أبيكم ضروري بخصوص الأكورد

[Abdullah.M]

السلام عليكم ورحمة الله وبركاته
أسعد الله أوقاتكم..
أنا عضو جديد وإن شاءالله أكون خفيف الظل عليكم
حبايبي..إن شاءالله أني ناوي على أكورد كوبيه موديل 04 - 05 ;)
بس المشكله
هلي هي متوفره بسعوديه وخصوصاً قطع الغيار>>وهذا الي خوفني وخصوصاً أني ممكن أخذها من امريكا بمكينة سعتها 6 سلندر ;)
وبغيت أسئل عن أسعار القطع الغيار الإستهلاكيه يأخواني (فحمات + قماشات + فلتر زيت) وتشيك كامل
وآسف على كثرة الأسئله من أول مشاركه :o
وإن شاءالله تفيدوني..
عبدالله,,

[King]

وعليكم السلام ورحمة الله وبركاته

حبيبي عبدالله

بدل وجع الراس وكثرة دفع الفلوس وكثرة مراجعة الجمارك ومن جد ترى قلق

عندك أكورد كوبيه موديل 2008 وفيه 6 سلندر

وجديده وماعندك أحسن منها

وأعتقد أنه اوفر لك وأريح لك

-------------

بالتوفيق

[Abdullah.M]

الله يعطيك العافيه

أخوي الملك..بس يأخوي أنا بتحمل كل المصاريف وماعندي اشكال

بس المشكله الماده ومد رجولك على قد لحافك

موفق,,

[King]

طيب يالغالي

( أحسب مصاريف الفكرة الأولى )

^ ^ ^
إلي هي انك تشتري سيارة وتشحنها وتخلص المعاملات الجمركية

( وأحسب الفكرة الثانية )
^ ^ ^
أنك تشتري كوبيه جاهزة وجديده

وشوف كم يطلع لك الناتج


وتوكل على الله

----------

ومبروك مقدما ً

[Abdullah.M]

ياهلا بك..


شوف أنا لقيت أكوردات فل كامل 4 سلندر كوبيه 40000 ألف + قيمة الشحن البري (اذا كانت بوسط الولايات ولا يوجد بها بحر) فتقريباً 1000 ريال + الشحن البحر 2000 - 3500 ريال + تخليص من الجمرك مايقارب 6000 = خل نقول 50000 ألف وطبعاً سعر الشحن البحري يفرق يوم عن يوم>>على حسب البترول
ويمكن الشحن البري لايوجد اذا كانت على ولاية قريبة من البحر وبعد لاننسى مزاج أخواننا في الجمرك اذا حبوا ياخذونها كامله أمل خذوها أقل
وبالنسبه للفكره الثانيه قل طلعت وكالة 110 ألف >> هذا اذا كان سعرها
ولا أنسى أن اسعار ال6 سلندر تفرق سعرها بحسب الممشى من 40 ألف إلا 55 ألف

والله يعطيك الصحه والعافيه..

ويمكن أصرف النظر عن الثنتين وأخذ الـgs300 موديل 2002

موفق,,

[King]

الله يوفقك

توكل على الله

------

مبروك مقدما ً

[B Useful]

^^ المستخدم اعلاة قاعد يريش فيك وسواليفة كثير :p ^^

لا تشتري اكورد كوبية من موديل 2003 الى 2007

لأن قطع غيارها غير متوفرة في دول الخليج ،، <<<< تبي رفرف ، تبي كبوت ، تبي عكس ،، تبي طرمبة ، تبي شمعة ،، ماااااااااافية .. تقول بطلب من امريكا ؟؟ اقول لك اغلب قطع الهوندا في امريكا ما توصل القطع الى خارج امريكا واذا بغيت تشتريها لازم يكون عندك عنوان حقيقي هناك ،

فك نفسك وخذ لك 2009 وريح مخك ولا اي سيارة ثانية قطع غيارها متوفرة .

بعدين الكوبية 4 سلندر !! حلاة الكوبية تكون متوحشة 6 سلندر فما فوق ;)

تحياتي لك ،،