اليوم رحت وكالة هوندا فرع طريق الدمام - الخبر السريع



وشفنا المزيونة الجديدة هناك والظاهر ان تو عارضينها اليوم لأنو حتى السيارة مو مرة نظيفة

وكان فيه موظف يحوس جنب السيارة ويفتح الشنطة
سلمت عليه واستأذنت أشوف المفتاح لأنو لفت نظر صاحبي انو مختلف عن السابق
وفعلا هذا الشكل الجديد له قدام وورا






عاد انا مسكت المفتاح فاستأذنت منه أني اشغل السويتش نبي نشوف الشاشة
قال هي ممنوع بس يللا بسرعة نوريكم خخخ :d
وهذي الصور
بداية التشغيل

احدى القوائم / أغلب البقية مشابهة لها



الخرائط بدون تقريب


الخرائط مع تقريب متوسط


وطبعا فيها دول الخليج كلها


واللي لفت نظري بس للأسف ما صورته أن يوجد رمز لكل مسجد في الخريطة عند التقريب زيادة !
يعني ان اصدار الخرائط متعوب عليه ومخصص للخليج بزيادة عن باقي الانظمة في باقي السيارات الثانية
وان صوت المرشد للخرائط باللغة العربية وهو صوت حرمة :d

طبعا الشاشة من اصل السيارة ونظام هوندا بالكامل
دقتها عالية وحلوة وحجمها كبير جدا واضحة بس حسيت انها مغرزة حبتين
التحكم بها سهل واغلب التحكم من الفارة الكبيرة بوسط الداشبورد
يوجد زر يغير الاضائة حسب الحاجة في النهار او الليل او الاماكن المغلقة علشان ما تؤذي العين وتكون واضحة بكفاية


وهذي كم صورة للديكور الجميل
لاحظو فوق التخشيبة ان الديكور تغيرت مواده جزئيا






طبعا 6 سيديات كلها تحت
ما اتوقع فيها ديفيدي لأنو مكتوب mp3/wma فقط
والصورة للدرج السفلي ايضا


هذي ازرار التلفون الاجابة والاغلاق


وهذي كم صورة خارجية من عدة زوايا






لاحظت ان فيها شبه شوي من اللكزس es خاصة في هذي الصورة !؟
وطبعا نشوف الفرق في لون الجنوط وشكلها عن الموديل السابق





وهذي آخر صورة
الكاميرا الخلفية ومكانها




بالنسبة للأسعار ويا ويلي من الأسعار :d
كلام الموظف باختصار :
أنو سعر الموديل 2010 فل 4 سلندر 97,500
ويقول أن الادارة قالت لهم أن موديلات 2011 راح تزيد 8,000 الى 9,000 ريال لكل فئة
وأنها بتزيد غير الـ8,000 الى 9,000 ... 10,000 زيادة علشان الشاشة وملحقاتها

يعني الـ4 سلندر فل 2011
سعرها راح يصير 106,000 تقريبا !
مع الشاشة توصل الى 116,000 ريال

السبيشل والاستاندرد زيادة على السعر السابق 8,000 ريال تقريبا

الـ6 سلندر فل كامل + الشاشة والخرائط يقوول حول الـ135,000 ريال
وبدون الشاشة حول 125,000 ريال !


يقول هذي الاسعار شبه أكيدة لأنها من كلام الادارة
لكن لسة ما جاتهم باوراق رسمية


وشسمه بس خلاص :d
نلقاكم مع السيفيك 2011 :d