ابستلم الأكورد بعد صلاة العصر انشاء الله من الوكالة واحتاج الى استشارتكم .....

ماشاء الله ..

اليوم موعدي مع الوكالة لاستلام السيارة وهي اكورد اسبيشل 2009

وحبيت استشيركم بأمر ..
اليوم اتصلوا علي الوكالة وقالو اذا تبغى نركب لك 6 خدمات من شركة اروح لهم ويركبون لي الخدمات
ما اتذكرها كلها بس الخدمة الرئيسية تركيب عازل تضليلة مع ماادري اشي عزل للسيارة من الصدا واشياء اخرى ما اتذكرها ..وراح يكون السعر 1850 ريال ..

هل العزل يعتبر مهم بالنسبة للسيار؟؟ ويستحق سعره ؟

هل سعره في السوق بفس السعر لأنه اللي فهمته منه ان هذا عرض للمشترين من الوكالة فقط !!؟؟

اشتريت السيارة لخدمة عائلتي زوجتي وابنتي ولا اريد مظهر السيارة يكون شبابي بزيادة ..واحبها تكون رسمية أكثر (صحيح ما لحقت على السيارات الرسمية بس هذا قدرتي)

وعليكم السلام

يا هلا وغلا فيك

ومبروووك السياره والله ويعطيك خيرها ويكفيك شرها

وبالنسبه للحماية ع الوجهيه لها فايده كثيره اولها تحميلك الواجهه الاماميه من الغبار ومن تقشر البويه

وحماية الصدا تحميلك اسفل السياره من الصدا من بخار الماء الناتج عن الحراره ويفكك من مشاكل كثيره

والتظليله هذي عازل للحراره بس اطلبها منهم تكون تظليله عائلية وهم بيعرون كيف درجه التغميق تكون

وان شاء الله اكون افتك وماراح يقصروا باقي الشباب

سي يووووووووو :cool:

الف الف مبروووووووووووووووك

الف الف مبروك
اذا انت في مدينه جوها حاار اكيد العازل مهم

بالفترة الحالية الأجواء باردة

أرى ان تنتظر إلى ان ينتهي فصل الشتاء

لكن إذا تريد بعض الخصوصية ضلل ! .. ^-^

الف الف مبروك
الله يعطيك خيرها ويكفيك شرها

صحيح ان الجو شتاء ..

لاكن الشمس قوية .. :d الشمس ماتعرف شتاء لو صيف ...

السلام عليكم .

يا هلا فيك اخويْ ..

في البداية نحب نبارك لك انضمامك ضمن عائلة هوندا ،

وعسى الله يبارك لك في السيارة ويعطيك من خيرها ويكفيك من شرها ..

بالنسبة للي ذكرته لك الوكالة من ناحية العازل الحراريْ ..

اذا كان بيعطونك عازل حراري + فلم شفاف لحماية مقدمة السيارة ... ألخ بـ 1850 فسعرهم منااااااسب جداً ..

مع أني أشوف أفضل عازل حراري في كوولْ ،،

دام معك عائلتِك فأفضّل انك ما تتعبّث بالسيارة كثير ، أهم ما عليكْ بعض الحماية ... ألخ

أمور الاكسسورات تناسب أكثر شيء فئة الشباب .. :rolleyes:

مبروووووك و ماشاء الله
> الله يديك من خيرها ويكفيك شرها <

الف الف مبروووك
الله يطعمك من خيرها ويكفيك شرها
انا اشوف سعرهم مناسب اهم شي حماية مقدمة السياره

اولا الف مبروووووك ع السيارة
يعطيك خيرها ويكفيك شرها
ثانيا عليك باول شئ والاهم عازل الارضية من الاوساخ والطينة
وحماية الارضية من اى شئ لكى تدووم معاك

اولا الف مبروووووك ع السيارة
يعطيك خيرها ويكفيك شرها
ثانيا عليك باول شئ والاهم ضع نايلون على الارضية
لكى تدووم معاك

ماشاء الله
الله يعطيك خيرها ويكفيك شرها
بالنسبه للعرض حلو :cool:,,,وخصوصا بالبرد لان في فصل الصيف الشركات يقومون برفع الاسعار نظرا لشدة الحر ..
يعني ركبه الحين لك وللزمن ..

زي ما أفادوك الاخوان
ركبه وتوكل على الله
ومبروكـ السياره
يعطيك خيرها ويكفيك شرها

الله يعطيك العافيهـ,,
ألف ألف مليون مبروك السيارهـ ... وألف مليون مبروك انضمامك لمحبي هوندا,,,
وبإذن الله ماتضيع عندنا شي ... وتلاقي جميع استفساراتك موجودهـ عندنا.
أما من ناحية السيارهـ حط لها عازل حراري ألحين ... لأن بالصيف بيغلى سعرهـ شوي ... ويمكن يجيك ذاك الوقت ماتكون فاظي..
ومن ناحية الاكسسوارات ... أحسن لك .. أنا من قبل ما أتزوج ما حطيت بسياراتي ولا شي اللهم زينون واطي وشعار الأهلي ورى خخخخخ <<<<<< يدقق بزيادهـ
والحمدلله بعد ما تزوجت ماصار شي في السيارهـ ولا عدلت فيها شي...
تقبل مروري,,,

الف مبروك السيارة
الله يعطيك خيرها ويكفيك شرها
نصايح الشباب كلهم ميه ميه :cool:
وانا اشوف ان الأكورد حلاوتها تكون شد بلد
لأنها ما شاء الله رسمية بدون اضافات
ماعدا بعض اللمسات البسيطة مثل /
الحماية من الداخل والخارج وتضليله تكون خفيفة جدا
وبما ان موترك سبشل اذا حاب تضيف له كشافات وبس
والف مبروك مرة ثانية .