(قبل الخميس الصبح)كم سؤال لمحترفي التصوير ( عاجل جدا جدا)

**عبدالعزيز11** · 18-02-2009, 09:51 PM

السلام عليكم

ازيكو ياولاد ؟

عاملين ايه ؟

بما اننا بكرا بنكشت << يعلمكم انه بيكشت

وواحد من العيال توه جاي من الاردن << يدرس

كاشخ جايبن معه كاميرا ديجتال

يقول شاريه له شهرين ولا يعرف به شين ابد !

وعاد انا الدبره حقهم << ايه هين

عطان ايه وقال انا المدير العام للتصوير بالكشتة

قلت مش بطال نتحيرف

فجيت لمكم على الطاير ابي اساسيات الضبط في الكاميرا << تراي اطقطق بالتصوير من بعيد لبعيد

نوع الكاميرا :
canon digital ixus 960 is

ابي افضل الطرق واسرعها فهم لضبط الكاميرا على الاوضاع المناسبة

هذي صورة الكاميرا

وشكرا بس عجلوا ولا ترا ابروح واخليكم

**open window** · 18-02-2009, 11:20 PM

لو نزلت موضوعك في قسم التصوير بفيدونك الاعضاء انا والله ما عندي سالفة لكن اسال كاكاشي سان هو الخبير في هالامور

**عبدالعزيز11** · 18-02-2009, 11:31 PM

والله توي ادري ان به قسم تصوير

لكن اقرب مشرف الله لا يهينه يشوت الموضوع للتصوير

**open window** · 18-02-2009, 11:43 PM

تفضل رابط الموضوع هذا
http://hondaarabia.com/club/showthread.php?t=14614

**عبدالعزيز11** · 19-02-2009, 12:39 AM

مشكور اخوي لكن انا ابي عن الكاميرا اللي معي !!

**The Godfather** · 19-02-2009, 01:02 AM

اخوي .. اللي اعرفه عن كامرتك من واقع قرائتي لمواصفاتها على السريع .. فيها image stabilizer
هذا تحطه on ... مانع الاهتزاز بالعربي .. يعطيك صور احسن و ادق
و عندك الـ Face Detection .. اللي هو يتعرف على الوجوه ( وجوه الناس ) و يركز عليها اثناء التقاط الصوره .. انت بس حطه on و هو يعرف شغله لحاله :d
في عندك اوضاع كثيره .. حسب اللي قرأته انهم 12 وضع او اكثر .. لازم يكون في واحد منهم اسمه outside او landscape .. يعني بالخارج .. مختص بأنه يطلع لك المناظر الحلوه .. احيانا ما يكون بالاسم . يكون على شكل جبل .. <<< ما يحتاج اشرح شنو الجبل بعد :d
انت في بداية الكشته .. غير بالاوضاع و جرب .. شوف شنو احسن الوان عجبتك .. يعني الاوضاع بعضها يغمق على الصور .. بعضها يفتح . بعضها يركز على الالوان كثير .. انت حاول انك تجرب و تشوف اللي يناسبك !!
بس انتبه .. الصور الصبح غير عن الليل .. احتمال كبير يكون بالكامره وضع ليل .. يعني يعتمد على الاضائه الخافته ... غالبا تلاقي على صور هلال .. او مكتوب night ..
الكامره بعد فيها وضع يدوي Manual mode .. وخر عنه .. هذا للمحترفين او شبه المحترفين .. يعني اذا تمكنت من الكامره عدل و عرفت لها .. ذيك الساعه حطه و غير بكيفك ( و على فكره .. انت لو تجلس مع الكامره ساعه وحده .. و تجرب ... راح تتعلم عليها و تصير محترف فيها .. انت بس جرب .. تراك منت خسران شي .. بس بالاول شيل الصور اللي تبيهم من الكامره .. علشان و انت تجرب لو بالغلط عملت فورمات للكرت .. ما تتحسف على الصور ... و على فكره .. الكامره فيها usb .. يعني بس ركب الواير بالكامره و بالكمبيوتر .. و ثواني يتعرفون على بعض .. و تشيل الصور من الكامره و تحطهم على جهازك .. يعني ما فيها شغلانة التعريف و غيره و لا هي صعبه نهااائي .. كأنك تتعامل مع تلفونك !!
اي شي مو فاهمه بالكامره .. حطه لي هني .. و احاااول قدر المستطاع اساعدك فيه

**محجوب** · 19-02-2009, 01:07 AM

اهلا اخوي ..

في هذي الكاميرا من الخلف ... عندك دائرة مقممة من جهة صايرة مثل السهم ... وأحد الاختيارات اللي جنبها اسمه "scne" كما أعتقد ... هذا الخيار فيه وضعيات افتراضية عديدة وحلوة وتناسب معظم الحالات اللي تواجهك بالحياة ... لما تأشر بسهم الدائرة على هذا الخيار ... تقدر تبدل بين الوضعيات الافتراضية عن طريق الطوق الدائري الخفيف اللي يدور ... كل ما تحركه يغير الوضعية الافتراضية ويطلع لك كل شي في الشاشة ...

هذي أتوقع هي أفضل طريقة لشخص مبتدئ .... وطبعا لا تنسى تقول لصاحبك يقرا الكاتلوج لأن فيه أشياء وطرق مفيدة لتعلم التصوير ..

بالتوفيق ..

**المباشر** · 19-02-2009, 03:34 AM

تم النقل مع الشكر

**meshoo** · 19-02-2009, 03:56 AM

شكلك مستعجل ياعبدالعزيز

على العموم اذا مره مره مافهمت شي ضغط كل الازرار لما تصور وخلصنا :d

**Slow revenge** · 19-02-2009, 05:33 AM

ههههههههههههههههههههههههههههههههه ميشو

**أبو الريش** · 19-02-2009, 07:21 AM

http://www.youtube.com/watch?v=6mGi-b5R6_A

ان شاء الله يفيدك هذا الفيديو

**عبدالعزيز11** · 21-02-2009, 05:22 PM

مشكورين ياشباب

والله توي داخل البيت (راجع)

اول يوم رحنا ما بقيت شئ ما صورته
يعني ماصار الليل الا البطارية فاضية

واسأل خويي وين شنطة الكاميرا قال بالسيارة وانا اروح للسيارة ابي الشاحن اللي بالشنطة
وادور الشنطة والله ماحولك شنط يوم تبقشت الامور اثاري اخينا بالله ناسي الشنطة ببيتهم وانا اللي اطب علي ويفقع وجهي << اخونا مقاس xxl ماشاء الله

وقعدنا يومين بدون كاميرا

لكن والله قبل لا تفضى الكاميرا وانا اتحيرف بالوضع اليدوي << اللي قلتوا انه حق محترفين

لكن بصراحة دخلت راسي اني اشتري مثل كاميرته

ومشكورين يا شباب وما قصرتوا