و الله كثر الكلام بين الأكورد 2008 و الأتيما 2008 .

بالنسبة للأخوان إللي يقولون إن المجلة اختارت الألتيما عن الأكورد فالصراحة و من وجهة نظري فالمحرر كان متحيز بشدة و بشكل واضح في الاختيار لصالح الألتيما .
طبعا المفروض ما تتقارن الأكورد مع الألتيما و الكامري , و أنا أذكر في عدد نزل قبل سنة و نصف من نفس مجلة سعودي أوتو يقارن الأكورد 2007 ( السياحي ) بالفولكس واجن باسات 2007 ( الجديدة ) و في عدد لاحق من نفس المجلة أتقارنت الباسات مع الـ BMW الفئة الثانة و المرسيدس الفئة C و الأودي A4 . فهنا أعتقد إنك لازم تقدروا مقام أكورداتكم و تعرفوا قدرها و تترفعوا عن مقارنتها بسيارات المهياطية :p .

ما راح أعلق على أي رد من الردود السابقة , لكن المقطع يوضح إن راعي الأكورد يمكن دعس في البداية لكن أول ما شاف الألتيما تطلع سحب رجله عن البنزين ( خايف ) .

صار لنا الموقف التالي و الذي أثبت لي عزم الـ 2008 و لكم الحكم .

للعلم سيارة العضو Medoo أكورد موديل 2008 عليها جنط مقاس 20 إنش و دكنداسة رياضية MAGNAFLOW و فاك دبة الرصاص و كنا بتقاوم مع HONDA BOY و كانت القصة كاتالي :

أنا و HONDA BOY أتفقنا نتقاوم و جاء ورانا Medoo و لما شافنا بنتقاوم صفط جمبنا و مع الـ 3 بواري و قمنا أول مرة و طبعا أنا تقدمت بفارق بسيط على HONDA BOY بحكم إن القير عندي مدمر و Medoo بعدنا يمكن بسيارتين أو سيارة ونص و رانا ;) .
رجعنا لنفس الخط و قلنا دحدرة 30 :d و جات موستنج 96 مكينة 6 سلندر قير عادي يبي حرش أصلا وهو جاي داعس كلتش و بنزين و محشر . فمع البوري الـ 3 نفز أنا و HONDA BOY و ورانا Medoo و الموستنج ماسك في صدام Medoo الخلفي و صوت الموستنج طالع إلين عندنا لأنه الظاهر مفرغ .
فهذا شي ياليت كان مصور و هو يثبت عزم الأكورد حتى بجنط مقاس 20 إنش . و أعتقد إن في أحد صوّر المقطع لأن كان فيه شباب كثيرين جو ورانا في الدحدرة .

Medoo ركب إنتيك فلتر K&N على الأكورد 2008 و رجع جنط الوكالة و قالي يالله نجرب . الصراحة في البداية أنا خفت شوي من إنه يطلع علي لأنه كان يكلمني و كأنه واثق إنه بيطلع و يشق سيارتي صح :( . لكن , في القومة أنا أطلع و في الدحدرة أنا برضو أطلع . و للأمانة في القومة مع بعض و في بداية الـ 2 أبدأ أفك عنه فكة وسخة :d .
الدحدرة يمسك معي شوي لكن برضو أنا أطلع و بفرق جدا حلو .

الألتيما أنا أعترف إن الـ 2008 قوية و صعبة إن الأكورد تطرحها و لكن , إن تقاومت الأكورد 2007 مع ألتيما 2007 4 سلندر كلهم فأتوقع الأكورد تطلع في الدحدرة ( بحكم تجربتي الشخصية ) ;) .

للعلم نفس مقطع الفيديو هذا بس تخيل إن الأكورد محل الألتيما و الألتيما محل الأكورد , هذا إللي سواه العضو ACCORDY في الألتيما بسيارته الأكورد ( مشالله تبارك الله ) :p .

و في الآخر تراها حديد في حديد و كلها سيارات و ظيفتها تودي و تجيب و تقرب البعيد .