أستفسارين يا أهل الخير !؟

السلام عليكم ورحمه اللة و بركاته
كل عام وانتم بالف صحه وسلامه وينعاد علينا و عليكم باتم حال.

عندي استفسارين عن الاكورد 2008 فل كامل؟
1_ركبت اليوم كفرات من الغرابي نوعية"مارشال كورية مواصفات حلوة بصراحه من ناحية حرارة و سرعه وصوت و ليونه بالخط وضمان سنة واحدة
علماً كفر الواحد 450ريال المقاس 225\50\17 ودعسه ناعمه وقالي دعسه رياضيه 350ريال بس يقول ماتصلح واخذت دعسه ناعمة لاني مليت من ميشلان ولا حصلت التويو في الغرابي. هل كذا سعرها؟ و هل احد قد جربهاا يعطينا افادة من تجربة لهذة النوعية مارشال؟

2-عندي منظم الهواء اذا جلست فترة و فكيته صار فية زيت ع نفس المنظم و من جواء اللي عنده خلفية ياليت يفيدني و يفيد اصحاب المنتدى.

وسوري اذا طولت عليكم. و اتمنى مشارركتكم.
وشكراً.

هلابك يالغالي
انا ركبت كفرات مارشال قبل 3 ايام نقشه عايديه ماشاء الله هدوء اكثر من الميشلان وليونه ورساوه وماسكه بالارض مع الفرامل وبالخط راسيه ماشاءالله مواصفاتها حلوه جداُ ، علماً بأن الحكم على الكفرات لايتم الا بعد ثلاث شهور من الاستخدام لكن واضحه انها تبيض الوجه
وبخصوص السعر انا حصلتها عند ابويمن النصابين بالغرابي 450 وقالي بعطيك الاربع الواحد 400 ورحت لوكيلها الصافي وخذيت من عندهم نفس الكفر وتاريخ جديد 300الواحد يعني الاربع 1200 فرق كبير بين المحلات (قببل اقل من شهر نزلت موضوع استفسار بالمنتدى عن كفرات مارشال واتضح ان الاعضاء اللي ردو علي اغلبهم بين الميشلان والبرجستون والقدير ) وقررت اني اجرب بنفسي المارشال والحمدالله وماشاءالله ماتحسفت نقشتها رسميه وتعطيك بانه اعرض من كفر الميشلان رغم انها نفس المقاس .

وبخصوص فلتر المنظم نفس المشكله عندي وسالت عنه وقالو طبيعي

** عذرا على الاطاله

http://[img]http://www.qzal.net/01/2....jpg[/img]
صور الكفر

http://<a href="http://www.qzal.net/...&#91;/img]</a>

http://www.qzal.net/01/2012-10/13509512321.jpg

صور الكفر
http://www.qzal.net/01/2012-10/13509512332.jpg

كفرات ميشلان الي تجي مع السيارة قاسية وتزداد قساوة انا الآن منزل الضغط إلى 30 ولا تزال قاسية وكل مالها وتقسى وهي ما كملت معاي 9 شهور ،،، خلوها على الله

اهم شيء اذا فيه رجة اعمل ترصيص ارضي للكفرات عند مركز متخصص مثل العضيب او المجد في الرياض ( مع الضمان )

بس سعره طيب 300 ريال ،،،


الغرابي اكثر البضايع من المتردية والنطيحة او المخزنة واسعارهم ضاربة خصوصا اليمنى لان بعضهم

همه الربح ويبي يكسب ويحسب السعودي جالس على كنز

الحين لو ادور زي كفر الميشلان الي على الاكورد تحصله بحدود 600 اذا مب اكثر اذا ميشلان يعيش 2 - 2.5 سنة او 90 الف تقل او تزيد

افضل اني اشتري كفر الين وبسعر اقل واغيره كل سنة ونص او كل 60 الف اذا ماني راعي خطوط احسن لي

لكن اصحاب الخطوط مثلي الله يعينهم بس

اخوي (هوندا انا)
كفرات ميشلان جبارة رغم قساوتها استحملتها ورجعت وركبتها من بعد كفرات الوكالة مره ثانيه قبل سنه واربع شهور والحين غيرتها لاني استهلكتها
علما بانه سعرها سابقا 690 والحين تاريخ 2012 500 يعتبر رخيص ومتناول الجميع عكس كفرات البرجستون 950 بعد الخصم
لكن حبيت اغير واجرب كفرات ثانيه لان الشعب عندنا محصور بين اربع انواع تقريبا بسبب اعلاناتها وشهرتها رغم عيوبها مثل الميشلان قاسي
وركبت مارشال من حب تجربه وتغيير رغم اني بحثت باغلب المنتديات ولاحظت التجربه قليله جدا
وبعد ماقريت عنها بان تاريخها بالسعوديه من عام 1983 لكن لعدم وجود دعايا واعلانات عليها لم تنتشر والسبب بانه مو بحاجتة الاعلانات لانها بالاساس متخصصه بكفرات الشاحنات ومتعاقد مع شركات كبيرة لذا لايوجد لها دعايا
علما باني امسك خط بشكل يومي بسبب الدوام وحبيت اجربها وانشالله تكون تجربه ناجحه ((ومن خلال اليومين الماضيه الكفرات بالخط افضل من الميشلان والتجربه لاتعتمد الا بعد 3 شهوور ))
تحياتي

مشكور اخوي فهد و اخوي هوندا انا ع الردود وشاكر لكم التفاعل .وكل عامم وانتم بخير.

اقتباس:

---

المشاركة الأصلية كتبت بواسطة نايف عاشق الهنادي

مشكور اخوي فهد و اخوي هوندا انا ع الردود وشاكر لكم التفاعل .وكل عامم وانتم بخير.

---

بشر وش ركبت

اقتباس:

---

المشاركة الأصلية كتبت بواسطة Fahoode

اخوي (هوندا انا)
كفرات ميشلان جبارة رغم قساوتها استحملتها ورجعت وركبتها من بعد كفرات الوكالة مره ثانيه قبل سنه واربع شهور والحين غيرتها لاني استهلكتها
علما بانه سعرها سابقا 690 والحين تاريخ 2012 500 يعتبر رخيص ومتناول الجميع عكس كفرات البرجستون 950 بعد الخصم
لكن حبيت اغير واجرب كفرات ثانيه لان الشعب عندنا محصور بين اربع انواع تقريبا بسبب اعلاناتها وشهرتها رغم عيوبها مثل الميشلان قاسي
وركبت مارشال من حب تجربه وتغيير رغم اني بحثت باغلب المنتديات ولاحظت التجربه قليله جدا
وبعد ماقريت عنها بان تاريخها بالسعوديه من عام 1983 لكن لعدم وجود دعايا واعلانات عليها لم تنتشر والسبب بانه مو بحاجتة الاعلانات لانها بالاساس متخصصه بكفرات الشاحنات ومتعاقد مع شركات كبيرة لذا لايوجد لها دعايا
علما باني امسك خط بشكل يومي بسبب الدوام وحبيت اجربها وانشالله تكون تجربه ناجحه ((ومن خلال اليومين الماضيه الكفرات بالخط افضل من الميشلان والتجربه لاتعتمد الا بعد 3 شهوور ))
تحياتي

---

اجل ننتظر منك تقرير مصور عن الكفر بعد كذا شهر ( تقطعها بالعافية )