النتائج 1 إلى 3 من 3

الموضوع: سيارتي راح تجنني مع حرارتها

  1. #1
    عضو
    تاريخ التسجيل
    08-2016
    الدولة
    الدمام
    المشاركات
    2

    Icon8 سيارتي راح تجنني مع حرارتها

    السلام عليكم ورحمة الله وبركاته..
    جمعة طيبة علينا وعليكم..
    عندي هوندا اكورد موديل 2006..
    وفيها مشكلة بالحرارة بس مانا عارف وشهي..
    من قبل شهر وانا بزحمة الدمام ارتفعت الحرارة وكانت بتوصل الى h
    بس علطول طفيت المكيف ونزلت الحرارة تدريجيا
    رحت للباكستاني قالي علبة الموية فيها تهريب وصحيح وغيرها وزبط المووضوع
    من الاسبوع الحرارة ترتفع وتنزل و انا امشي اوقات توصل للنص وبعدين تنزل واذا وقفت والمكيف شغال تعدي النص
    عملت تصيييخ للرديتر وحطيت موية اصلية وغيرت غطاء الرديتر ورجعت البيت والحرارة ماتغيرت
    لما عملت تصيييخ للرديتر حسيت بهواء المكيف ضعف اكثير لين ماقام يطلع هواء حار مدري الفريون خلص ولا
    الكمبريسور ضرب
    وحقرتها لان منجد طفشت منها اتمنى تساعدوني..

    ومشكورين حبايبي

  2. #2
    The Power Of Dreams
    تاريخ التسجيل
    05-2009
    المشاركات
    1,247

    افتراضي


    وعليكم السلام ورحمة الله وبركاته

    أول شيء أفحص المراوح وتأكد من أن كل المروحتين شغاله عند إرتفاع الحراره ؛ أو عند تشغيل المكيف

    إذا كل المروحتين أو أحد المراوح ما تشتغل

    الموضوع هذا راح يفيدك

    شرح طريقة فك وتجديد وتنظيف دينمو ( قلب ) المروحه .. بالصور ومعلومات كامله



    ملاحظه :
    أحيانا الدينمو إذا كان خربان يكون يشتغل بعض الأحيان ؛ وأحيانا ما يشتغل

    يعني المفروض عند إرتفاع الحرارة أول شيء تشيك عليه المراوح ..


    راديتر ماء المكينه يختلف عن راديتر المكيف

    هذي صورة لراديتر المكينه والمراوح


    وهذي صوره ثانية للراديتر والقربه والليات



    وهذي صوره لراديتر المكيف




    راديتر المكيف يكون قدام عند وجهية السيارة ؛ وخلفه يكون راديتر المكينه وخلفه قاعدة المراوح الكهربائية والمراوح نفسها

    وداخل راديتر المكينه فيه مبرد للقير الأوتوماتيك .. يعني إرتفاع حرارة ماء المكينه راح يأثر على القير بعد مهب بس المكينه

    لأن إذا أرتفعت حرارة ماء الراديتر راح تسبب إرتفاع حرارة زيت القير بدل تبريد زيت القير الأوتوماتيك


    المراوح مهمة جدا جدا .. تبرد ماء المكينه و زيت القير وكمبروسر المكيف

    يعني إذا المراوح ما تشتغل :
    1) حرارة المكينة ترتفع = حرارة ماء الراديتر ترتفع = إرتفاع حرارة زيت القير وبالتالي إرتفاع حرارة القير
    2) إرتفاع حرارة كمبروسر المكيف ؛ لأن راديتر المكيف يبرد الكمبروسر
    3) المكيف يكون تبريده أضعف لأن مافيه هواء كافي يمر على راديتر المكيف ؛ ولذلك أنا عندي إحساس أن أحد المراوح عندك ما تشتغل



    إذا أحد المراوح خربانه نصيحه لا تهملها وصلحها بأسرع وقت خصوصا مع أجوائنا الحاره جدا ؛ عشان ما تأثر على المكينه والقير وكمبروسر المكيف

    معروف أن الحرارة عدو الأشياء الميكانيكيه و الإلكترونيه


    إذا دينمو المروحة عندك خربان .. عندك 4 خيارات :

    1) دينمو دينسو جديد أصلي 800 ريال بالوكاله

    2) دينمو ماليزي تجاري بـ 135 ريال تقريباً
    يركب مضبوط على قاعدة المراوح لكن الفيش حقه يختلف ..
    يعني لازم تقص سلك فيش الدينمو القديم ( من النص ) وتخلي نص السلك عشان إذا بغيت تجدد الدينمو القديم تسوي له تنظيف وتغيير للفحمات
    و تقص طرف فيش الدينمو الماليزي .. ثم توصل وتلحم الأسلاك

    طريقة توصيل الأسلاك بالدينمو الماليزي ( مهم عشان تكون المروحة تسحب هواء من واجهية السياره وتدفعه جهة الراديتر )
    أزرق ( - ) توصله مع السلك الأسود حق فيش الدينمو القديم
    أسود ( + ) توصله مع السلك الأحمر حق فيش الدينمو القديم

    3) تسوي تنظيف للدينمو القديم وتغير الفحمات اللي داخله .. ما يكلفك كثير تقريبا يمكن 100 ريال ويرجع يشتغل بإذن الله

    4) دينمو كامري يركب لكن ما أدري موديل كم ولا أدري سعره كم



    شيك على المراوح وتأكد أنها سليمه وشغاله 100% ورد لنا خبر





  3. #3
    عضو
    تاريخ التسجيل
    08-2016
    الدولة
    الدمام
    المشاركات
    2

    افتراضي

    مشكور حبيبي
    THE SILVER ACCORD على الرد

    المرواح يقول الكهربائي انهم شغالات وانهم اوكيه
    بس احس الهواء حاااااار بقوة اللي يطلع منهم
    مع انه قبل شهرين مغير فحمات للمراوح
    بس عملت تصيييخ للسيارة احس هواء المكيف قل عن اول بواجد
    ليين ماقلب هواء البارد للحار
    والحرارة توصل النص وتنزل طبيعية وهكذا
    وعيوني كله على الطبلون اذا اطلع فيها واكون ع اعصابي

    والف شكر لك
    THE SILVER ACCORD



المواضيع المتشابهه

  1. ياأخوان سيارتي ترتفع حرارتها بدون سبب
    بواسطة Al Saeed Hajy Saeed في المنتدى هوندا اكورد Accord
    مشاركات: 4
    آخر مشاركة: 21-09-2014, 03:35 AM
  2. ساعدوني بسيارتي ترتفع حرارتها ، أبي حل للمشكله ،،
    بواسطة سيد الحب في المنتدى هوندا اكورد Accord
    مشاركات: 24
    آخر مشاركة: 21-10-2012, 07:09 AM
  3. صوت ونه في سيارتي
    بواسطة عاشق سيييييفيك في المنتدى هوندا سيفيك Civic
    مشاركات: 19
    آخر مشاركة: 15-10-2012, 10:52 PM
  4. الاكورد 2007 مرتفعه حرارتها واجهل السبب !!
    بواسطة accord-08 في المنتدى هوندا اكورد Accord
    مشاركات: 22
    آخر مشاركة: 01-08-2010, 09:57 AM
  5. مفتاح سيارتي مايفتح باب سيارتي
    بواسطة الهوندا حياتي في المنتدى هوندا سيفيك Civic
    مشاركات: 3
    آخر مشاركة: 11-03-2009, 01:26 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 48.43 Kb. compressed to 43.66 Kb. by saving 4.77 Kb. (9.85%)]