الموضوع: أستفسار عن هوندا مقاعد جلد في الحر

تحياتي للجميع

أتمنى لو أحد مجرب الهوندا مقاعد جلد (وكاله ) كيف تكون في الحر
سمعت أنها تقلب السياره نار :( (علما أني بالرياض ) بس ودي أعرف من مجرب
هل تنصحون فيه ولى القماش أفضل ...

مع الشكر
أخوكم أبو خالد

والله طبعا القماش أفضل في الحر

حتى لو كان الجلد أصلي

المشاركة الأصلية كتبت بواسطة الاخطبوط

درجة الحرارة وصلت 53 بالصيف اللي راح يعني السيارة بتصير فرن سواء مقاعدها جلد أو لا

أنا ماأشوف ان جلد الهوندا بالسوء اللي تتوقعه بالعكس مرتاح معه حتى بالحر بس انت لاتنسى تحط الشماسه اذا بتوقف بالشمس

والله نفس الكلام اقول ياخي الناس مكبره مشكلة الجلد بالحر
ياخي عادي لما توقف السيارة حط الشماسة وحاول تنسم في القزاز حق السياره
انا متاكد انه معك اكورد لو لؤلؤي
يعني اللون له عامل في قوة امتصاص الحراره
بالله عليك انا ايش اقول لون سيارتي رصاصي والداخلية غامقة ولا وجهت اي مشكله
والله لما تكون الحرااره 50 الحرارة داخل السيارة توصل 60 ولاوجهت مشكله
ظلل السياره عازل حراري ولجيت تشغل السياره شغل المكيف على الهاي وصدقني مانت رايح تحس بشي
طيب ايش تقول على جلد الكامري ولا الفورد والله انك تركب السياره وتلصق في المقعد من الحراره وردائة الجلد المستخدم

المشاركة الأصلية كتبت بواسطة accord 2007

طيب ايش تقول على جلد الكامري ولا الفورد والله انك تركب السياره وتلصق في المقعد من الحراره وردائة الجلد المستخدم

لحظه


وش جاب طاري الكامري :d

بعدين الكامري مايجي فيها جلد :p

والفورد افضل مراتب بين السيارات بصراحه راحه غير طبيعيه

سواءً جلد ولا مخمل

قال ايش قال مراتب الاكورد افضل

على فكرة ترى جلد الفورد فيه نعومه تخلي الواحد لاجلس ماوده يقوم من الراحه

لكن لو تلاحظ جلد الاكورد قاسي والمخمل نفس الكلام


نرجع للموضوع الاصلي

بصراحه انا معي جلد ومسويلي قلق في الظهريه


انا اذا ركبت السيارة في عز الظهريه عادي << طبعا السيارة مضلله والشماسه موجوده

لكن اذا مشيت بالسيارة نصف ساعه متواصله او اكثر

يعرق ظهري حتى لو انا مشغل المكيف على العالي


بصراحه تجيني حراره في ظهري غير طبيعيه


للمعلوميه تراني منب دب :d


برضو انصحك بالجلد

لانه يعطيك منظر جميل ولا راح تتأذى منه الا في الظهريه في عز الصيف



ومبروووكـ مقدماً

مشكورين أخواني على التفاعل
أكيد راح أضلل السياره كلها بس مدري لو أحد مجرب تضليل مضمون مثل في كوول وغيره
كيف تصير السياره وهي واقفه بالحر وجلد بعد

ناوي على الفل بس خايف من الجلد في الحر

أخوي accord 2007 باقي ما طلعت السياره
ناوي على الفل 6 سلندر
بس باقي مشكلة الجلد حبيت أتأكد منها

المشاركة الأصلية كتبت بواسطة Honda_dreamer

أخوي accord 2007 باقي ما طلعت السياره
ناوي على الفل 6 سلندر
بس باقي مشكلة الجلد حبيت أتأكد منها

دقيقه
ماسمعت ايش قلت

V6

ياخي اشتري ولا تشاور

وتبي نصيحتي خذللك جلد وعيش مللك وصراحة جلد 2008 بالمره حلو

والله يعطيك خيرها ويكفيك شرها مقدما
صدقني اهم شي انك تقتنع ولا تاخذ كلام الناس
والله لو تبي تمشي ورا كلام الناس تتعب
والله لدرجة اللي عندي في الدوام يقولون لاتاخذ سياره مقاعدها جلد وفيها فتحة سقف:d
يعني الناس اراء
وتبي تاخذ الكلام اللي يوقف على الشارب ======> يوه تورط ايش يقول:d
خذلك فل وجلد ولايهمك كلام الناس


وصدقني في مثل ماقلوه من فراغ

القناعة كنز لا يفنى