عرض للطباعة
السلام عليكم ورحمه الله وبركاته
كيف الحال شباب
الموضوع اللى ابستفسر عنه اليوم
عن زيت القير
انا معي هوندا 2008
رحت اغير الزيت وشاف زيت القير وقال لي غيره لانه ما شي عليه كثير ويقول لي ان الزيت القير الهوندا 2008 وطالع يتغير كل عشره الاف بالكثير
وانا اللي اعرفه ان السياره تغير زيت القير اذا مشت 40000 الف الى 60000 الف كيلو
_____________________________
اللى ابغى اعرفه كم غير الزيت القير عليه كم يكون ما شي
_______________
الله لا يهينكم واسفيت على الاطاله
الموديل السابق كان يتغير ., كل 40 الف .,
والموديل الجديد كل 60 الف .,
بس في بعض الاعضاء قالوا ., لا تستنون الى 60 الف ., غيروه قبل .,
انا اقول غير الزيت كل 3 الاف ازين للقير :d<<دعابه دعابه
يا رجال اللي بالمحطات يفتي لك عشان كل يوم تسنتر عنده
انا جيته اساله عن زيت المكينه كويس ولا اغيره << طبعا وقتها توي مغير الزيت قبل اسبوع ما مشى 1000 ك
قالي يا عمنااااا الزيت محروووق :d
قلت له هذا زيت ماقناتك يمشيك 20 الف كيلو وانا ما مشيت عليه الان الا 1000 كيلو بس حبيت اعرف امانتك عشان اغير عندك ولا لا << طبعا وجه العامل :( واستحى مني واعتذر
المهم الزبده كل 40 الف للموديلات السابقه
الموديلات الجديده 2008 وطالع كل 60 الف << يعني افضل من اول
الاحظ العماله اليمينه تمادوا اليومين هذياقتباس:
القير الهوندا 2008 وطالع يتغير كل عشره الاف بالكثير
زين ماقالك مع زيت المكينه مره وحده ..!!
زيت القير غيره كل 40 الف بـ زيت هوندا الاصلي ..تلقاه في الوكاله
وبالتوفيق ..
زيت القير الاكورد من 2008 ونت طالع اول مره تغيره بـــ60 الف كيلو وبعدها يتغير كل 40 الف كيلو هذا كلام الوكاله هم قالولي كذا
اقتباس:
المشاركة الأصلية كتبت بواسطة ابوعليان
وهذا هو الكلام الصحيح للموديلات من 2004 الى 2010 لان الزيت مايتحمل اكثر من 40 الف وموديل السيارة مايفرق
اول مرة اذا السيارة جديدة وعدادها صفر تمشي 60 الف وتبدل الزيت وبعدها كل 40 الف ولا تمشي عليه أكثر :)
انا عن نفسي اغيره كل 20 الف كيلو ,,
ومو ناقصين مشاكل القير حق الهوندا ,,
بس نصيحه مهمه للغايه ,,
لاتغير الا زيت هوندا الاصلي فقط ,,
انتبه تغير من الزيوت حق الـ اي سي ديلكو وماني عارف ايش ,,
ترى القير حساس ومايتفاهم :d
ويفضل تغيره في الوكاله او عند محلات مشهوره مثل قلف اكسبريس ,,