللي تحته لانه جاه لبن بــ 300 ريال
ورحت لمغسل ثانيه وقالي نفس الكلام تقريباٌ .
فا بليز ياشباب أبي رايكم ..
هل أغسل الأرضيه مع العازل بـ 150 ريال ؟؟؟
أول أغسل الأرضيه وأغير العازل بـ 300 ؟؟
ساعدوني الله يرضا عليكم .
والله انا من رأي تغير العازل وتغسل الارضيه تمام عشان الريحه تعرف ريحه البن مع الحر تقلب والله يكون بعونك واهم شي تشفلك مغسله يكون عندهم منظفات جيده ويكون غسيلهم كويس وتخسر مره وحده ولا تخسر مرتين
والله مشكلتك مشكلتن عويصه
يارجال مع الوقت تروح الريحه لان واحد من الشباب معه جيب وكان ينقل موبيدات كيماويه للمزرعه حقتهم وكل ماركبت سيارته اشم ريحه كيماوي ومع الوقت راحت الريحه ولله الحمد وانصحك انك تغسل الارضيه بالمويه والصابون طبعا وتحرص على انك تفتح الدرايش وانت ماشي واذا وقفت السيارة تنسم للدرايش ومع الوقت ان شاء الله ان الريحه تروح
والله يعينك على الريحه
يعطيكم العافيه ... ماقصرتوا ...
بس معقوله 18 واحد دخل ..وأثنين بس يقولون رائيهم
انا أبي رأي الأغلبية
مالك الا عود من عبد الصمد القرشي:d
وتكبه عليه:d
خخخخخخ
عود هاااا
==-==
شف دام انك تأخرت كذا أنا انصحك بأنك تغسلها وتبدل الارضية ..
ولكن كما قال اخي الخفي >> مع الوقت تروح الريحه .. ونسم الدرايش ..
==-==
تقبلل مروري
تبي الجد انا من قريت اللبن وانا حاس بهالشي
وعلى فكره ترى قد جاء نفس الموقف معي بس مو في سيارتي في سيارت الوالد<< الله يرحمه
ضاق الوالد وانواع المحاظرات بس وش نسوي غلطانين وتحمل غلطنا
اما بالنسبه للأرضيه والعازل والسواليف هذي ما اعرف عنها شي
بس الي اذكره ان الشغاله << الله يحفظها <<<< ايش فيك انت وياه على ايش تضحك تراها مسلمه
المهم ان الشغاله هي الي غسلت الأرضيه و خلينا بيبان السياره مفتوحه ومشرعه
ولا يحتاج غسيل بـ150 ولا هم يحزنون غسلها بالبيت يا مال الغناه <<< والحلال حلالك
ناصحك ومحبك :ــبطرانـ2005ــ
ياحبيبي الموضوع بكل بساطه ،،،سوي غسيل للارضيه عند محل تلميع وعقبها نجد الارضيات بلاستيك وانتهينا ،،
والموضوع كله ماراح يكلفك اكثرمن 300 ريال ..
غسل الأرضية وخلها بدون عازل فترة الين تروح الرطوبه وبعدها ركب العازل وان شاء الله مايصير الا اللي يسرك
أجل على كذه طلعت تكلفة اللبن اكثر من 300 ريال
الاخطبوط كان هنا
ما تسوى الخسارة حط عطر من بدي شوب على الفلتر حق المكيف وانتهينا
ودها التلميع الساطع .
انا اقووووول دخل الموووتر الحوش وسلم المهمه للشغاله وهي تحوف لك الموووووتر حوووف
مواقع النشر (المفضلة)