السلام عليكم ورحمة الله وبركاته
بصراحة محتار بين الطوارق والبايلوت رجاء من خبراء السيارات الافادة
وشكراً
عرض للطباعة
السلام عليكم ورحمة الله وبركاته
بصراحة محتار بين الطوارق والبايلوت رجاء من خبراء السيارات الافادة
وشكراً
والبايلوت ؟؟؟؟؟؟؟؟؟؟؟؟ ايش البايلوت مافهمت
طوارق وأنت مغمض هذا رايي الشخصي
صحيح هنا محبي هوندا لاكن الصراحه مطلوبه
البايلوت بـــــــــــــــــايـــــــــــــــخ بقوه
صحيح ان الطوارق كشكل افضل وكفامه احسن من البايلوت لكن الخوف من مشاكلها مستقبلآ بتتعبك فمادري والله وش اشور عليك فيه محتار :rolleyes:
وعليكم السلام ورحمة الله وبركاته
اخوي مقارنتك غريبة جداً لان البايلوت جنب الطوارق تعتبر كرتون !!
ما فيه اي مقارنة بينهم من ناحية الفخامة والقوة والمواصفات
الطوراق من السيارات الرياضية الفخمة والبايلوت مجرد سيارة عائلية
لكن اذا تبي نصيحتي دور لك سيارة تعيش معك وتخدمك
افضل لك من سيارة تشتريها وتجلس تصرف عليها اكثر مما تصرف على عيالك
في مقارنتك الصراحة بأقول لك اذا عندك فلوس خذ الطوارق ولا تفكر بس المشكلة في وكيلها الزفت
حسب تجارب اخوايي الوكالة هذي ما عندهم اي خدمة بعد البيع !!
وقت ما تشتري السيارة تلقى الموظفين يشيلونك عن الارض ويستقبلونك بالابتسامات الصفراء
بس بعد البيع انسى الموضوع (قطع بالطلبية ، تأخير في الصيانة ، اسعار الصيانة والقطع ناااااار)
يعني بكل اختصار اشتر وابلش !!
^^
صدقت والله واحد من اصحابي
معه طوارق في صيانة ال5000 الالف
قعدت السياره 4 ايام لتغيير الزيت فقط
واذا شريت الطوراق اشتر فل كامل V8
V6 ماطعطيك شئ تقول اربعه سلندر
وشكل الV6 بجنوط قبيحه ومواصفات ماهي top
اما الv8 فيها كل شئ جنوط روعه وجميع مواصفات اللي تبيها موجوده فيها
البايلوت حلوه بس ماتصف بجنب الطوراق.. الطوراق تقارن بالـ BMW او المرسيدس او سيارات فخمه
البايلوت تقارن بالسوزوكي وغيرها...
وباتوفيق لك:)
^^^^^^
فل v8 سعره فوق الـ 200 الف
انا اقلك
الطوارق سياره دفع رباعي حقيقي واقوى وافخم واحسن دفع رباعي في فئتها وعليها صيانه مجانيه 3 سنين ولو دفعت 8 الاف راح تزيد ل5 سنين من غير كيلو مترات وفيها زينون وانوار يمين ويسار مع اللفة وممكن تركب نفيجيشن ب8 الاف
البايلوت سياره اس يو في يعني دفع رباعي للمدينة وفخامتها عاديه بالنسبه للطوارق وما فيها صيانه مجانيه وما ادري بالنسبه للزينون وما فيها لمبات يمين ويسار في اللفة بس البايلوت 3 صفوف
شوف اي احتياجاتك وحدد
واهم شي استخير قبل ما تشتري
أنا أوافق كلام أخوي B Unique
لكن أنا باشور عليك شور و أنت براحتك أخوي
ليش ما تشوف إلــ تاهو أو اليوكون الفل أوبش أبو الجنوط الكبيره ....... الصراحه منظر و كشخه و مريح و قوي و أنت براحتك و الله يكتب لك إللي فيه الخير
اوافق اخوي الظل بالتاهو وخاصتن ان عليه عروض رمضان على موديلات 2008 وخذ لك تاهو ltz الي يجي جلد وجنطه كروم ويد الباب والشبك كروم والله روعه :)
السيارات الأوروبية إجمالاً لا تثبت كفاءة كبيرة في السعودية وهذا ربما سببه مصدر السيارة، ففي أوروبا المسافات عندهم صغيرة والبنزين ليس رخيصاً بالمرة والأجواء باردة والطقس تعيس وممطر ومثلج، لذلك سياراتهم -على الأقل سابقاً- يغلب عليها الصغر وتوفير الوقود. بينما في أمريكا أجواءهم مقاربة لأجوائنا، مسافات شاسعة وحرارة عالية واستخدام عنيف.
زد على ذلك أن السيارات الأوروبية وبسبب فخامتها أسعارها هي نفسها وأسعار قطع غيارها نار نار، وما ستدفعه أول مرة كسعر السيارة -كما تفضل بي يونيك قبلي- ما هو إلا أول مبلغ ستدفعه -الحلقة الأولى من المسلسل- وفي الحلقات التالية ينتظرك عذاب كبير، نصف العذاب بما ستصرفه من نقود للصيانة (خاصة وأنها ولتعقيدها لا يفهمها إلا قليل من الفنيون) والنصف الآخر ما سيضيع منك من وقت (وقت الذهاب والإياب إلى الورشات ووجع الرأس وملاحقة الصيانة وكذلك ما ستدفعه ثمن سيارات التأجير بينما ينتهي إصلاح سيارتك)
على فكرة بس .. البايلوت من ضمن ارخص 10 سيارات بالولايات المتحدة .. في تكلفة الصيانه والتصليح على مدى 5 سنوات
المصدر
ايش هذي البايلوت والطوراق >> انا فهمت انها سياره بس ما عرفتها للأسف :d
ان شاء الله الشبااب افادوك
بايلوت هي الإم آر في الجديدة، تم تغيير الاسم والشكل...
الطوارق بدون مقارنة ولكن راح تفلس جيبك بصيانتها وقطعها
ونصيحة خارج عن رغبتك خذلك تاهو او يوكون والله تعيش يومك اسأل مجرب
اذا الله منعم عليك .. شرايك تاخذ الطوارق فل الفل ابو 12 سلندر وبودي كت :d
انا ادري انه طلبيه ماهو بالمعرض .... بس يستاااهل
وكيلكم بالسعوديه ( حسب ما قرأت بالاعلى ) مو محترم السياره !
عندنا وكيل الـفولكس واجن تووووه متغير !
بالاول كان بهبهاني .. بعدين مدري منو خذا الوكاله منه مدة 10 سنين ! و بعدين بهبهاني رجع !
و السبب ... ان العملاء كانو يشتكون من سوء الخدمه من حيث الصيانه
حاليا بهبهاني شااايل العملاء على راسه .. و مثل ما يقول المثل ( يا دهينه لا تنكتين )
لو انك بالكويت .. كنت بقولك الطوارق بس تحمل مصاريفه !
بس بالسعوديه .. بقول لك شوف التاهو و لا اليوكون و لا الاكسبديشن او البايلوت ( مع ملاحظة صغر حجمه بالنسبه للسيارات الامريكيه اللي قبله )
بالخليج عموما ... الامريكي و الياباني لك و للزمن .. الاوربي غير المرسيدس .. حاول تبعد عنه !
أنا مستغرب من المقارنة
الطبيعي أنك تقارن بين الطوارق والسي آر في
لأنهم نفس الحجم حتى لو كانت فئة الموتور مختلفة (السي آر في 2.4 لتر فقط)
البايلوت سيارة عائلية بكنبة اضافية
بعكس الطوارق سيارة شبابية مثل السي آر في أو البي إم دبليو X5 أو الفولفو E9 أو المرسيدس ...
مقارنة سيارة عائلية ثمنها 130 ألف مع سيارة شبابية ثمنها 170 ألف (v6) مقارنة غير عادلة
لكن إذا قارنتها مع السي آر في فهي مقارنة عادلة
الطوارق ألمانية وطبعا أفخم مع قطع غيار أغلى
والسي آر في أقل من 100 ألف هوندا يابانية قطع يار أرخص وأتوقع عمر افتراضي أطول
وبالتوفيق
السلام عليكم
مشكورين على التجاوب يا اخوان على العموم انا افضل سيارة غير مكلفة من الصيانة وسيارة عملية وهل البايلوت سيارة يعتمد عليها وبصراحة ما عندي خيار غير البايلوت من وجهة نظري .... ولا ايش رايكم يا اخوان .... وشكراً
Mrv من 2004 وحتى 2008 سيارة قوية ويعتمد عليها وعمرها الافتراضي طويل
ولكن مشكلتها قطع غيارة ممكن ما تحصلها إلا وكالة
وهي غالية نسبيا مقارنة بالتويوتا ورخيصة جدا مقارنة بالأوروبي
أتوقع ان البايلوت ما فيها اختلافات كثيرة غير اختلاف الشكل، مشكلتها الرئيسية في سعرها
130 ألف بعد سنتين تبيعها 45 ألف
والغريب ان السي آر في ثمنها 90 ألف تبيعها بعد سنتين أو ثلاثة بنفس السعر تقريبا 45 ألف ويمكن أكثر لأن الطلب عليها أكثر
إذا كنت تفكر أصلا في الطوارق الشبابية...ليسش تقارنها بالبايلوت العائلية وليس السي آر في الشبابية؟
^^^^^
ألرجال حدد سيارتي ممكن لان عائلته متوسطه السي ار في صغيره ماتقارن بالحجم مع البايلوت :)