الموضوع: التسجيل بدورة تعديل السيارات بالفتوشوب

السلام عليكم


اخباركم عساكم بخير

جاء وقت دورة تعديل السيارات بالفتوشوب وانا قلت كل واحد يجهز برنامج الفتوشوب الاصدار الثامن باللغه العربيه

اول شي اللي يبي يعدل لايحط في باله ان التعديل مجرد تسليه اذا على هذا الحال ما راح تطور نفسك ابد ولا تتعلم
لكن حط في بالك انك كل ما تسوي تصميم او تعديل انك ماوصلت للدرجه اللي فوقك واعرف انه في ناس افضل منك عشان تبدا تعدل بكل جهد وتحاول توصل لمستوى اعلى

وحاول تطور نفسك وتعود نفسك على التعديل بشكل يومي لين تتعود يدك وتصير خفيفه
واهم شي للمعدل انه يكون عندك مجلدات قطع غيار
يعني االشغله نفسها نفس ماتروح محلات تعديل سيارات
مثلا انا شخصيا وما راح تصدقون
مجلد جنوط 224 جنط وبعض الصوره فيها حوالي 10 جنوط يعني تقريبا 250 جنط
مجلد سيارات غير معدله تقريبا 800 صوره
مجلد سيارات معدله 946 صوره
مجلد الورشه اللي فيها صور لتعديلاتي من بداية مشواري 450 صوره
مجلد قطع غيار بدي كت صدامات زوايد مكاين اللي تجي على برا وطالعه من الكبوت تقريبا 130 صوره
مجلد استكرات وخلفيات 72 صوره
مشاء الله
يعني مريح بالك ماتروح تدور عن قطع او جنوط او اي شي
وكل شي متوفر
وحاول جمع اكبر قدر من هذي المجلدات


بعدين اذا جيت تعدل مو شرط تخلص من تعديلك بسرعه مافيه مشكله اذا حفظت الصوره وجيت اليوم الثاني وعدلت وكملت تعديل وكذا بتطلع بنتيجه حلوه بعكس اذا خلصته بسرعه
وانا والله اجلس اتكتك على التعديل 4 او 5 ايام وماعندي مشكله لكن ما انهي التعديل الا بنتيجه مرضيه وعندكم الاكورد حقت المسابقه جلست عليها 4 ساعات ونص لان التعديل كله يدوي وخلاص انا تعديت مرحلة اخذ قطع من سياره اخرى الحين صرت ارسم اللي في بالي واصمم على كيفي واحيان اخلط بين العادي واليدوي
طبعا تسألون وش الفرق بين العادي واليدوي
العادي:تعديل السياره بأخذ قطع من سياره اخرى واستعارتها مثل الشكمان والزجاج والصدام والاستكرات الخ..
اما اليدوي اللي انا اشتغل فيه:تعديل السياره ورسم جميع القطع يدويا والاستكر الا الجنوط محد يقدر يسويها يدوي لكن يمكنك تسوي فيها بعض الاضافات اليدويه مثل تخلي الكفر بلون او تحط على الكفر خط او كلمات انجليزيه الخ..
وفيه الخلط بين اليدوي والعادي: مثلا تجيب صدام من سياره اخرى وتركبه وتبدا تشتغل عليه تقريبا نص ساعه تغير لون وتسمكر وترقع وتغير شكله وتزيد او تنقص الفتحات وترش عليه لون كامل وتسوي انعكاسات والشغله متعبه
يعني سالفة الانعكاسات بعد الشغل اليدوي تاخذ مني ساعه كامله على جميع مناطق البدي

المهم خلونا من اليدوي


حنا الحين الدوره للمبتدئين بالتعديل يعني العادي

المطلوب للتسجيل


الاسم:
تريد اضافة كلمة:
هل انت مبتدى او عندك خلفيه سابقه بالتعديل:

وتحط هذا الشعار بتوقيعك



وطبعا مدة التسجيل 5 ايام او اقل حسب عدد المشتركين اذا كان كافي بعدها يغلق التسجيل<<< وبرسل لكل المشتركين قبل بداية اول درس على الخاص قطع تعديل وخلفيات وجنوط وبعض النصايح تفيدكم ان شاء الله


وانا مابي اي شي ولا مقابل من هذي الدوره غير الاجر


ونقطه مهمه ممكن اوقف الدوره في اي وقت يكون مافيه تفاعل معي بالدروس والتطبيق
ومهما كان العدد على الاقل نطلع معدلين جدد او معدلين عندهم خلفيات سابقه ونلطعهم شبه محترفين


بنتظار ردودكم