غسلت سيارتي وخربت المساعدات هههههه((قصه محزنه))
السلام عليكم ورحمة الله وبركاته
كيفكم ,,
بعلمكم اليوم سالفتي المأساويه
ياناس انا مدري وش قصتي مع المساعدات ..؟
المهم
من كم يوم اسمع صوت اذا مسكت بريك خفيف يعني على ال20 وصوت طق طق طق طق:d
المهم مع مرور الايام:cool:
زاد الصوت
وصار يون براسي ليل ونهار وسببلي ازمه نفسيه
لدرجة اني امس كنت نايم وحلمت اني اسوق السياره وجا هالصوت ناشب حتى بالحلم
المهم اليوم قررت اروح اشوف وش قصته
هنا يبدأ الفلم الدرامي الي صار معي اليوم
رحت لورشه (بنشر) علشان اسوي تيوب لس للكفر
قلت له بروح شوي وبرجع قال وش عندك قلتله بسوي البريك قال وشو بريك !!
قلت ايه ليه قال فيه واحد مضبوط هنا بالزاويه رح له
قلت اوكي وادق سلف واروح له
المهم وصلت له وسمعته الصوت قال هذا الصوت من البيرنق
وقال انا مابي اخسرك روح للمغسله الفلانيه سو غسيل بستم وتزييت الي تحت السياره واذا راح الصوت خلاص ماله داعي اتعبك معي قلت اوكي
وصلت عندهم وفيه شايب سعودي هو الي يدير المغسله
سويت غسيل بستم ويوم شغلتها ومشيت
وانواع النفط الاسود الي نزل من تحت السياره ,,
يوم خلصت ومشيت
مستانس راح الصووت المزعج:d
ولكن
مشيت والسياره تناقز مناقز اليم ذكرتني بايام التطييح
شلوون رجعت للمغسله غسلولي الي تحت السياره بماء علشان يوخرون الزيت (يمكن من الزيت)
المهم ماراح المناقز واروح للورشه ويوم فحصها
وهنا سمعت الخبر المفجع ,,
قالي اربع مساعدات خربانه ..!!!
شلووون
التفسير المنطقي
يوم رفع السياره علشان يغسلها بستم يقول اليمني يمكن المساعد تمدد ونسم الهوااء وصار المساعد يحتوي زيت بس مافي هوااء
علشان كذا يطلع مناقز
الغريب اني اذا اكلت مطب ولا صعده اسمع صوت كن قاعدة المساعد مهب ثابته ,,
والشيئ الي مضايقني اكثر ان الصوت الي بالبريك رجع
طق طق طق طق طق طق :d
والله محتآآر ومدري وش الحل
فيه احد قد صارله مثل هالموقف
تتوقعون وش الي خرب المساعد التزييت ولا رفع السياره ؟؟
صراحه المساعدات سببتلي ازمه نفسيه :(
وتتوقعون من المسؤول ,,
المغسله ولا الحظ الردي ,,
والحمدلله على كل حال كله قضاء وقدر ,,
,,
مع العلم اني قبل لا ادخلها المغسه كانت عال العال ومافيها الا العافيه ,,
,,
