السلام عليكم ورحمة الله وبركاته ..

أولاً :

بالنسبة لصاحب السيارة أنا أعرف إنه كاتب إن السيارة ردها ستوك ..

وأنا أقصد بعد ما ينتهي من ( المخطط ) اللي عنده ، واللي أكيد راح يكون أقوى وأكثر قطع من السابق ..

واللي قاله صاحب السيارة عن تعديله الأول في موضوع سابق :

بعدين يا حبيب ألبي .. انا صارف على السيارة حدود 12 الف تعديل وقطع
والآن هو يقول هنا :

لحد يقلي معدّل ومدري ايش :P ترى السيارة في الفيديو هذا ستوك تقريبا .. بس كان عليها اقزوز من نص السيارة مهو اقزوز كامل .. بس دبة وحده مفكوكة ..
فإذا كان تعديل السيارة كلفت القطع فيه 12 ألف ريال من دون التركيب ..

وإذا كان الأقزوز من نصف السيارة يعتبره صاحب السيارة ( ستوك تقريباً ) ..

وإذا كان خويه بين إنه كان مركب فلتر k&n ، وقال إنه ما كان وقتها فل هوائيات ..

فاللي أتخيلته أنا إنه بعد هذا التصوير كان عليه هوائيات .. وممكن يكون معاها برمجة مثلاً ..

لأن السعر عالي اللي ذكره ، وهذا اللي فهمته من كلام خويه ( اكورد مجنونه ) ..

وفي كل الأحوال أنا طلبت تصحيح صاحب السيارة نفسه لأنه هو أدرى بالقطع اللي كانت على سيارته ..

ثانياً :

بالنسبة لفلتر الشريحة فأنا ما أظن إنه تعديل المفترض إنه ينكتب ، لأن فرقه مثل فرق البواجي تقريباً ..

يعني هو مجرد تنشيط ..

وعن تجربة ، إذا فكيت الفلتر الشريحة وتركت السيارة من دون فلتر يكون العزم أفضل ..

وواحد من الشباب ركبه على أوبيروس وقاس الأحصنة على الداينو واللي زاد بعد فلتر الشريحة هو 1 حصان أو 1.5 حصان على ما أذكر ، هذا الفرق كان مع تفريغ دبات ..

فإذا كان ( بعض الشباب ) يعتبر فلتر الـ 1 حصان مشكلة فأنا راح أكتبه عشان لحد يزعل ..

وبطبيعة الحال الهدرز فرقه أكبر بكثير من فلتر الـ 1 حصان ..

وبالمناسبة كثير من الأكوردات الكوبيه 6 سلندر الجديدة عندنا في مكة مركبين هذه الشريحة ..

وإذا كان أخوي صاحب الأكورد ما راح يرد التعديلات اللي على السيارة قريب ، وراح يخليها فترة طويلة ستوك فعندي أكثر من أزيرا 3.8 ستوك نشيطة إن كان له رغبة في التجربة ..

وبصراحة كلام الأخ : أكورد مجنونة عن إن صاحب المقطع جرب مع أزيرات كثيرة وطلع عليها حمسني أكثر إني أجرب معاه ، وأشوف مستواه العالي ما شاء الله تبارك الله ..

وإن كنت أخاف إن الأخ : ( غير الناس ) يعتبر هذه الأكورد اللي في المقطع غير نشيطة ، مثل ما يقول عن بقية الأكوردات اللي في الغربية في كلام سابق له ، وما نستفيد شيء من قومتنا مع أقوى أكورد في الغربية ..

وخصوصاً وهو يقول إنه يبغالها تمرين شوية ..

ثالثاً :

أخوي غير الناس ..

كلامك اللي بررت به في موضوعك اللي أشرت له ما أقنعني ..

لكني احتراماً لك ما ذكرت وجهة نظري في كلامك ، لكن طالما أنت ذكرت الموضوع من جديد فأنا أبين لك وجهة نظري ..

صوت السيارة ما فيه تحفير ، وقومتك ما شاء الله كانت موزونة ، ما فيها غير قرصة الأول في بداية القومة ، والخط اللي تقوم فيه مستقيم ، ولو كان فيه مشاكل في سيارتك ما أظنك كنت راح تقوم أصلاً ، أو على الأقل راح تذكر المشاكل هذه في كلامك ..

وفي كل الأحوال أنا ما أعتمد على التسارعات في قياس مستويات السيارات أبداً ..

هذه كانت وجهة نظر في تسارعك فقط ..

ولا عندي مشكلة مع الأكورد ، وهي - بالمناسبة - سيارة يعجبني شكلها جداً ، لكن أداءها ما عجبني حسب اللي شفته حتى الآن ..

تحياتي لك ، وللأخ صاحب الموضوع ، وللجميع - وأعتذر عن الخروج عن الموضوع - .. :o