^^^ يمكنة يروح بالتلميع اذا كانت البوية باقية ... اما اذا البوية انقشرت ... ود موترة للوكالة خل سون لة تنقيط .. خلال59 ثانية ويرجع الموتر جديد ..^^^
السلام عليكم
يا شباب
طالب مساعدتكم تكفوووووووووون
فيه واحد من الربع معاه أكورد 2008 لؤلؤي
و كنت راكب معه
المهم .. وقفنا عند البيت نبي ننزل
و أنا فاتح الباب ....
الا و الباب يخبط في الرصيف :d:d
لكن الحمد لله ما جاه الا مخش بسيط جدا في مؤخرة الباب
و خويي هذا سامحني عليها ..
بس أنا الى الان ماني راضي عن نفسي :(
و ودي أصبغ المخش هذا بأي ثمن
و و حاب أستفسر منكم ، وش الطريقه عشان أصبغ المخش هذا :(
المخش لونه أسود و صغير جدا في آخر الباب من تحت في الزاويه
و ياليت تساعدوني ضروري :(
^^^ يمكنة يروح بالتلميع اذا كانت البوية باقية ... اما اذا البوية انقشرت ... ود موترة للوكالة خل سون لة تنقيط .. خلال59 ثانية ويرجع الموتر جديد ..^^^
والله يا حبيب ألبي
إذا كان المخش في البوية ( يعني البوية ما انشالت )
فما لك إلا تاخذ ملمع بوية من محلات الزينة وتاخذ قطن
وتلمعها ما تاخذ منك ثواني ...
اما إذا البوية انشالت .. ضروري إنك تروح الصناعية وتشوف لك محل بوية
وياخذ رقم البوية من الاستكر الي عالباب ويعطيك نص كيلو
وانت تسويه كمان بقطن ,,
موفق اخوي ,, ولا عاد تعيدها مره ثانية :rolleyes:
هلابك فهودي ,المخش الي بالسياره حافر في البودي أو فيه سواد فقط..
آسف كوكو كورد
بس الظاهر إنا كنا نكتب الردود في نفس الوقت
كفيت ووفيت
عفوا الوكاله ماراح تاخذ فلوس لما يجيك واحد مسوي نضام علي كيفه يقول بفلوس ومادري ايش
على طول روح لمدير الورشه الي بالوكاله وافضل شي روح لوكاله الخالديه
وقوله ابي تنقيط وراح ينقط لك وبس
ترا كثيرين راحو وقالو لهم بفلوس وعلى ايش الفلوس كلها علبة فيها نقطتين بويه بياخذ عليها
المهم شف شغلك معاهم وحاول تكسبهم ^_^
0
0
مشكوووووووووووووورين كلكم
و ما قصرتوا
والله ماشاء الله عليه خويك ذا .. شكله من النوع المتفاني جدا
انا خويي جلس بس يطقق في سقف الاكورد بتاعتي وكسّرت راسه :d
طيب اشتر له باسكن روبنز
رح لمحل العليان واشتر بويه على شكل قلم ريشه بـ19 ريال
دور لون مقارب للؤلؤي لأنك ماراح تلقا لؤلؤي لو تفحط اشتر ابيض مثلاً
ورح امسح على الحكه وراح تختفي الحكه ولا يبين شي
انا كل حكاتي اوخرها بهالطريقه
واذا كانت الحكه ماقشعت البويه اللهم سواد على الباب
رح لأقرب محل زينه وأشتر ملع بـ10 ريال وامسح عليه وراح تختفي
على طوووووووووول
ويادار مادخلك شر :d
طيب ياشباب
آخر استفسار
المخش لونه أسود و صغير جدا
وش رايكم ، أشتري ملمع أبو عشرة ، و لا القلم الريشه ابو 19 ريال ؟؟؟؟
طيب الحين ابسألك
انت الحين ناوي تعدل بابه بدون مايدري ؟
^^^^^^^^^^^^
يعني يغطي شوي
بس اذا الخدش في طبقة البويه واضح ماترجع السيارة زي اول طبعا لكن يخف اثارها
<<انت وديها الوكاله ومانت بخسران شي
والتنقيط مجاني <<انتبه تعطيهم فلس
اشتر الملع اول وجرب اذا ماراحت اشتر القلم فكر بدون ماتسأل يافهد هههههه
اي خدمه
اخوي الملمع ماتستخدمة الا اذا كان الحكه وصاخه ولا انقشعت البوية
اذا انقشعه البويه استخدم القلم
مواقع النشر (المفضلة)