الموضوع: أكورد 2008 Vs التيما 2008

المشاركة الأصلية كتبت بواسطة محمد_2008

يا خوي والله لو الألتيما الجديده تمشي 300 والله ما اشتريها يا خوي سياره مالها داعي
من ناحية الشكل الخارجي هي نوعا ما مقبوله لكن من داخل تعبانه مره الددسن احسن منها في الديكور
وبعكس الأكورد الجديده شكلها من برا ومن جوا ممتاز وسياره حلوه
وبالنسبه لي الأكورد افضل حتى لو انها ما تمشي إلا 100 كلم
(هذا رأيي)

ياخي خل رايكي لك ولو الشكل الداخلى مهو بعاجبك اقول الالتيما الاربعة السياحية اقل نوع فيها مميزات اكثر من الاكورد الفل الستة الي هي 116 الف ولو على القوه بعد الالتيما الاربعة اخاف تمشي ويا الاكورد الستة:d لا تجي زودتها عاد
بس الكل يعرف انة الالتيما بفئتيها اقوى من الاكورد بفئتيها

عشان ننهي الردود ( ألتيما احسن من اكورد ، و اكورد احسن من التيما .. )

سيارة الوالدة أكورد ٢٠٠٨ ٤ سلندر ، سيارة اخوي ألتيما ٢٠٠٨ ٤ سلندر..

السياراتين سقتهم لفترة و تمشيت فيهم و على راحتي..يعني طلعت الصغيرة و الكبيرة..

و أوجه المقارنة بصدق..

الألتيما :

- الشكل الخارجي أجمل بكثير ( المقدمة شبيهة مقدكة الزد بلا شك ، و الأضواء الواطية البرتقالية بالإصطبات تثبت هذا و تثبت الجمال الخارجي ... و شكل خلفية السيارة و الإكزوزات من أجمل ما يمكن مافي كلام ابدا. )

- الشكل الداخلي ( أجمل من داخلية الأكورد بمليون مرة ، و خاصة مع الإضاءة البرتقالية و العدادات بشكلها الجديد و النظام الصوتي الأفضل من الموجود بالأكورد .. و أكيد ما ننسى الpush start و غيرها من المزايا اللي مو موجودة بالأكورد..)

- النشاط (آلسيارة نشطة بشكل ما شاء الله عليها و خفييييفة و خاصة بالقومة، و التبديل +/- بالجير يعطي متعة أكثر بالقيادة و تحكم بالغيارات..)

- الثبات (السيارة من خفتها تحس أن هذا أثر نوعا ما على الرساء و الثبات على الطريق)


الأكورد :

- الشكل الخارجي يفوق شكل الأكورد السابقة لها ( الواجهية جميلة و لكن شكل الإصطبات مبالغ فيها شوي...خلفية السيارة قمة بالجمال و قد تتفوق بالنسبة لي على خلفية الألتيما من ناحية الإصطبات و الصدام.. )

- الشكل الداخلي ( العدادات شكها حلو جدا ، الستيريو تصميمه يشعرني ان المصمم ضعيف النظر..الأزرار ضخمة جدا .. شكلها غير لائق أبدا ، و كل من ركب معي بالأكورد لاحظ هالشئ )

- النشاط (قومة السيارة ضعيفة جدا ، لدرجة ان قومة السيفيك المفروض مكينتها اصغر..افضل كما لاحظت ، تسارع السيارة على الطريق ممتاز جدا )

- الثبات ( أثبت من الأليتما على الطريقة و السرعات العالية بلا أي شك ، و المنحنيات تقطعها بكل سلاسة .. )

الألتيما تقوم على السيفيك و السيفيك تقوم على الأكورد من أول القومة بس ..

يعني الألتيما تقوم على الأكورد بلا شك .. و لكن مو بهالفرق الشاسع اللي موجود بالفيديو ..