اقتباس:
المشاركة الأصلية كتبت بواسطة قلبووو
المصيبة يا جماعة
اولاً: عندي اكورد 2007 بكتني وربي بكتني
عندي صوت في الهوبات وعندي صوت في الكفرات وعندي حرارة من جهة البريك والـ سي دي لا وبعد صوت من الجهة الخلفية عند المطبات.
أولا ماذكرت ياخوي ماهي مصيبه مثل ماكتبت ,, ولو أنك تتعب نفسك شوي وتسوي بحث كان لقيت 1000 موضوع نفس موضوعك ,,
أولا الهوبات ,, قطعه استهلاكيه ضروري تنخرط مره أو مرتين أو ثلاث خلال عمرها الافتراضي ,, لكن مشكلتها في الأكورد انها تسخن بسرعه ثم تبدأ حاجتها في الخرط أو التغيير بعد 30000 كم أو 40000 كم أو أنت وحظك .. وللمعلوميه .. سيارتي 2005 ماغيرت هوباتها الا مره وحده فقط ,, فالمشكله تعتمد على نمط سواقتك للسياره ..
ثانيا .. الكفرات علتها عله ومشكلتها مشكله لأن الميشلان بصفه عامه مزعج وقاسي فأنت تحمل هالصوت الى أن تشوف ان الكفر أعطاك عمره ثم غيره بنوع ثاني أهدى وأحلى ’’
ثالثا ... حرارة السيدي والهوب طبيعيه ,, وفيزيائيا معروف ان الحركه تولد حراره ,, والسيدي والهوب تتحرك .. لكن عمرك مسكت الجلنط ولقيته حار ؟ :rolleyes:
رابعا .. الصوت من الجهة الخلفيه ما أقدر أفيدك فيه لأن الإحتمالات كثيره فأنت حاول تركب ورى وتخلي غيرك يسوق سيارتك وتحاول تحدد مكان الصوت عشان تقدر تحل المشكله ’’
