صباح الخير
بدون مقدمات بعطيكم اللي صار معي
وانا راجع من صلاة الجمعه كان في تريله جنبي وطار منها حجر وضرب في القزاز حق باب السواق وكان الصوووت جامد
ووقفت وطالعت في الباب ومالقيت شي ورحت للبيت
وانا نازل لصلاة العصر لقيت القزاز حق باب السواق مشطوب بالكامل واللي ماسكه التضليل
المهم ابي اغير قزاز للباب
اغير من الوكالة ... وبكم سعره
والا
اغير من التشليح ... وبكم سعره
والا
اغيرهـ من عند بابلغوم ... وبكم سعره
نوع السيارة .. اكورد 2009
انا متواجد حاليا بالغربية
وياليت تفيدوني
الحل طال عمرك سهر على حسب الميزانية مافيه فرق بين التشليح والوكاله الا اذا تبي تبذر فلوسك طبعا الافضل التشليح لأنه على ماعتقد غالي بالوكاله وعكسه بالتشليح رخيص لأنه نادرا مايتبدل الزجاج الجانبي
ومافضل الصناعه المحليه او الانواع التجاريه لأنه مافيها عازل وترى غزاز الوكالات يوجد فيه نسبة عزل للشمس
والله يوفقك المفروض توجهت للتشليح بدون مشاوره ولوانة المشوره طيبه
التشاليح نادراً ما تبيع القزاز لحاله اذا الباب السليم ,, اذا الباب مصدوم والقزاز سليم يبيعك القزاز ..
دامه القزاز الجانبي روح لمحل السالم وا غير نوع وطني او تايون وبس
الحمد لله
تم شراء القزاز من الوكالة من جدة .. فرع الميناء ... وتركيبه عند بابلغوم بالصناعية الشمالية
لكن الصدمة كانت في سعر القزاز من الوكالة
ماتوقعت السعر ذا
سعر القزاز بــ 200 ريال وبعد الخصم بــ 180 ريال :cool:
الى الان ماني مصدق هالسعر ..
-------------------------------------------
وقلت خلني اسال عن سعر قزاز الشكل القديم حق 2007
وهنااا جت الصدمة من جد
طلع بحوالي 1600 ريال :mad: