الموضوع: جـديـد تـسارع سـيارة العـضو zuhair

وهذا تسارع محجوبتي رحمها الله :( .. عليها فلتر وهدرز ومركب دبة ثانية زي الـ6 سلندر ..
للي يبي يقارن التسارعات مع مراعاة كلامي اللي فوق

[ame]http://www.youtube.com/watch?v=wnMqZuRDxAI[/ame]

السلام عليكم ورحمة الله وبركاته ..

الصراحة أنا ما أعرف لعزم الـ 4 سلندر لأني لي سنين عنه ..

لكن الله يعطي راعي الأكورد خيرها ويكفيه شرها ..

وبالنسبة لكلام محجوب عن التسارع وإنه ماله صلة بالواقع فأنا أقول باختصار :

كلامك صحيح ، لأن العداد بعد تغيير حجم الجنط + حجم الكفر أصبح يقرأ السرعة الناتجة عن دوران الكفر على الأسفلت خطأ .. !!

وأنا أحاول أشرح الموضوع بشكل مبسط :

الكومبيوتر يحسب سرعة السيارة بناءً على المسجل فيه من معلومات عن المدة اللازمة لدوران الكفر دورة كاملة حول نفسه ..

فلو تغير حجم الكفر وأرقامه عن أرقام الوكالة راح يصير العداد فيه نسبة من الخطأ ، بزيادة أو نقصان بحسب التغيير ..

لأنك لو أخذت كفر بلدها وقطعته وفردته على الأرض بالطول ، وأخذت الكفر الجديد وقطعته وفردته على الأرض بالطول جنبه راح تلاحظ اختلاف في طول الكفرين ..

وهذا الاختلاف هو سبب المشكلة في قراءة عداد السيارة للسرعة خطأ ..

فإذا كان التغيير لأرقام ( أقل ) من أرقام الوكالة راح يكون العداد في السيارة ( أعلى وأسرع ) من الطبيعي ، فلو كنت تمشي 100 كم يعطيك العداد 105 أو 110 كم وهكذا ..

لأن دورة الكفر الكاملة صارت أسرع من الطبيعي ..

وإذا كان التغيير لأرقام ( أكبر ) من أرقام الوكالة راح يكون العداد في السيارة ( أقل وأبطأ ) من الطبيعي ، فلو كنت تمشي 100 كم يعطيك العداد 95 أو 90 كم وهكذا ..

لأن دورة الكفر الكاملة صارت أبطأ من الطبيعي ..

واللي حصل عند أخونا راعي الأكورد هو الثاني ، لأن الأرقام أكبر ..

ولو مشي 100 كم جنب واحد راعي أكورد على نفس مقاس كفرات بلدها راح يلاحظ اختلاف في العداد زي ما قلت ..

وبالعموم فأنا أنصح أي واحد ( راعي مقاومات ) إنه يرجع لمقاس بلدها فهو أفضل مقاس ..

لأن اختلاف المقاس يؤثر على قومة السيارة وخطها ..

فاللي يصغر المقاس عن الطبيعي يقوي القومة ويضعف الخط ..

واللي يكبر المقاس عن الطبيعي يضعف القومة ويقوي الخط ..

كل كلامي هذا عن تجارب سابقة ..

وآسف على الإطالة ..

أخوكم : أبو معاذ