عرض للطباعة
عندي اكورد 2009 مامشت اكثر من 7000 كيلو لحد الان
المشكله ومافيها اني لما امشي اسمع احيانا اصوات غريبه داخل عندي .. يعني مثلا صوت كأنه طقطقه عند الجوانب
ويروح بسرعه .. واحيانا صوت ثاني يجي ويروح .. بصراحه على كثر ماامتلكت سيارات جديده ماعمري عانيت من الاصوات مثل ماعانيت الان .. رغم اني احس انها شي بسيط .. لكن ياجماعه شيء يحير ..
الشي الثاني عندي حذفيه لليسار وش رايكم اوديها للوكاله والا اوزنها برا افضل ؟
في ناس يقولون لارحت للوكاله يخربون لك اشياء ثانيه ..
ارجوكم افيدوني
متى تودي السيارة للوكالة إذا كان عندك مشكلة بالسيارة ( اصوات قطع وغيرها )
الصيانات المهمه للسيارة 40,000 ألف - 80,000 ألف ,,, وهكذا
لأن كل القطع الإستهلاكية تتغير في هذه الصيانات في حال انك دخلتها الوكالة على اي صيانة
أذكر للمهندس المشاكل إلي صارت لك من اصوات وحاجات آخرى , أشترط عليه انك ماتستلمها إلا وكل شيء تمام , الله يوفقك :)
صباح الخير اخوي خفجاوي بالنسبة لاصوات الى عندك تروح وتجي انا مثلك مرت علي انا موتري الفين وثمانية بس نصيحة طنشها وتروح بالنسبة للحذفة الى عندك مامرت على بس ودة الوكالة وبيصلحونها لك ولا تصدقك الى يقولك يخربون اشياء ثانية تعاملهم ممتاز ومشكور
حتى انا اقول نفس ما قال الي فوقي :rolleyes:
حتى انا عندي ه الاصوات لكن مسويها طااااااف
وموديل سيارتي 2009 ;)
طنش تعش تنتعش :d
هههههههه اخوي تعيش وبتسمع اكثر الله لا يقولها بس انا سيارتي 2009 ويا مكثر الاصوات تحسسك بذنب كبير انك تشتري سياره جديده ب 87 الف وتسوي هالاصوات بس خلها على ربك ووكاله ما تسمع لك ما اقول الا حسبي الله
مافكيت المسجل او ركبت شاشه
ترا الى كنت مركب شاشه او فاك مسجل توقع اي شي
مشااكل بسيطه لا تشيل هم ورح للوكاله ويضبطونها ولا تزينها برى الوكاله افضل ..عشان تكون مطممن.. وع العمووم بجلسه وحده ينهوون المشكله صدقني اعرف واحد صارت له وضبطوها ع طووول تلقى الدعوه شد مسمار ولا شي بسييط.. الله يعينك وبالتوفيق..
تقبل مروووري ..
والله العظيم ما تعتبر مشكلة ودها الوكالة وبتستوي في نفس اليوم << خليتني أتنرفز وأحلف وآنه صايم هههههه
أول ما خذيت سيارتي سمعت هالأصوات وديتها لهم في فحص الـ 1000 كيلو وصلحوها لي بنفس اليوم والحمد لله أختفت الأصوات تماماً
انا والله عندي 2009 فل وفيها طق طقه في المراتب الخلفية وماقدرت اصيدها وبروح اناشب الوكالة عليها
بالنسبة للحذفه انا عندي يسار وسيارتي مامشت 5000 فيه واحد في الوكالة بالرياض اللي بخريص اسمه لياقة الله خان هذا بتروح له وبيضبطها لك على طول حرام تروح توزن برا
على فكرة انا الحذفة مازالت موجودة لاكن انا نفسي اطول من الوكالة
هههههههههههههههههه
حياااك الله اخوي با النسبه للأصوات انا حدث بلا حرررج مع العلم انه سيارتي
امس كملة 1000 كيلو ورحت تشيك الوكالة وكلمة الي في الاستقبال مكتوب جنبه
مهندس استقبال << سألته في اصوات في السيارة قالي كيف قلت في صوت في الدركسون يجي ويروح
وفي صوت يجي من حول المكينه كنه صوت طقه قاااااالي طبيعي سياراتك اربعه سلندر << حسسني اني ماخذ ددسن
قـلة يعني عاادي قال يا رجال عاادي لا تشيل هم قلت اوكية ورحت للصيانه الي جنبه قال خذ موعد
وخذيت موعد على انه يوم الاحد ابي ادخلها الصباح
بـس يوم فكرت في الموضوع قلت ماهي مستااهله خلها على تشيك 5000 لأنه صراحه الصوت عجبني خخخخخخخخخخ
و الوعــــــــــــد عند ابو هاشم في تشيك 5000 كيلو
ولا تشيل هم وانا اخوك ولا تحس لا بذنب ولا بشي فـــــــــــــــلهـــــــــا ترا الدعـوه ما تستااهل الزعل :)
ياشباب بديت اخاف اشتري السياره واندم عليها لأني بصراحه بدفع فيها مبلغ محترم بصراحه كل الناس تشكي من اصوات وش السالفه
وش رايكم اهون ولا اشتري واتوكل على الله
^^^
الحمدلله وش جالس تخربط انت اشتر اكورد وانت مغمض
ياشباب ياحلوين الاكورد بالبدايه تطلع لكم اصوات تبي تشوفكم هل انتم تتخلون عنها بسرعه ولا لا --- روقنا :d
شوفوني انا ماتخلى عنها لو مهما يصير --- نصاب وذاك اليوم بغا يبيعها :d
لا جد عاد شوفوا الموضوع كل مافيه انك لما تشتري السياره تكون دافع مبلغ وقدره وتكون متوقع السيااره 300% بس صدقوني كلها وسوسه او لانك دافع هالمبلغ
توكلو ع الله واي شي يصير بالسياره ع طول للوكاله
حط ضغط الهواء على 28 وشوف الاصوات تروح
ترى صارت لي المشكلة
الحين اخف من أول
تحياتي ،،،