طلعت السيارة من الوكالة .. واكتشفت انها تحذف

السلام عليكم ورحمة الله وبركاته:)

الحمدلله رب العالمين

سيارتي أكورد 2012 طلعت يوم الجمعة (اذكروا الله )
بعد ما مشيت مسافة لاحظت انها تحذف يسار ..
أول شيء قلت يا ولد تراك موسوس .. خلك عنك بس
بس للاسف يوم السبت تاكدت انها تحذف:confused:
ادري بتقولون رجعها الوكالة لكن الوكالة انتهى دوامهم يوم السبت
يعني حتى لو رجعتها لهم .. بيقولون تعال استلمها بعد العيد
فـ لازم انتظر الى بعد العيد وارجع لهم .. لكن السؤال:
هل بيصلحونها ولا بيقولون ما يشمل الضمان ، سوء استخدام ، انت اكلت حفرة ... إلخ
مع العلـــــــــم .. اني لما استلمتها كانت ماشية 10 كيلو

انتظر نصايكـم وارائكم

احترامــــــي

وعليكم السلام

لا ان شاء الله مايقولون لك شيء ويمكن اذا رحت لهم يقولون لك راجعنا على صيانة الـ 1000 كيلو المجانيه

احتمال يبي لها ترصيص او في خطأ مصعني بالكفرات وجميع هالمشاكل الوكاله تتحملها

والله وش اقول لك يخوي
مرات اكوردي احس فيها حذفه قويه ومرات احس طبيعيه ما ادري كيف اقول يمكن الهواء إلي برا اقوى من امس والحين اخف

لكن هو لازم يكون فيها حذفه خفيفه لليمين ويقولون والعهده على الراوي إنها تحذف لليمين عشان تمسك الخط اليمين ولاتسرع ...

لكن انت ابدا بالبسيط شيك على هواء الكفرات خله كله زي بعض

واشياء بدائيه للحذفه ..روح بنشري خله يرفع لك السياره وشوف الكفرات يمكن واحد ممسوح ما تدري

نفس المشكلة اول ما طلعت سيارتي تحذف الى اليسار,, ضبطت الضغط على الكفرات الامامية ما نفع !

بدلت الكفرات الامامية سويت لهم سويتش يمين ويسار نفس الشي ما نفع !!

رحت الوكالة عدة مرات وكل مرة يقولون الميزان الاكلتروني خربان طبعا صار لهم اكثر من 6 شهور على هذه الحالة كل مرة يقولون قطع الغيار لسا ما وصلت شكلهم موصين الموظفين على شان يحفظون هذه التصريفة حسبي الله عليهم

ومرة جيت لهم قال لي واحد من الموظفين بدل الكفرات الخلفية بالامامية !!!

حسبي الله عليهم


واللي فوقي يقول احتمال تحتاج ترصيص كيف هذه ؟؟

اللي اعرفه الترصيص في حالة اهتزاز السيارة

اخي الفاضل
قبل كل شيئ مبارك عليك السيارة
وبالنسبة لمشكلتك....ترى هي بسيطة جدا.... بأمكانك تاخذها لأي مركز وزن اذرعة وتطلب التشييك فقط
(عادة يكون مجاني) وفي حالة وجود انحراف , تقدر توزنها عندهم أو تنتظر الوكالة الى بعد العيد

وبما ان سيارتك مثل سيارتي
لاحظت وجود صوت يطلع من العداد(.....تك....) اذا وصلت السرعة 50 كلم ويظهر نفس الصوت عند السرعة 60 كلم وبعدها يختفي
لو وقفت عند اشارة وبعدها رجعت لنفس السرعة لا يظهر الصوت

الا بعد ما اطفي السيارة واشغلها مرة اخرى , تتكرر العملية

هل لاحظ هالصوت بسيارتك؟

اقتباس:

---

المشاركة الأصلية كتبت بواسطة bnsvip

اخي الفاضل

قبل كل شيئ مبارك عليك السيارة
وبالنسبة لمشكلتك....ترى هي بسيطة جدا.... بأمكانك تاخذها لأي مركز وزن اذرعة وتطلب التشييك فقط
(عادة يكون مجاني) وفي حالة وجود انحراف , تقدر توزنها عندهم أو تنتظر الوكالة الى بعد العيد

وبما ان سيارتك مثل سيارتي
لاحظت وجود صوت يطلع من العداد(.....تك....) اذا وصلت السرعة 50 كلم ويظهر نفس الصوت عند السرعة 60 كلم وبعدها يختفي
لو وقفت عند اشارة وبعدها رجعت لنفس السرعة لا يظهر الصوت

الا بعد ما اطفي السيارة واشغلها مرة اخرى , تتكرر العملية

هل لاحظ هالصوت بسيارتك؟

---

انا بعد نفس مشكلتك ...وسجلتها بنوته عشان فحص الالف (1000) اقول لهم

بس احسها ماهي بمشكلة يمكن شي الكتروني فيها بس حق الاطمئنان اكثر لازم اقول لهم عن هالصوت :d

اما بالنسبة للحدف ..ماحسيت ان سيارتي تحدف ...

انا اقول انتظر فحص ال1000 وشوف وش يقولوا لك ...انت الحين في فترة تجربة السيارة

اي شي تشوفه مو طبيعي سجله بورقه عن لا تنسى

والله يبارك لك فيها ويعطيك خيرها ويكفيك شرها

أولا مبروك السيارة ..والله يعطيك من خيرها ويكفيك شرها ...

وثانياً ...

أنت تقول طلعتها من الوكالة وماشية 10 كيلو ؟؟؟
انت المالك الثاني ؟؟ لاني بصراحة مافهمت وش سالفة ال 10 كيلو هذه ؟؟

انا طلعت سيارتي من الوكالة قبل اسبوع وكانت ماشية بالامتار تقريبا ....

عموماً ...

اول شئ تسويه تأكد من ظغط الهواء في الكفرات ...انا جربت مقياس الهواء اللي على شكل القلم وطلع الظغط 35 وقلت ممتاز ..ولكنني لاحضت انها قوية على عيون القطط والحفريات ..ورحت للبنشر وكان ظغط الهواء 55 ... ونقصته وصارت كويسة ...

وان شاء الله سيارتك مافيها شي ..

حبيبي<<gmc_accord>> تاكد مره ثانيه....

انا معاي 2011... ((بس اليابانيه)):cool:... المووهم اني كنت كذا زيك.... في البدايه افكر انو السياره فيها رجه... وبعد محاولات وتجارب عديده اكتشفت انو سبب هالرجه من شوارعنا اللي زي العسل....:d
يعني السياره مافيها لارجه ولاشي بس اللهم من الطريق:mad:

وسالفة الحذفه الى يومك وانا موسوس وماني مصدق السياره هل هي تحذف ولا لا :eek:

حتى سالفة الحذفه اكتشفت انها تعتمد على الطريق... لازم تشوفك طريق كويس((الله يعينك تدور))..وتجرب فيه...احس سيارتي منفسه مرات تتدلع وتسويلي فيها تحذف ومرات تمشي اوكي :p....هههههههههـ

ان شاء الله اني افدتك...واعذرني على الاطاله...:d

الله يبارك فيكم ويسلمكم من كل شر
الله يحزاكم خير حمييعا .. عز الله انكم كفيتوا ووفيتوا
والله يا إخوان فعلا رجعت أوسوس مرة ثانية .. تحذف ولا لا
خليت واحد من العيال يشوفها قال تحذف من غير نقاش اصلا
وريتها واحد ثاني قال لا يا رجال عادي .. :confused: .. لكن بتأكد من ضغط الكفرات وبعدها بنتظر صيانة 1000 .. وربك يكتب اللي فيه الخير ان شاء الله

اما إني أدور شارع محترم عشان اجرب الطارة هذي كثر منها:d
يا رجــل حتى طريق الملك (جدة) مو مضبوط مرة تحذف يمين ومرة يسار !!

بالنسبة للصوت اللي يطلع على سرعة 50 مدري 60 ..بصراحة ما لاحظت شي << بدأ يشك

عموما مشكورين وما قصرتو :)

كل عام وانتو بخير جميعا
شباب


تراكم خوفتوني من جد لازم تحذف السيارة لمن اطلعها من الوكالة


سيارتي بطلعها بعد العيد بأسبوعين اخاف تحذف :confused:



الله يستر بس

السلام عليكم:
أول ماطلعت سيارتي عام 2008 كان فيها نفس المشكله وقالولي الوكاله أنه خطأ مصنعي يعني لا تشيل هم ..

كفرات فقط على العموم الميزان اللي في الوكالة رجع وشغلوه مرة ثانية يا شباب

لا توسوس تراه طبيعي اي سيارة تجي من المصنع تلقاها تروح يسار شي بسيط

لان الشوارع تكون فيها ميلان لليمن المفروض لا تسوس كل الهوندات فيها حذفه بسيطه من ظبط المصنع

اقتباس:

---

المشاركة الأصلية كتبت بواسطة أبو دودي

لا توسوس تراه طبيعي اي سيارة تجي من المصنع تلقاها تروح يسار شي بسيط

لان الشوارع تكون فيها ميلان لليمن المفروض لا تسوس كل الهوندات فيها حذفه بسيطه من ظبط المصنع

---

كلامك جميل ويريح ..

وبصرااحة انا رديت على الموضوع قبل لا اكتشف ان الحذفة موجودة عندي ايضاَ ..

وقلت يارجال يمكن اني موسوس مثل خوينا صاحب الموضوع وجربت مرة ومرتين حتى تكلم زميلي اللي معي بالسيارة وقال ليش سيارتك تحذف يسار ؟؟ ....قلت مثل واحد في منتدى الكورد يقول سيارته تحذف ويخاف انه موسوس والظاهر انا صرت مثله ...

على العموم هي حذفة بسيطة ..وعبارة عن ميلان السيارة لليسار في حالة ترك المقود ...

وان شاء الله مامنها خوف ..وراح اعرضها على الوكالة في صيانة الألف القادمة ..

اقتباس:

---

المشاركة الأصلية كتبت بواسطة عآشق الخرج

كلامك جميل ويريح ..

وبصرااحة انا رديت على الموضوع قبل لا اكتشف ان الحذفة موجودة عندي ايضاَ ..

وقلت يارجال يمكن اني موسوس مثل خوينا صاحب الموضوع وجربت مرة ومرتين حتى تكلم زميلي اللي معي بالسيارة وقال ليش سيارتك تحذف يسار ؟؟ ....قلت مثل واحد في منتدى الكورد يقول سيارته تحذف ويخاف انه موسوس والظاهر انا صرت مثله ...

على العموم هي حذفة بسيطة ..وعبارة عن ميلان السيارة لليسار في حالة ترك المقود ...

وان شاء الله مامنها خوف ..وراح اعرضها على الوكالة في صيانة الألف القادمة ..

---

راح يقولون طبيعي لاني سئلتهم و قال هي كذا من المصنع لايهمك

وأذكر سبق وزنت سياراتي سيارة اخرة في ميزان بيرجستون

وعندهم ظبط المصنع حق كل السيارات وكتشفت انه لليسار شي بسيط

ولما سئلت ليش قال الشوارع تصميمها يكون فيه انحدار طفيف لليمن دائما

اذا كانت بمواصفات صحيحه لذلك يضيفو كم درجة يسار عشان توزن ذي مع ذي

والحمدلله من سئلت الشركه وقالوا طبيعي وانا نسيت الموضوع تماما

اللــــه بجزاكـــم خيــر والله يا إنكم طمنتوني
.. عموما انا اليوم ان شاء الله رايح الوكالة صيانة ألف .. مشيت ألف في اسبوع .. وش رايكم :o .. عادي ولا لا .. ولا تنسون انه اجازة وفاضي ما عندي شي ..البيت التحلية .. التحلية طريق الملك .. طريق الملك البيت
:cool::d

وان شاء الله بعلمكم وش قالولي في الوكالة

انا كانت تحذف عندي لجهة اليسار

دخلتها الوكالة صيانة الـ 1000 صارت تحذف يمين

رجعتها لصيانة الـ 5000 و قلت لهم

و ابشركم و لله الحمد لا زالت تحذف يمين ههههههههههههههههههههههه

يعني الوكالة خرطي ما عند ام ام امهم سالفة (( الله لا يوفقهم و لا يحللهم و لا يبيحهم ))

اقتباس:

---

المشاركة الأصلية كتبت بواسطة bnsvip

اخي الفاضل

قبل كل شيئ مبارك عليك السيارة
وبالنسبة لمشكلتك....ترى هي بسيطة جدا.... بأمكانك تاخذها لأي مركز وزن اذرعة وتطلب التشييك فقط
(عادة يكون مجاني) وفي حالة وجود انحراف , تقدر توزنها عندهم أو تنتظر الوكالة الى بعد العيد

وبما ان سيارتك مثل سيارتي
لاحظت وجود صوت يطلع من العداد(.....تك....) اذا وصلت السرعة 50 كلم ويظهر نفس الصوت عند السرعة 60 كلم وبعدها يختفي
لو وقفت عند اشارة وبعدها رجعت لنفس السرعة لا يظهر الصوت

الا بعد ما اطفي السيارة واشغلها مرة اخرى , تتكرر العملية

هل لاحظ هالصوت بسيارتك؟

---

انا عندي نفس مشكلتك بس الصوت يطلع من المكينة مو من العداد وهالشي من يوم ما طلعناها من الوكالة الى الحين هالصوت موجود ويوم وديناها الصيانة ابوي قال انت توسوس ولا قلنا حق الصيانة ومعروف شفل الصيانة تفيير زيت فقط :mad:

نفس مشكلتك عندي اول ما طلعتها من الوكالة { كانت ماشيه 12 كيلو } .. والموظف يقول لي بالكثير تلقاها ماشيه كيلوين.. أستغربت ؟؟

وفيها حذفيه يسار،، مره تزيد مره تنقص،، ومره الدركسون مايل يسار ، ورجع لحس ام مخي !!

وفي مشكلة رافعه ضغطي ،، في تنسيم هواء احس اني فاتح الدريشه !!!!!!


وصوت تك تك .. في دعاسة البنزين ،، تجيني غالباً

الف مبروك ، يعطيك خيرها ويكفيك شرهــآ ..
بنسبـــه للحذفــه صــآرت معـــى ـآ الزبده في صيانه 1000 كيلــو علــــم المهنـــدس ب السالفـــه وبيفحصهــآ لـك قالي المهندس مافي مشكلة كلوهـ في السليــــم يـ : برنـــس آنمـــآ يبيلهــآ وزن وبلاش البلاش فــديت هشـــومي انا ي ناس

يارجال ولايهونون الباقين الوكاله ماعندهم ماعند جدتي انا موتري اكورد 2010
من يوم طلعتها وهي تحذف رحت لهم ولاكنهم مسوين شي
رح لميزان العضيب وافحص وجرب وعلى فكره الوكاله الى يومك مااعرفهم
فحص 1000 وقلتلهم الوداع والاكورد :cool:
وعلى فكره جتها صدمات ويبيلها لمسات خفيفه واقول الى يومك الحمد لله اني ماعرف
وكالة عبدالله هاشم والدليل ماعندهم شي رايح لهم قلت الموتر يحذف
رفعولي السياره ويتفرجون عليها هذي وكاله اجل الصراحه لاتعلييييييييييييييق ولحد يزعل مني

وكالة هاشم كلااااام فاضي اسم وكاله فقط ....

الميزان في الوكالة اشتغل له قرابة شهر الان

ياشباب طيب في تنسيم ،، في زاوية الديكور الباب السائق والمعاون ،، احس اني فاتح الدريشة ؟

تصير معكم !!

اقتباس:

---

المشاركة الأصلية كتبت بواسطة M3and .§. غـلإك

ياشباب طيب في تنسيم ،، في زاوية الديكور الباب السائق والمعاون ،، احس اني فاتح الدريشة ؟

تصير معكم !!

---

تبي الصراحه انا كنت اقول وين هالتنسيم تدري وش طلع نسيت فتحه السقف مفتووحه
لفوق:d:d

الوحيد اللي ضبط لي وزنية الموتر هو فلبيني في فرع بريجستون الدمام والقهر مادري وينه سافر ولا وين راح ولا ودوه فرع ثاني ماني عارف ودي اوزن الموتر بعد ماركب تواير قريب ومابي غير هالفلبيني انا اشهد اترك الدركسون ومافيها أي حذفه لايمين ولا يسار لكن الحين فيها بعد ماكلت 20 حفرة و 50 مطبه 939 حفرة ثانية و مليون عين القطو في راس تنورة اللي حاطينها في كل شارع حتى قدموا خطاب يبون يركبونها في سطح البيت عندنا :mad: