كرايسلر vs أكــورد

السلام عليكم ورحمة الله وبركاته

والله اني ضايع يوم كان المنتدى مقفل ودورت منتديات سيارات كثير بس ما لقيت مثل منتدانا الجميل واعضائه الأجمل كلمة حق لازم تنقال انتوا صرتوا جزء من حياتي واتمنى على طول تدوم هالمحبه بينا رغم اني هالفتره اشوف المنتدى نايم بعض الشيئ لاكن ان شاء الله يرجع زي اول واحسن

موضوعي اليوم انا صرت في حيره كبييييره ما يعلمها الا الله انا اخوي عنده كرايسلر 300c وكان مسافر لمدة اربع سنوات وتوه رجع ورجع سيارته معاه وانا صراحه يوم قمت ادقق فيها واسوقها والله ياهي سياره تجنن بمعنى الكلمه من مواصفات ومكينة الهيمي 8 سلندر 5.7 لتر والله ياهو صوت المكينه طررب وخصوصا اول ما تشغلها انا للأسف كنت من محبي الأكورد لاكن الأن ابدا ابدا ما ارضى ببديل عن الكرايسلر سواء من شكل او وقفه وهيبه ورزه وخصوصا اذا كانت اسود وجنوط 19 <<<هذا الي بشتريها
المهم وبعد هالمقدمه الطويله قررت اني اخذ كرايسلر وكل الي حولي مو مأيديني على الي بسويه لاكن داخله مزاجي مررره انا لقيت وحده في معرض يجيب وارد امريكا يعني مستخدمه في امريكا وموديل 2006 ماشي 52 ميل ونضييييفه مره وللعلم انا اول مره بحياتي بجرب اشتري مستمعل والله يا شباب من شدة نظافتها انضف من سيارتي الي موديل 2008 ياهي هيييبه ورزه والله والله ان عندي احلى من البانورما والمرسيدس كله والناس كلها تقولي حرام عليك سيارتك انت مطلعها من الوكاله وعلى يدك وتروح تغامر تاخذ مستعمل بس انا ما اسميها مستعمل ها قول لي ايش رايكم والي ناسي شكلها يروح قوقل ويكتب كرايسلر 300C ويشوف ويتأمل بهالتحفه الفنيه وللعلم انا من الناس الي احب السياره الرزه والسودا يعني مو حق مقاومات وانا راعي خطوط فا الي عنده خلفيه عن الموضوع يخبرنا وياليت من اهل الخبره يعطوني كم تجيب لي سيارتي تكفون ابي سومة السوق الي شاف بعينه سيارات هوندا تنباع

سيارتي :هوندا اكورد 2008
الممشى :46.000 كيلو
الصيانه:جميعها بالوكاله والدفتر يثبت ذلك
اللون:اسود
الفئه:فل كامل جلد
الأضافات: اسطبات خلفيه شرائح+زنون 4300 ياباني+تظليل 01 من توب شايلد بضمان
فقط
الصدمات: رش الصدامات الأمامي والخلفيه بسبب الطرق علما بأن الوجهيه محميه بفلم شفاف
تغيير باب خلفي ايمن فقط

اتمنى تعطوني رايكم بالتغيير وسعر السياره

ولكم جزيل الشكر
:):)

شف اخوووي

انا معكـ ان الكرايسلر

رزه وفخامه


بس شوووف اول القطع الغيار والقطع الاستهلاكية

لا نااااااس كثيرة تشتكي

انا كنت ناااوي اخذ تشارجر

بس فكرت فيها

اخذ اكورد 6v >> حتى لو موديله 2004

ولا اخذ تشارجر >> 2006

واذا صاااار للموتر شي اقعد اصيح >> اتكلم عن نفسي

وليه كل الي ماخذين الاكورد ماخذينها عشانها احلى سياره !! ولاافخم سياره !!

الـ c300 والتشارجر و الكابريس و الكاديلك كلها سيارات شكلها وفخامتها احلى بكثييييييير من شي اسمه اكورد ولو ان بعضها بقيمة الاكورد ,,

لكن ثق تماما الي مااخذ الاكورد عشانها عاجبته اخذها عشانها سياره اعتماديه وقطعها مقبوله وصيانتها سهله ,,

والي ماخلا كثييييير ياخذوا الـ C300 هو صيانتها وقطع غيارها المرتفعه ووكيلها السيئ السمعه ,,

اذا انت قد البنزين حق الـ 8 سلندر وقد قطعها الاستهلاكيه وصيانتها المكلفه خذها ولا تشاور ,,

شوف أخوي انا أعلمك من حكم تجربة .. في الدوج ,, والجيب .. والكرآيسلير ترآ اختهم ..


هذولآ الشركآت الثلآث قطعهم انتآج شركة وآحد .. انا بأتكلم لك عن القديم اللي استعملنآهآ والله انهآ موآتر طررررررب ,, وعزم ,, وفزه وكل شي تقدر تقوله ,, يوم تركب في السيآرة وتسوقهآ تحسهآ غييير عن كل السيآرآت حتى صووت المكينة بس في الاخير عمي اخذ الجييب مننآ ومعروف كثر مشآكله ,, والدوج بقى معنآ .. لكن قبل سنتين احترق الدوج حقنآ الظهر ,, والله اني وقفت في السوق ,, والحرآرة لآ هي مرتفعه ولآ شي ,, يعني بالمختصر انا كنت مآشي ووقفت قدآم مطعم انآدي وآحد ,, الآ وآحد يصرخ من ورآ واشوف دخآن يطلع من تحت .. المشكلة اهلي كآنوآ معي السيآرة فل .. انزل الآ اشوف زي الخرطوش يحترق ويطيح واشوف زيت ينزل على الشآرع مولع .. انزل اصرخ على اهلي انزلوآ نزلوآ وفيه وآحد مآ قصر دخلهم عن اهله جينآ نحآول نطفي السيآرة ,, طفآيآت الحريق اللي في المحلآت مآ سوت لنآ شي ,, خذنآ اربع او خمس من كل الانوآع مآ نفعت ,, حآولت افضي السيآرة والعآلم يدفونهآ عشآن نبعدهآ عن اللفة ,, القير صآر يروح ويرد ,, مآ يتعشق ولآ يفضى .. والدفآع المدني تأخر لين جآء .. ولمآ جآء خلهآ تحترق زيآدة مآ طفى على طول يقول انتظر ,, اذكر انحرقت وانا أحآول افك البطآرية ,, الكلآم هذآ كله صآير والشوآرع مبلولة من مطر جآء الليل ,, وهذي وحده من الشكوك اللي عندي للآن

السيآرة طبعآ رآحت تشليح ,, بس هذآ بالمختصر ,,

الجيب عذب عمي ,, مرآوح وبلآوي وخرآبآت واخبر مره قآلي ولد عمي انه طق فيهم في الورشه وشب بس طفوه على طول ومآ اثر ,,

بس الكلآم هذآ يعتبر على موديلآت قديمه شوي من 2000 وقبل ,,


بس انهآ موآتر طرب ,, والله اذكر سفرآتنآ فيهآ كآنت احلى آيآم ..

اذكر ابوي يقول بس مآ ادري صدق وإلآ كلآم ملآك هذي الشركآت يهود .. مدري صدق والآ كلآم مب متأكد ..


انا قلت لك اللي اعرف ..

و الـ c300 الشكل الجديد ,, والله قتّــآل ,, واعذرك لو تجننت فيه ..


" إضآفة " أخوي صح تأكد من قطع الغيآر ,, لأن الدوج وهو كآن اكثر انتشآرآ كنآ مآ نحصل قطع غيآر كثير ,, والقطع غآلية ,, الانوآر الآمآميه غآلية الطقم اخذنآه بـ 3000 ريآل بعد الخصم ..


انا بأتكلم لك عن الدمآم ,, فيه ثلآث محل قطع غيآر على خبري .. وكلهم كآن يعرفوني ويعرفون ابوي ,, وآحد في الخضريه في المحلآت اللي موآجهة الشآرع ,,


واثنين في شآرع تآيوتآ مقآبل تآيوتآ بعد الاشآرة .. فيه محل كآن شغآلين فيه اخوآن كنت احصل اغلب القطع عندهم .. لكن الآسعآر بصرآحة لك عليهآ ,,


طبعآ نفس المحلآت الثلآث توفر قطع الدوج والجيب والكرآيسلير

اخوي

الكرايسلر وكيلها المتحدة سيئ جدا

ولاتنسى

السنة الجاية بتتغير هي والتشارجر

ما احب اضيف شئ على كلام اخواني الاعضاء الا انه كلنا بنسمع عن وارد امريكا

ومشكلته الحرارة

ما احب افتي فيها لان مالي خبرة كبيرة في هالامور
ولكن حبيت انصحك مثل ما نصحوني قبلك .

دام الموتر عاجبك واخوك شاهدله
انا اقول توكل على الله وخذ السياره اللي خاااااااشه مزاجك

والكاريسلر اشهد انه رزززززززه

آخوي تبي آعطيكــــ زبدة الموضوعـ هذآ وختصراهأإأإ لكــــــــ

الموتر عآجبكـ خذهـــ لو فيهـ آلفـ عيب آدآمهـ عآجبك بترتآحلهـ ومآ راح تندمآ آبدآ آبدآ

آحسسن من موتر مآ عجبكـ ومخليه عندكـ تسليكـ لو تطلعـ مشكله بسيطهـ كبرتهأإ عشآنه آصلا مآ خش مزآجكــ

وآنـآ من كلامكـ حسيت آنكـ تعشق شئ آسمهـ كرايسلر يعني مهمآ آشتريت سيآرهـ الثآنيه مآ رآحـ ترتآحـ الا بالكرايسلر

أنا رأيي مثل رأي pink ..

رد منطقي وواقعي بصراحه

ولاتنسى الاستخاره قبل كل شي ..

:rolleyes:

الاغلبيه تجي مرشوشه وجاتها حوادث انا قبل ابي لي ماركيز 2007 بس نصحني واحد شريطي وقالي الاغلبيه مصدومه وانتبه لاتضيع فلوسك بشي مايستاهل ولا تقول فحص الكمبيوتر بيطلع كل شي انتبه لاتندم بعدين نصيحه مني لك سيارتك معك وتعرف كل الي بها ازين من سياره مستعمله ولا تدري وش هي له أول

نصيحة لا تغااامر ع المستعمل ..
اذا ملزم مرره مرره اجمعلك قرشين وفكها وكاااله ..
والا خلك ع الــــــــــــــمــــــــــــلــــــــكـــــــــــ ـــة اصرفلك ..

والله شف انا اقولك اياها انت راعي كرف و زرزره او تجرجر بالموتر لا تاخذها لانها زي ما يقولون حساسه سنه او خرابات اذا هادي او ماشي على مهلك او متب راعي الزرزره خذها او حافظ عليها بس اكيد بيجيها خرابات لاكن اخف من انك تزرزر او او او الخ .. بس اهم شي تكون قد الخرابات الي بتواجهك

بالتوفييق ~~

مااانصك ابدا ابد ابد بواارد امريكا

وربي تتورط

السيارات الي تجي من امريكا من برى تشوفها تلمع لكن بعد فترة استخدام بتطلع عينك

خذ وارد الصومال ولا امريكا:d

أنصحك تاخذ لكزس مستخدم gs2007 أحسن من الكلزلر

أو خليك عـ الأكورد

خذها مني الكرايسلر واخواته من برا الله الله ومن جوهـ يعلم الله !!

نصيحة ابعد خصوصا وارد امريكا

وبعدين الداخلية الاكورد افخم منها

وقطع الغيار الله لايوريكـ وعلى سبيل المثال وليس الحصر طقم فحمات امامي وخلفي بـ 1300 ريال !!! وهذه تعتبر من القطع الاستهلاكيه

لا تستعجل ابد يالغالي هذا نصيحه منى بختصار
وبي التوفيق

اقتباس:

---

المشاركة الأصلية كتبت بواسطة Accord love

والله والله ان عندي احلى من البانو المرسيدس كله

---

يلووووموني فيك ياوريون اند كابريسي معادلة من نوع 3,5 و6,0 لتر :p >> شطحة الحقيقة :d
شووووف ياخوي المرسيدس عالم ثاني لاتقابل سيارة حلوة من شركة مفلسة بعالم المرسيدس :confused:
نرجع لمحوووور حديثنا
اول شي ابيك تسفسر عن القطع الاستهلالية واسعارها ومدى توفرها
إذا ناسبتك فالف مبروووك عليك السيارة وفوق هذا دقق على مسالة ضمان السيارة اهم حاجة
ثانيا من وجهة نظري السيارات المتعملة والمستوردة تمشيك حق سنتين وبعدها تبدأ تنهلكك هذا على حسب مدى تحمل السيارة
ثلاثة إذا ماناسبتك خلك على الاكوووورد وإذا تبيلك طرب غير دبة السيارة بكمارو ولا دبة موستنق ولا Ss ولا دبة فوكس ( داخل عرض :d ) واسمع ابو الطرررب على اصوله لكن من دووون قوة في عزم السيارة الا اذا ناوي تعدل
وبالتووووفيق لك
هيا سلام

هلا اخوي انا كنت مخير مثلك بس استخرت ربي وخذت ورقه وسويت مقارنه طلعت الاكورد اغلى بنسبت 20% قطع غيار و سعر السياره وانا اقولك خذلك كرايسلر وانت مغمض (وماعليك من كلام العبيد) على قولت الناس مع احترامي

اخوي بقولك شي وربي صادق راح يتعبك الامريكي كثير خاصه الصيف راح تعاني


المهم ماعلينا انت اخترت اذا مصمم على الاستخدام الامريكي
خذ رقم الشاص حق السياره وطلع تقرير من الكارفكس مايكلفك 10
ريال بالكثير بس يعطيك علوم سيارتك كلها وهي برا جها صدمه رش شي كلها تطلع بالتقرير وتقبل مروري

وربي التقرير يحشر لك الشريطي حشر<<< شريطي خخخخخخ

إذا هي على الماكينة خذ انفينيتي أو شفرولية
الصدق

اخي الكريم اذا عندك صبر

انا باجيب لك قوة محرك الهيمي لكن بستة سلندر من هوندا بدون تيربو ولا سوبر تشارجر

قوة من المصنع وبسعة اقل وايضا بنظام VCM اللي يشغل فقط 3 سلندرات ويوقف الستة الباقية لتوفير البنزين


راح اجيب لك اكيورا تي ال واكيورا هي لكزس هوندا كما تعلم


محرك الاكورد الستة سلندر اللذي عليه لا استطيع القول الا انه من تصميم الجن لانه ابدااااع بمعنى الكلمة

قوة تصل الى 305 حصان بدون تيربو وبنظام هوندا للتحكم الجديد الحصري ؟ SH AWD


http://www.globalautoleasing.net/spe...s/acura_tl.jpg



http://image.automotive.com/f/review...arter_view.jpg


http://www.carbuyersnotebook.com/wp-...0-acura-tl.jpg


http://media.il.edmunds-media.com/ac...g_ft_1_717.jpg


http://media.il.edmunds-media.com/ac...t_ft_1_717.jpg



http://media.il.edmunds-media.com/ac...t_ft_2_717.jpg


http://media.il.edmunds-media.com/ac...4_ft_2_717.jpg


http://media.il.edmunds-media.com/ac...l_ft_1_717.jpg



وبالتالي الصيانة هي نفس صيانة الاكورد ستة سلندر وايضا نفس 90% من القطع والدفع رباعي في السيارة عكس الكرايسلر 300 الدفع خلفي للمعلومية هوندا اول من اخترع نظام اس اتش للدفع الرباعي

للمعلومية السيارة 305 حصان بدون تيربو بمحرك اكورد ستة سلندر وقريبا ستكون بين يديك


ايش رايك هل تتمنى هذه ام تتمنى اكيورا تي ال؟


تسارع كرايسلر 300 سي من الصفر الى 100

[ame]http://www.youtube.com/watch?v=KLVEeF0qFZg[/ame]




وهذه تسارع اكيورا تي ال 2010

[ame]http://www.youtube.com/watch?v=JUCWFqVE0Zo[/ame]



ايش تختار؟

شباب اذا ما خاب ضني.,
ان الولد ., باع الاكورد وراح بعثه .,

:b520:

اقتباس:

---

المشاركة الأصلية كتبت بواسطة المحترف

هلا اخوي انا كنت مخير مثلك بس استخرت ربي وخذت ورقه وسويت مقارنه طلعت الاكورد اغلى بنسبت 20% قطع غيار و سعر السياره وانا اقولك خذلك كرايسلر وانت مغمض (وماعليك من كلام العبيد) على قولت الناس مع احترامي

---

هذا ليش مايطردونه
اللي مايحترم الأعضاء ماله مكان في اسرة هوندا :mad: