عرض للطباعة
السلام عليكم
اليوم الصباح غيرت الزيت في الوكاله وشوي قالي الفلبيني عندك تهريب في صوفة الدوده جهة اليسار ناديت المهندس قالي تكلفك 5000ريال لانهم بيبدلونها كامله وقالي براء الوكاله يمكن بتكلفك من500 الى600 ريال
سوالي هل لها ضرر اذا ما صلحته وزيت الدركسون ابزوده كل اسبوع ماعندي مشكله
والوزنيه عندي وكاله ماودي اتعبث فيها ...............ومشكورين
اكيد فيها ضرر لحق غيرها بسرعه قبل تخرب عليك الدوده كامل
وتكلفك مبلغ وقدره
دامك في الرياض رح ورشة رقم ٢٠ في صناعية ام الحمام
القطع بتكلف ٣٠٠ ريال وشغل اليد ٣٠٠ سويتها قبل سنة لسيارتي ٢٠٠٤ وللحين ولله الحمد مافيها مشكلة .
وصف الورشة //
وانت جاي من طريق العروبة متجة للغرب ، بيجيك تقاطع التخصصي وبعد تقاطع تركي بن عبد العزيز الاول ، اطلع يسار ، بتجيك اشارة رح سيدة وخلك ماسك اليمين ، ثاني مدخل للخدمة خش معة تلاقي الورشة واضحة رقم ٢٠ ، واسئل عن فيصل او تحسين .
ياخوي عندي وعندك خير قسم بالله البيت امتلاء من كثر زيت الدركسون
ابوي يقلي ابعد هالبلاء عن البيت >>>>>>>> :d يقصد عدم الشارع بالزيت
وينقز والله اصلحها ب 5000 ريال وماادري ايش اسوي فيها بلاشان والله
ياغالي سيبك من كلام الوكاله والـ 5000 الف حقتهم .
روح اشتر لك اصلاح دودة اصليه تقريبا بـ 280 ريال او 250 ما تتعداها . وروح شفلك ورشة كويسة ويفضل ابو فلبن <<< فلبيني
شغله يدة بحدود الـ 200 ريال الى الـ 300 ما تتعداها .
وخلاص تمتع بدركسون ما يهب زيت انا سويتها في اكودتي الاولة مشا لله زي اللوز .
هي الشغلة كلها اصلاح ليه اغير الدودة كامله وبـ 5000 بالعقل !!
اخوي الدودة جديدة تكلف 3000 ريال تقريبا او 2500 ريال اذا قلت مع الخصم
ودها مثل ما قال اخوي B Useful وكذا تكون وفرت على نفسك
السبب اللي يخلي الصوف تخرب هي الاسباب التالية:
1- استخدام زيت غير المخصص لهوندا
2- دخول شوائب واوساخ مع زيت الدودة
3- تهريب العلبة للزيت وفقدان جهاز التوجيه الزيت الكافي في الضغط او الزيادة عن الحد في اضافة الزيت في العلبة.
طيب كيف أعرف إذا الدودة أو شيء منها خربان ؟؟
عن طريق الامور التالية:اقتباس:
المشاركة الأصلية كتبت بواسطة top man
1- اذا فيه فضاوة او لما تلف الدركسون بشكل متكرر يمين ويسار تسمع صوت طقطقة قوية مع احساس في الدركسون بالطقطقة هذه وهذه خطرة ممكن تروس تكسرت وهذه مشكلة وقت التوجيه.
2-اذا فيه تهريب من الدودة
3-اذا فيه صعوبة في لف الدركسون
بلال الوزنيه عندي مضبوطه من وكالتها خوفي بعد ضبط التهريب الوزنيه ماترجع مثل وكالتها وسئلت المهندس عن التهريب في الوكاله وقالي ماعندك مشكله بس كل اسبوع زود الزيت اذا نقص وماتجي مشاكل باذن الله بس وشرايك يابلال اخليها وزد الزيت ولا اضبطها افضل
والله يعطيك العافيه....