حيّاكم ....
الله يعطيكم العافية على الرد و المرور يا شباب .
Jack :
شكرا لك حبيبي .
ميدو مشاكل :
عاد إنت يبيلك جلسة , إنت لو تقاومه بتنتفه نتف , روح و انت مطمن .
معاك جير عادي , يعني مستواك معاه بيكون رائع .
لا تحرمنا هالطلة الحلوة .
o-k-r :
مبروك عليك الطلعة على الكورولا , و ترى مكينتها قوية في القومة و قومتها جدا نشيطة خصوصا الجير العادي ;) .
دائما اتقدم عليه وفرق جامد وراعي السيارة كان بيتهاوش معاي
يا خي خل عنك , هذا حالهم لا نتفناهم يبدون يتهاوشون , لا تستغرب إذا نزل من السيارة و بدأ يهاوش و ....
و إنت ماشالله مستوى سيارتك لا يستهان فيه .
و شكرا على مرورك .
أبو عــزوز .. :
هلا و الله فيك حبيبي ...
و شكرا على ردك الحلو .
أما بخصوص إستفسارتك ؟
أنت سبق وقلت إنك طلعة على تشارجر V6 !!
صح , طلعت على تشارجر 6 سلندر من القومة أعطيته فرق حق سيارة و بدأ في الخط يقرب بس على خفيف , يبدأ يقرب مع الـ 150 أو 160 و على 200 أمسك أنا في مرايته و أثبته على هالفرق ;) .
هل مستواها سيئ مقارنة بالأكورد V6 ؟؟
مستواها جدا سيء , أصلا ما في وجه للمقارنة بينهم , النتيجة محسومة للأكورد و بفرق شاسع .
تنصحني أجرب مع واحد من أخوياي تشارجر V6 .. وكلنا سياراتنا ستوك
روح و جرب معاه و إنت مطمن , لكن إذا لك في المقاومات و تعرف تحشر النمرة صح اقولك توكل , لأن لو إنك خبرة راح تتعبه لين يطلع عليك :d . و جرب معاه قومة لا تجرب دحدرة . أستغل نقطة ضعف سيارته و هي إنها ثقيلة جدا في القومة . إنت وزنك أخف و عزمك يطلع قبلو فجرب معاه قومة ;) .
ولو أجرب .. ما بجرب إلا بدحدرهـ على سرعة 40 ..
شوف , الدرحدرة 40 في الأكورد مرة جبارة و حلوة , لكن عزم التشارجر فيها أقوى لأنه بيكون ماشي و لو نزلها للأوتوستيك و هو سواق مقاومات بيطلع عليك و لا تنسى إنه 6 سلندر و مكينته High OutPut يعني بيطلع عزمها بسرعة .
جرب من الصفر و اسمع كلامي , و الدليل فيديو مقاومة محجوب مع الـ 2008 الذهبي .
في القومة محجوب من البداية طلع , لكن في الدحدرة الـ 2008 مسك معاه شوي و بعدين محجوب بدأ يطلع , فإنشالله تكون فهمت الفرق بين الأرض و الدحدرة في سيارة ثقيلة .
مثل اليوم عندك , كنا متجمعين وجات سوبارو ليجاسي حق صاحب واحد في الشباب , أعتقد موديل 2003 جير عادي مكينة 2.5 و طبعا مكينتها جدا قوية . أخذت و أعطيت معاه في الكلام و شوي قلتله وش رايك نجرب ؟ قال أوكي .
قلت دحدرة 40 , ليش أنا قلت دحدرة ؟ .
السوبارو دفع رباعي ففي القومة و خصوصا إنه قير عادي بيطلع علي بالراحة , لكني قلت دحدرة عشين أقدر أقدم مستوى حلو قدامه و فعلا جربنا و طلعت عليه و خليت صدامه مع بداية الباب عندي و كثيرين شباب معنا اليوم شافوها ;) .
إذا سيارتك نشيطة و سواقتك و تعشيقك للنمر تمام فأنا أتوقع إنك بتطلع عليه لكنه راح يجيبك في الخط . تبي تنبسط جرب مع لومينا 6 سلندر , عندك إلى الـ 2006 , راح تطلع عليهم :d .
أشكرك على ردك أخوي و أبدا منت مسوي قلق , بالعكس يشرفني أسولف وياك بسواليف التزويد .
مواقع النشر (المفضلة)