سيارتي جديدة وفيها مشكلة... أرجو المساعدة !!!!!

السلام عليكم
في البداية احب ان اعبر عن سعادتي بالإنظمام لهذا المنتدي الرائع وأتمنى من الله العلي القدير بأن يكون إختياري
لأمتلاك سيارة من شركة هوندا إختيارا ً صحيحا ً...

أما بالنسبة لمشكلتي
اشتريت أكورد 2009 فل أوبشن (جلد) قبل اسبوعين
وما أدري أي نوع بنزين أستخدم فلما سألت بعض الأخوان أعطوني عنوان هذا المنتدي ولقيت
أنه أغلب النصايح كانت لبنزين 95 (( وماني متأكد ))
ولما أستمريت لمدة 16 يوم تقريبا لقيت أصوات طقطقة في المكينة وأنا ماشي وما أدري هو من البنزين ولا لأ وهذا الصوت هو نفسة في سيارتي القديمة
نوع (نيسان مكسيما) واللي عجزت تماما ً عن معرفة سببة لدرجة أني غيرت بواجي وفلاتر ونظفت بخاخات
والمصيبة إني تفاجأت بنفس الصوت ولكن بدرجة خفيفة في سيارتي الجديدة ( الأكورد ) اللي على الزيرو والله لها 16 يوم بس وكل خوفي انه يزيد مع الوقت

أرجوكم أفيدووووووووني
لأني عجزت تماما
ً:(:(:(

اذا 16 يوم بسيطة روح على صيانة 1000 وكلمهم عنها او اذا فات عليك الصيانة ودها صيانة ال 5000 او العشرة الاف وقول لهم عن الشي هذا

ياحبيبي
هذا صوت عادي جدا لان الزيوت توها تدخل بالماكينة والمساعدات والكراسي
وذا مجرب عندي

أتوقع الصوت عادي ولا تهتم يا غالي لأنك اذا ركزت على هالموضوع بتوسوس ..
ربي يعطيك خير السيارة ويكفيك شرها ..

ربي يعطيك خيرها ويكفيك شرها
ومثل ماقالوا الأخوان انتظر لين صيانة الـ 1000 وقل لهم عنها

ياخوك ان شاء الله مافيها شي وبس ودها الصيان واشرحلهم وان شاء الله بسيطة

على البركة ... الله يعطيك خيرها ويكفيك شرها ... كل واحد يسمع أصوات في سيارته إذا كان توه مطلعها من الوكالة :) ... بس إن شاءالله مافيها إلا كل خير وأهم شي لا (((توسوس)))

اخوي
الاصوات الطقطقة هذي عبارة عن التمدد الناتج عن الحرارة واالتي تؤثر على الحديد على مبدء نيوتن الفيزيائي واللي يقول (( التنكة تتمدد بالحرارة و تنكمش بالبرودة )) هههههههههههه
لا تشيل هم ..

يا حبيبي لا تشيل هم عادي السيارة جديدة وخلها تتعود شوي
وكانك شاك اذا رحت لصيانة 1000 كلم خلهم يشيكون على الموتر ويركبون معك

اما البنزين فالوكالة تنصحك ب91
و95 ناس يستخدمونه ولا صار لمواترهم شي

اخووي انتظم لمت كم تعبية بانزيم على محطة الدريس
وشووف بيروح الصوت ولا لا
اذا رح اعرف انه من المحطه الي تعبي منها
انا موتري له 3 اساابيع
من استلمته على حول حولته 95
ومنتظم على محطة الدريس
الحمد لله ما شفت اي مشااكل


والله يعطيك خير موترك ويكفيك شره

ما أتوقع أن يكون فيه ضرر

و لكن على ما يقولون أنه صوت عادي

مشكووووووووووووووور

;)

اولآ الف مبروك السيارة الله يعطيك خيرها ويكفيك شرها
انا مثلك لي اسبوع من استلمت سيارتي 2009 واذا تعديت الميه وانا ماشي اسمع صوت بس ماادري هو من الكفرات وطول فترة التخزين ولا شيء ثاني والله يستر

اهم شي ابتعد عن الوسواس وإن شاء الله ما في إلا الخير

وبالنسبة اتصلت على الوكالة من قبل ونصحوني ببنزين 91 الاخضر

ولم قرأت الكتيب وجدت بأنه ينصح بـ 91 وما فوق

تحية لك

ما أدري عن الاخوان

بس أنا ماسمعت عن سيارة جديدة فيها صوت في المكينه أنا سيارتي مثلك 2009 v6 وما طلع عندي أي صوت غريب ما عدى صوت الشنطة + أصوات في الباب الخلفي وتصلح

يمكن إكون صوت عادي مثل صوت الانجكترات