عرض للطباعة
السلام عليكم ورحمه الله وبركاته
انا عضو جديد وحبيت استفد منكم ومن خبراتكم
انا شفت موضوع بالمنتدى يقولوا التانكي فل يمشي 650 كيلو :confused:
قلت خل اجرب وعبيت السياره فل بـ 40 ريال بنزين 95
نوع السياره اكورد موديل 2002 اربعه سلندر
داخل المدينه مشت بالعافيه 300 كيلو :(
ابعرف بس هل هذا ممشى طبيعي او فيه مشكله بالسياره ؟؟
واتمنى احد يفيدني وش اغير عشان الصرفيه تصير طبيعيه وتمشيني اكثر
وشكرا لكم
لا يمشي اكثر بس انت متى عبت التانكي لان ترى فيه فرق اذا جيت تعبيه بالصباح الباكر او تعبيه على وقت الظهر وحاجة ثانية فيه شباب ماياخذ معاهم حتى 150كيلو بس حقين قومات بالخط وهذا بعد يقلل الكمية هذا الي اقدر افيدك فيه :o
داخل المدينه راح يخلص عليك بسرعه بسبب التبديلات لكن لو مسافر مثلاً راح يطول.
اقتباس:
المشاركة الأصلية كتبت بواسطة W1W2W300
عبيته بالليل ياخوي وترى لاني راعي مقاومات ولاشي
سواقتي راكده ولاادبل حتى مرا المفروض ماتكون الصرفيه كذا
يعطيك العافيه على الافاده :cool:
اقتباس:
المشاركة الأصلية كتبت بواسطة متكرود
بس شفت مواضيع تقول داخل المدينه من 600-650 كيلو :confused:
انا سيارتي البنزين وصل النص وكملت 170 كيلو
والنص الثاني طبقت على 300 كيلو بس :mad:
ابعرف هل فيه مشكله او هل في اشياء تحتاج تغيير ؟
شكرا على افادتك اخوي
صفاية بنزين ..وفلتر هوا ...وبواجي
شوف وش الي مشيت عليه فتره طويله وغيره وتتحسن الصرفيه ان شاء الله
^^
لاتنسى بعد الكفرات لها دور :d
اذا كانت مو مقاس واحد :d < اقصد االهواء
تآثر على الصرفيه :mad:
اقتباس:
المشاركة الأصلية كتبت بواسطة متصفح
صفايه البنزين والبواجي غيرتهم في عيد الفطر الماضي
ومن ذاك الوقت للحين تقريبا مشت السياره 15 الف بس واللي اعرفه انه يمشي 80 الف :confused:
بس بغير طرمبه البنزين والبواجي وكله وان شاء الله تضبط
يعطيك العافيه على الافاده :cool:
اقتباس:
المشاركة الأصلية كتبت بواسطة accord7
الكفرات توي مغيرها جديده وكلها 32
مافيها اي مشكله
يعطيك الف عافيه على الافاده :cool:
انا اللي اعرفه اعبي سيارتي فل من الشرقيه واروح الرياض وفيها تحت النص بشرطه بنزين,,
اكورد 2007 ,, اكيد سيارتك فيها شي
طرمبة البنزين مالها علاقه بصرفية البنزين
حسب موقع Fuel Economy (مع التحويل) صرفية الأكوردات 4 سلندر كما يلي:
أكورد 2002
المدينة: 9.35 كلم/لتر - 10.69 لتر/100 كلم
الخط: 12.33 كلم/لتر - 8.11 لتر/100 كلم
المعدل: 10.2 كلم/لتر - 9.8 لتر/100 كلم
أكورد 2007
المدينة: 8.93 كلم/لتر - 11.2 لتر/100 كلم
الخط: 13.18 كلم/لتر - 7.59 لتر/100 كلم
المعدل: 10.63 كلم/لتر - 9.41 لتر/100 كلم
أكورد 2008
المدينة: 9.35 كلم/لتر - 10.69 لتر/100 كلم
الخط: 13.18 كلم/لتر - 7.59 لتر/100 كلم
المعدل: 10.63 كلم/لتر - 9.41 لتر/100 كلم
أكورد 2011
المدينة: 9.78 كلم/لتر - 10.23 لتر/100 كلم
الخط: 14.45 كلم/لتر - 6.92 لتر/100 كلم
المعدل: 11.48 كلم/لتر - 8.71 لتر/100 كلم
هذه الأرقام مقاسة باستخدام معيار الوقود القياسي في أمريكا AKI 85 والذي يماثل RON 90 (البنزين العادي المستخدم في البحرين) ومقارب لبنزين 91 المستخدم لدينا.
حجم خزان الوقود في أكورد 2002 هو 64.73 لتر، يعني المفروض يمشيك 600 كلم في المدينة، 798 لتر على الخط و660 لتر كمعدل بين الاثنين.
يعني حتى لو قلنا أن النسب تتفاوت في الواقع عنها في الورق (حسب أسلوب القيادة والبيئة) وبأن السيارة تقادمت، ليس بالمعقول أن يعطيك اقتصاد استهلاك يساوي نصف الاستهلاك المدرج.
اخوي صاحب السيارة اوزن الديلكو وتضبط معك
للمعلومية لازم وزن بلوف اذا فيه صوت
نظف الثروتل بدي ويرجع التورك عالي مرة ثانية بالتالي نقلات غيار اقل في الزمن وتوفير وقود
اقتباس:
المشاركة الأصلية كتبت بواسطة MA6ANSH
انا في الخط خارج المدينه ممكن تمشيني 380 كيلو
بس داخل المدينه كملت 300 بالضبط وانتهى البنزين خلاص
مشكور على الافاده :cool:
اقتباس:
المشاركة الأصلية كتبت بواسطة ابوعليان
مشكور اخوي على ردك
اقتباس:
المشاركة الأصلية كتبت بواسطة Musouka
ياشيخ الله يستر عليك رد كافي ووافي
والارقام جدا معقوله بس سيارتي ماادري وش تبي 300 كيلو :confused:
وفعلا انا اعبي فل تقريبا 59 لتر بالضبط ويكون فيها شوي
الدعسه ممتازه ولايوجد اي تهريب بنزين وطرمبه البنزين غيرتها في العيد يعني تقريبا 10 شهور
وين المشكله في الصرفيه الزائده بس
ويعطيك الف عافيه على ردك وتوضيحك :cool:
اقتباس:
المشاركة الأصلية كتبت بواسطة بلال العلمي
لايوجد صوت للبلوف اخوي بلال
وزن الديلكو ان شاء الله بسويه بس وش اضراره ؟ يعني اذا مو موزون وش يصير بالسياره عشان اعرف
الثروتل بدي مغيره قبل فتره ونظفت كل شي
وان شاء الله بغير الطرمبه حق البنزين وبواجي وفلتر هوا
ويعطيك الف عافيه على الافاده :cool:
اقتباس:
المشاركة الأصلية كتبت بواسطة exi-2002
اذا ما وزنت الديلكو كيف بتحصل على شرارة الاحتراق في الوقت المناسب؟؟؟؟
اذا ان الثروتل بدي نظيف فمشكلتك فقط اعادة وزن للديلكو وترتفع المسافة المقطوعة للتانكي
واذا ما وزنته تصرف السيارة بنزين ويطلع بنزين مهدور غير محترق عندك
مكينتك فيها ديلكو بوزن يدوي مو مثل الجيل الجديد من 2003 الديلكو غير موجودة انما كويلات تعطي الشرارة وتوزن اوتوماتيكيا
انا كلام نفس كلام اخوي بلال العلمي سوي مثل ماقال اخوي بلال اهم توزن
الديلكو وان شاء تزبط معاك بالتوفيق اخوي
بالنسبة لي معاي أكورد 2002 ونفس حالتك..
حتى قدر الله وانعدم الجير وغيرته بواحد مستعمل
لاحظت أن الممشي تحسن، كانت تمشي من 300 إلى 400 تقريبا داخل المدينة.
وهذا شيء منطقي فالجير القديم لم يكن يعمل بكفاءة مما يؤدي للهدر في الطاقة.
انا سيارتي 2004 اعبيها فل اخضر ب 27 ريال وهو فاضي
تمشيني 700 كيلوووو بالراحه . :d
انا حجم المكينة 2.4 و600 كيلوو بالراحة ؟؟
اكيد موطبيعيه سيارتك يمكن بداية صرفية
أخوي أتا عندي أكورد 98
نص التانكي يمشيني بالمكيف 170
وبدون المكيف 250 تقريبا يعني سيارتك ما فيها شي
وبالنسبه الي يقولك تمشي 650 هذا للأكورد 2006
وسلامتكم
بحسب معلوماتي أن محرك سيارتك يختلف عن محرك ال2002 فقد قامت هوندا باضافة ميزة الvvtec الأمر الذي يؤدي لخفض استهلاك الوقود في الأكورد الحديثة.اقتباس:
المشاركة الأصلية كتبت بواسطة بقايا حب