اشاعات منتشره بين الناس وليس لها شي من الصحه

السلام عليكم ورحمة الله وبركاته




في الماضي كانت تنتشر لدينا اشاعات واوهام كنا نصدقها بسهولة اذا لم تكن لها علاقة بشيء من الدين وبخاصة مايتعلق بالسيارات

اتذكر من الاشاعات التي عرفنا في الوقت الحاضر ومع الانفتاح الحاصل تقنيا ومعلوماتيا ثلاث اشاعات حول السيارة :

1 - ان السيارة اول ماتطلعها من الوكالة لازم تمشيها 1000 كيلو قبل ماتشغل المكيف او تتعدى 80 كيلو في الساعه
وكنا مصدقين الاشاعه هذي حتى اكتشفنا انه مايضرها تشغيل المكيف ولا السرعه

2 - اذا شغلنا السيارة وهي باردة كنا نعتقد ان المشي يضرها ولا بد ان ترتفع الحرارة الى الوضع المعتاد والا تضررت السيارة ضررا بالغا والاشاعة هذه لازالت مستمرة ويقتنع بها الكثيرون والحقيقة انها غير صحيحة نسبيا
كيف ذلك

لا يضر السيارة ان تشغلها وتمشي بها مباشرة حتى في وسط الشناء ولكن مايضرها هو الاسراع بها مباشرة بعد تشغيلها لان ذلك متعلق ببرودة زيت المكينة لانه اذا كان باردا يكون ثقيلا فلا ينتشر سريعا متماشيا مع سرعة تحرك المكينة في حال السرعة

الجدير بالذكر ان الاشاعة الاولى والثانية لاضرر من تصديقها والالتزام بها لكن المهم لدي هي الاشاعة الثالثة فتصديقها مضر للسيارة ولجيبك

3 - تقول الاشاعة ان الزيت يجب تغييره كل 2500 كيلو

احد زملائي التحق بمركز من مراكز التدريب على ميكانيكا السيارات المعتمدة شهاداتها واظن انه مركز تويوتا ان لم تخني الذاكره

يقول ان محاضرا المانيا جاء اليهم والقى محاضرة وتحدث حول زيت المكينة يقول اهم مافي حديثه ان تغيير زيت المكينة قبل 5000 كيلو يعني قصر عمر المكينه
والسبب كما يذكر ان زيوت السيارات مصممة كي تعمل بالطريقة التالية :

اول 2500 كيلو تعمل على صنفرة المكينة من الشوائب ومن طبقة الزيت التي عليها
ثاني 2500 كيلو تقوم ببناء طبقة زيت تحمي وتبرد المكينة

عندما يقوم صاحب السيارة بتغيير الزيت بعد 2500 كيلو فانه لا توجد طبقة حماية في المكينة والزيت الجديد يقوم بالصنفرة من جديد فيصنفر المكينة وهي بدون طبقة حماية ومع الوقت يبدأ جدار المكينة الرئيسي يتآكل

طبعا التآكل ربما يأخذ وقتا طويلا ليس سنة لا سنتين ولكنه مضر للسيارة

ولكي تتأكد من هذه المعلومات ابحث في كتالوج السيارة ستجد ان الكتالوج المرفق يحذرك من تغيير الزيت قبل 5000 كيلو

مثلا انا في سيارتي هوندا اكورد 2009 مكتوب انه اذا كانت درجة الحرارة بين 5 درجات و35 درجة فإن الزيت يتغير كل 10000 كيلو واذا ارتفعت الحرارة عن 35 درجة او نزلت عن 5 درجات فان الزيت يتغير كل 5000 كيلو

منقول من الايميل للفائده تحياتي لكم

وعليكم السلام ورحمة الله وبركاته

احب اقولك كل الكلام المكتوب (انا مجربه ولا شفت شي)

يعني الاشاعات هذي للحين منتشره

في كلى الحالتين
سوا مشيت على الاشاعه او مامشيت ماراح تضر الموتر

يوم كنا دبش وزلايب كنا نغير الزيت على 2500 الى 4000 كيلو
وصلنا الزيت للـ20000 كيلو وماصار شي بالمكينه
وفيه شخص بالوكاله يغير الزيت كل 40000 كيلو
( الزيت الي يستخدمه قيمة العلبه بـ50 ريال)

مرتن من المرارير غيرت الزيت بالشهر مرتين ايام ماكنا زلايب والكرت معي للحين ..

وكنا مانحرك السياره الا اذا ارتفعت الحراره لو ضعها الطبيعي ..يوم دجينا قلنا اول مايرتفع الامبير يكون لزيت وصل للماكينه
وتستمر الفهاوه ,,,
واما الي يقول ماتتعدى الـ1000 كيلو اول ماتطلعها من الوكاله .. ماعليش ماخشت عقلي
طيب ياحظ اللي يطلعها بـعــز الصيف .. علشان يعرف كيف يمشيها 1000 كيلو بدون مكيف ..

وبرضو اقولك اعرف اكثر من شخص
معاهم سيارات مختلفه
جيب ربع طلع من كراج الوكاله وعلى طول للشرقيه ورجع بنفس اليوم
(والحين ماشاء الله مافيه شي):cool:

كامري 2006 فل كامل 4 سلندر .. طلع من كراج الوكاله ويسمعهم صوت الكفرات (والموتري ماشي تمام التمام):cool:

التيما 2005 سياحي .. طلع من الوكاله وعلى الدائري مشى بسرعه 200 ورجع للبيت وغسلها والحين مافيها اي شي:cool:

اكورد 2006 و 2005 طلع من كراج الوكاله وسييييييييييده ع الخرج (جاب طبلونها)
ورجع بنفس الوقت .. ولا صار شي :cool:

..

وفيه واحد مهبل فيني والمشكله معه اوبترا يعني مادري وش لا قي فيها
لما يشغل موتره وانا في مخرج 14 واوصل للشفا قبل مايوصل هو (وهو ساكن بحي الحزم)

يعني 3 دقايق وواصل
وكلها من هالحتسي يقول ماحرك السياره الا اذا وصلت الحراره لوضعها الطبيعي
..
والله ياما وياما تاخرنا على المدارس والدوامات .. وتسخين السياره 3 ثواني

والحمد الله .. كل شي سليم ..

اسف على هالهذره بس حبيت اسولف وعما جرالي .. >>براا انت وخشتكـ

:d

اعرف شباب شغالين في وكالة سيارات معروفة ...

المهم يسالفون لي انهم اذا راحوا للحوش ياخذون سيارات العملاء علشان يغسلونها بالمغسلة وهذا الكلام اول ايام التغبيرة والشمع اللي عليها قبل مايستخدمون اللزقات البيضاء علشان يستلمها العميل نظيفة

تدري يقولون السيارة ماشية 5 كيلو او 10 واذا اخذوها اشبع مطارحات على الخط والسرعة 140 او 160

وتحصل بعضها يعيش .. احسن مافي عبدالله هاشم انك تستلمها من نفس المواقف بالوكالة تحت المعرض ويجيبونها محملة << كأنك طلعت عن الموضوع :d

المهم بخصوص الزيت حسب الكتيب في برنامج الصيانة الصفحة 233 يقولك للقيادة الشاقة كل 5000 كيلو والفلتر كل 10 الآف

انا زوج عمتي ماخذ له أودي وانا كنت معاه يوم استلمها عشان اكشخ شوي :d

قالوله اذا لقيت فيها اي مشكله راجع الصيانه بعد 1500 كم واذا ماعليها شي فأول صيانه على 15 الف كيلو

ال بي ام دبليو واحد من الشباب يقولي يعرف واحد ماخذ له وحده قبل 5 سنوات او 6 ماذكر اشتراها ورجعلهم بعد مامشى عليها 3 الاف قالهم ابي اسويلها صيانه قالوله ليششششششش روووووح ولا نشوفك اول صيانه عندنا على 25 الف كيلو :eek:

هذا قبل 5 سنوات وفي ناس الى الحين يغيرون زت كل 2500 او 3 الاف ليششششششششششششش

والشركه ماغير تلهف فلوسنا كل 5 الاف زيت وفلتر مع انه الفلتر المفروض مايتغير لكن الزيت يعني ممكن مع انه بيكون جديد ماجاه شي وكل 10 الاف صيانه وتشيكات ولهف فلوس

اخوي عنده شارجر وصيانتة كل 10 الآف

ويستخدمون زيت كاسترول

استغربنا من موضوع العشرة الآف تغيير الزيت

وقالوا من 2007 ورايح تغيير الزيت كل عشرة الآف وليس 5000