^^^^^^^^^^^^^^^^^^^^^^^^^^^^^^^^
انا عارف المواصفات اللي في امريكا قبل لا تنزل عندنا هنا
والسعر غالي لأن الأكورد الكوبيه اول مرة تنزل في السعودية وكالة وموديل 2008 ... يعني مثلا شوف الشفرليت ... لما نزلت الCR8 اول ما جابوها ب180 الف ريال والفرق بينها والاس اس 40 حصان وزوايد من برا بس ..... بعد مدة نزل سعرها الى 140 الف تقريبا ... وهذا اللي راح يصير 90% بالنسبة للأكورد
وبالنسبة للمحرك فهو ذو تقنية عالية واقولها مرة وثنتين وعشر وغصبا عن العذال ... يا اخي هذا المحرك ذو 194 حصان (امريكا 190 والخليج 194) يمتلك نفس البيس (Base) اللي موجود في اكورد 2003 وبنفس السعة وبتغيير حاجات طفيفة وصل من 166 حصان الى 194 حصان ....هذي تقنية وعبقرية ومخ جاد بعد واصلا ما لك حق تقارنه بمحرك الاس 2000 السيارة الرياضية البحته .... ولو اني ابي امتلكها ...لعلمك (انا اكره الموستينج ولا اطيق وجه البورش) راح امتلكها لجمالها ولمحركها ذو التقنية العالية غصب وطبعا لجودتها العااااااالية .... واللي يحب البورش اصلا مستحيل يطلع في الياباني كله واللي يحب الموستنج يروح ياخذ له مستعمل والله يهنيه ويصبره على خراباتها
جواب سؤالك الاخير...فرق السعر بالنسبة للكوبيه هو زي ما قلت من قبل انها اول مرة تنزل في وكالتنا وان شاء الله مدة وراح ينزل ... اما بالنسبة لغير الكوبيه فيا حبيبي اكورداتنا صناعتها ياباني 100% واكورداتهم امريكي
وهذي السيارة اللي تقصدها هالضفدعة ... سعرها رخيص اول ما تشتريها وبعدين تتولول في صياناتها اللي بسعر صيانة اللكزس وتزهق من خراباتها مثل(الساعة تطلع صوت غريب-الديكور متفكك- الجير ما يعشق للثالث)وغيييييييييييرها وطبعا هالكلام مو من راسي كله من منتدى تويوتا وروح وشوفه .... قلت لك من قبل لا تقارن هوندا بتويوتا وخاصة اوريون هالاسترالية الفاشلة...حالها من حال اللومينا والكابريس
سلامي لك واتمنى انك ما تعصب ولا تاخذ كلامي بحساسية ... بس صراحة ما اقدر اسكت عن الاكورد وهي تتعرض لكلام يمين ويسار
مواقع النشر (المفضلة)