هـــام جداً كيف تعتني بطلاء سيارتك
اعزائي واخواني في نادي هوندا العزيز
السلام عليكم ورحمة الله وبركاته
هناك الكثير من الاشياء التي نجهلها في مجال السيارات سواء عناية او صيانه او استخدام
الواحد فينا اول ما يطلع السيارة من الوكالة او اول ما يطلعها من محل التلميع يشوف سيارته منظرها روعه وكانها مرايه ولكن للاسف لا يدوم طويلا هذا المنظر فيه احد فيكم يعرف السبب؟؟ طبعا في الغالب لا
السبب هو الصابون او سائل الغسيل المستخدم!! تقولون شلون؟؟ انا اقول لكم شلون
حبايبي الماده اللامعه على سطح الطلاء تعتبر ماده دهنيه واذا غسلناها بالفيري او اللوكس او الصابون اللي يستخدمونه المغاسل وش يسوووووووووي؟؟ الكل منا يشوف دعاية الفيري وغيره من صوابين الصحون دائماً نشوف دعايتهم فيها تحدي للدهون وانه مزيل للدهون، ونفس الشي ينطبق على الصابون المسحوق مثل التايد والايريال دائما دعاياتهم في تحدي لبقع الدهون على الملابس.
طولت عليكم كلكم تقولون وش نسوي اجل وش نغسلها فيه، فيه شمبوهات خاص للسيارات ومليان السوق منها وانواع جوده عاليه مثل تورتل واكس ومقوايرز وغيرها كلها امريكيه، تلقونها متوفره في محلات الوهيبي (ش/ العروبه) هذولا مهتمين بالشغلات هذي بزياده انا دايما امرهم وكل مره اتفاجأ بتنوع الاصناف عندهم.
اما ان الواحد يخلي جالون الشامبو معاه في الشنطه وكل ما راح للمغسله يقول له يستخدم الشامبو ولا تنسون الاسفنجه الخاصه لان اسفنجة الغسال تصير مليانه من صابون الصحون، او انه يخلي العامل اللي عند البيت او السواق يغسلها بالشامبو الخاص. الامريكان والغرب ما يغسلون سياراتهم الا بالشامبو الخاص وهذي طريقه انا جربتها ومحلات التلميع توصي فيها.
وهذي صور لعض العينات
[IMG]http://www5.0zz0.com/2010/12/02/00/597164271.jpg[/IMG]
[IMG]http://www5.0zz0.com/2010/12/02/01/674248958.jpg[/IMG]
عسى ربي يعطيكم من خير سياراتكم ويكفيكم شرها واعذروني على الإطالة
كل الود وصادق الدعوات
