الموضوع: مقارنة غريبة من نوعها ولكنها تفتح الباب للـ ( تفلسف )

ولو .. شكلك حاقرن الأكورد انت وراسك .. والأكورد مهرها مهوب غالي؟! :d

الـ 6 سلندر بـ 111 الله يصلحك !


شف يابعدي .. انا مشكلتي اني احب ادقق على اسلوب السواقه و نوعية المواد وجودتها

وتصميم الديكور الداخلي وتناسقه و عدم وجود طقطقه فيه

ثم اني من النوع اللي يشري الموتر اول مايوصل الموديل الجديد منه .. لأن نظرته تبقى طويلا

اذا كنت مثلي .. فأنصحك بشده لاتبعد عن الاكورد

الافالون حسب علمي تبي تتغير بـ 2010 .. يعني لك سنتين تبي تنبسط فيها همن تجي الجديده تكسر راسك انت والافلون حقك :d

مبروك مقدما

الافالون تتغير عام 2009 متأكد مليون طعش بالمية


عندكـ حل من الاثنين

يا أنكـ تنتظر لعام 2009 وتتمتع بالشكل الجديد للأفالون وهذا الافضل

او انكـ تتوكل على الله وتشتري ACCORD 2008 V6 بـ 111000 ريال فقط لاغير << رخيصتن بالحيل:d



مبروكـ مقدماً

الـ 6 سلندر بـ 111 الله يصلحك !

111 ألف يعني وش حطوا فيها زيادة عن الموديل اللي قبل ..؟؟

وش المواصفات اللي أضافوها و { أدّت } <<< شوفوها تراني مثقف :d
إلى رفع السعر كذا ..؟؟

معليش أخوي 92.500 تراني ( بثر ) شوي لكن الله يعينك علي

ممكن ولا عليك أمر تعطيني المواصفات اللي فيها أو إذا كان فيه موضوع مفصل عنها تعطيني الرابط حقه ..

ومن ناحية الشكل بيتغير أو لا الأوريون شكلها جديد يعني تدخل في المنافسه بقوة خصوصا مع الشاشه والدخول الذكي للسيارة

قبل لا انسى

الله يبارك فيك بس اصبر لين أغير اسمي واخليه : صرت منكم

او انكـ تتوكل على الله وتشتري ACCORD 2008 V6 بـ 111000 ريال فقط لاغير << رخيصتن بالحيل:d

أووووه .... ما يحتاج رخيصه مره حتى أني أقول بعض الأحيان شكلهم خسرانين في بيعتها :d

يا أنكـ تنتظر لعام 2009 وتتمتع بالشكل الجديد للأفالون وهذا الافضل

شكلها كذا إذا ما كان فيه شي يبرر السعر هذا للأكورد ..

أو أنها أوريون فل بدون شاشه وأركب الشاشه المعروضه عندهم وأصير كأني راكب لكزس ..
وكل هذا في حدود الـ 100 ألف

قبل لا انسى

مشكورين كلكم على مروركم >>>>>> بدري

الاضافات اللتي ادتها الى هذه التأدية هو تأديتها << يلعن ام الثقافة المتناثره .. يمديك :d

فقوه المكينه زادت وفخامتها زادت ومواصفتها زادت ولمزيد من التفاصيل بالتمليل المصل عندك البحث فوق << الله من السودنه

وانت منا وفينا ياحلو .. وعقبال الموتر اللي يجوز لك

على طاري تنتظر وما تنتظر .. انصحك تبعد عن الانتظار

لأن بكرا ماتدري وش يصير بريالك مقابل الين

اليومين ابشري موتر للعائله .. وجايزن لي جيب مازدا الجديد .. فخم وسعره مناسب

قبل اسبوع سألت عن سعره قال لي بـ 99

وقبل امس جاي ابحجز وقال لي بـ 104 السعر الجديد !!

العمله تلعب

وانت منا وفينا ياحلو

أدري أن هذا مو لأنك { متعيجز } أبد بس لأنك مشغول >>>> ترا ما يجامل أبد :d

لكن عندي سؤال ... وش معنى هالكلمه : حلو ..؟؟ أول مره أسمعها >>>> ما قد أحد مدحه

قبل اسبوع سألت عن سعره قال لي بـ 99

وقبل امس جاي ابحجز وقال لي بـ 104 السعر الجديد !!

يؤ يؤ يؤ يؤ ..... 5000 ريال في أقل من اسبوع .. لا بالله أفلحنا

لكن وش يدريك يمكن يصير حظي زين

ويصير التغير في العمله من صالحي وأشتري s500 بالـ 120 ألف >>>أقول لا يكثر بس

المميزات في الاكورد V6 ;)

الزينون

نظام VSA

تكييف خلفي

زياده سماعه في الخلف أوفر

طبعا مع الشكمان الثاني

هاذي المميزات والفروق بينها وبين الاربعه سلندر :d

وقبل ما أنسى فيها خاصيه منع الضجيج

والسعر لاتعليق:d

اذا تبي رايي اخووي


خذ أكورد V6 2008 أسود
مو تعصب لأكورد لكن الافالون مثل ما قالوا الشباب انها راح تتغير بـ2009 اذا تبي تصبر سنة كاملة فهذا شي ثاني ..

و اخيرا شف اللي يناسبك و ترتاح له ..


و لا تنسى تصلي صلاة الاستخارة ..

الأفلون رائعه جدا جدا

لكن راح تتغير في 2009

اذا كان ما يهمك الشكل تغير ولا لا

توكل على الله واشتر الأفلون

واذا كنت تقدر تصبر إلى الشكل الجديد فذلك أفضل

أما اذا كنت مستعجل فـ انصحك بالأكورد 6 سلندر اسود

أقولك شوف إلي يناسبك
عشان انتا ترتاح

انا ارشحلك السيارات التالية على الترتيب:
1) اكوورد ستة سلندر 2008 بـ111000 ريال.
2) افالون ليميتيد 2008 بـ122000 ريال
3) اوريون جراندي بشاشة بـ108000 ريال.
وبالتوفيق....

اخواني :

هوندا وبس ..
جريح الأكورد ..
أبو سليمان ..
niz2003 ..
classic desing ..
سيتي ماكس ..


مشكورين جدا جدا جدا جدا جدا على مروركم ومشاركتكم ..

تبي الصراحه انا رايح بعد شوي اشتري هوندا:d في خريص والله ياخي كنت اول مثلك لاكن فكرت في اشياء عده خلتني احب الملكه :
1-شكل جديد بعدين ياخي اضمن 4 سنوات موب متغير شكلها بشكل كبيير
2-ياخي يكفيك اسم هوندا بلاتويوتا بلاهم يلعب فيها ابوجميل الله ياخذ عمره ويفك القطع بس خلها على ربك
3- الاوريون ياخوك يقولك الي اول بربسه اخره مطعسه:d<<مثل جديد المهم ياخي هي في اوروبا والدول المتقدمه اسمها كامري ليمتد يعني ابوجميل الله العالم انه ماقصر في تغيير الاسم على حساب المال

حالتك حسيت فيها من قبل لكن الان خلاص مع الاكورود مافي مشاكل
بعدين مسوي نفسك كاش كانك ماعندك سيوله خذلك V4 تراها ممتازه

ياخوك يقولك الي اول بربسه اخره مطعسه:d<<مثل جديد

بس خل عنك أعجبني المثل .. :d

مسوي نفسك كاش

وأنا أخوك المسأله مو مسألة كاش ولا أقساط >>>> يا البايخ :d

الطفره فينا فينا لكن اللي أقصده هو :

وش تاخذ مقابل المبلغ اللي دفعته يعني بصراحة الأكورد v6 بــ 111000 بدون إضافات غااااااااااااااااليه وبقوه ..

لكن لو تزيد 9000 ( تقريبا ) وتاخذ أفالون شف وش بتاخذ مقابل هالمبلغ :
1_ تشغيل بصمه
2_ دخول ذكي للسياره
3_ تهوية مقاعد
4_ إضاءة الطبلون LED
وغيره وغيره من الأشياء اللي تميزها عن أغلب السيارات اللي حول قيمتها ..

ولا وش رايك >>> أقول تراك { غثيث } محد قالك ..؟؟ :d

مشكور على مرورك أخوي رايح لـ رابح

اذا بتفكر بالاوريون خذ لك 2007 احسن لك لانها ماتغيرت

والله لاكورد 2008 v6 ماتفوت فيها مواصفات حلووووه

يارب يوفقك ويهنيك

الله يوفقنا وياك
والله يرزقنا ويرزقك بالموتر الزين

أخواني :

أبو عزوز ..
m6565
عبد العزيز 11

مشكورين على مروركم ومشاركتكم والله يوفقنا ويوفقكم وجميع المسلين ان شاء الله

يا الحبيب

يقول المثل اسأل مجرب و لا تسأل خبير

انا كنت زيك بشتري افالون بس جاني عرض على الاكورد موديل 2007
و اشتريتها بس قبل ما اشتريها جربت السياره وقارنة

انا اشوف الفالون لها عيوب ولها ممويزات و كمان الاكورد
نبدا بالفالون
هاديه جدا
تعليقها ناعمه
ارتفاع سعرها عند اعادت البيع

الاكورد
هاديه بس مو مثل الفالون
تعليقها رياضي ما شاء الله ما يحتاج
مقارنة بالفالون سعرها بنزل شوي

واذا كنت تبي سياره شبابيه رياضيه
خذلك اكورد
واذا روقان وحجم اكبر خذلك افالون بس اصبر زي ما قالوا الشباب

انا اقول شل هالاوريون من وجهي لأنها ((استرالية)) مهيب يابانية
أيضا الافالون ((الامريكي)) مهيب يابانية

واقول الاكورد الله يا زين هالاسم يكفيني الورقه اللي ورا مكتوب((made in japan))

وعلى مواصفات الاكورد

المميزات في الاكورد V6 ;)

الزينون

نظام VSA

تكييف خلفي

زياده سماعه في الخلف أوفر

طبعا مع الشكمان الثاني

هاذي المميزات والفروق بينها وبين الاربعه سلندر :d

وقبل ما أنسى فيها خاصيه منع الضجيج

بس اخونا ما ذكر اهم خاصية واللي هي (valeu cylender maneger) التحكم المتغير في الاسطوانات VCM ...وهنا الشرح

للاقتصاد في الوقود
يتم اطفاء 3 اسطوانات والاكتفاء ب3 في حالة السرعة المتوسطة...
ويتم اطفاء 2اسطوانتين والاكتفاء ب4 اسطوانات في حالة السرعة العالية...
وطبعا ما يشتغل وانت تقاوم او داعس اتوقع اذا ثبتت السرعة فقط

اخواني :

first
civic 98

مشكورين على مروركم وجزاكم الله خير ..

وأقول لكل الأخوان اللي شرفوا موضوعي بمرورهم قولوا آمين ... الله يجمعنا في الفردوس الأعلى .... آمين يارب العالمين