اكتشاف شي جديد في الاكورد

عرض للطباعة

14-03-2011, 08:31 PM
عاشق HONDA

اكتشاف شي جديد في الاكورد

السلام عليكم
ماحب اطيل عليكم ..
في كل فتره يطلعلي شي جديد في الاكورد وبصراحه صار الواحد يكره يسوقها :mad:..
اخر ماطلعلي صوت صرصره في الطبلون وخاصه بين العدادات والقزاز الامامي صوت كانه قطعتين فلين تحتك مع بعض ومحد يلاحظه الا لما يكون الوضع في السياره هدوووء مع العلم ان السياره ولله الحمد لم تتعرض لاي حادث ..
رحت لاكثر من ورشه وكل واحد يفتيلي . الي يقولي يبيلك تربيط رفارف والي يقول في شي مكسور خلف الطبلون والي يقولي مع البرد فتره ويروح .. والله ماعاد ادري وش اسوي الي طلعله الصوت يقولي وش الحل ...
ويعطيكم العافيه
14-03-2011, 08:41 PM
KING OF SPEED

والله ما ادري ياخوي روح شيكها بالوكالة احسن
14-03-2011, 09:12 PM
Accord F15

حبيبي الشغله سهله فك الطبلون وشيك وشفيه حاول تبداها من نفسك حبه حبه لين توصل للمشكله اما تربيط رفارف شكلك صارفها من الكيس:d
15-03-2011, 02:11 PM
باحميد

والله غريبة احتمال من جلدة القزاز الامامية مع قوة الحر في الرياض تخرب الجلدة القزاز الامامية ويكون طلب عندنا بالمحل عليها كثير في وقت الصيف اكثر
هدا والله اعلم
تحيااااااااااااتي
15-03-2011, 07:48 PM
عاشق HONDA

اليوم رحت لورشه متخصصه في هوندا وقالي المهندس كثير من الهوندات تواجهها المشكله هذي وخاصه 2008 ونصحني اني مافكها عن اي احد لازم يكون في الوكاله والمشكله كلبسات متكسره
والسبت انشاءالله وانا عند باب الوكاله
15-03-2011, 11:02 PM
B 5ob3aH

خبرنا وش يصير معك ..
15-03-2011, 11:35 PM
tahoe1999

ايه والله خيو الصوت طلعلي حتى انا
16-03-2011, 01:10 AM
عاشق HONDA

ابشرو يوم السبت انشاءالله اروح للوكاله واقولكم وش يصير معي وانشاءالله يصلحونها
16-03-2011, 01:28 AM
ACCORDEA

حبيبي انا مثلك تماما ..

لكن في القير و تجيني بين فترة و فترة ..!!

حرك القير شوي شوي على وضع واحد مجرد هزز القير فقط !!

رآآآح تلاحظ الصوت برضوو ..

بس لا تخاف الصوت يجي و يروح

متى ما اشتهى جا و متى ما فقع فقع .. :d

هههههههههههههههههههههههههه

بدرآآآن
16-03-2011, 01:51 AM
الكاسر 20

موتري 2007

والصوت عندي مثلك بالظبط كأأأأنه صووووووت فلين !

لكن من جهة باب الراكب فوق الدرج !

هبل بي هبال يختفي ويرجع ,,,,! ومرات تكره تسوق الموتر

كأن صوت يحتك بالزجاج
16-03-2011, 02:10 AM
Mr.Goldy

لاتوسوس وتحوس سيارتك يمكن لفكو الديكور تطلع لك اصوات اكثر من كذا وهالصوت موجود عندي له سنه ونص بس عادي تعودت عليه

:d
16-03-2011, 03:31 AM
برق

الشغلة بسيطة و طبيعية ليست فقط بالأكورد بل بأغلب السيارات إذا ماكانت بالعموم و كل السيارات اللي

سقتها موديلات حديثة نفس الصوت المقصود أسمعه بوضوح بالسفر و أقلقني قبلك بالكامري و الفورد و الآن

الأكورد و أعتبره شي طبيعي و مايستاهل الفك و التعب و شر لا بد منه (إسفهه ) بس و ريح بالك
16-03-2011, 08:12 AM
اكوردتي عشق لا ينتهي

من جد اسفهه
وانشالله هو بيسفهك ويروح بعد البرد ممكن لو ان مآآكو ولا برد
20-03-2011, 03:41 AM
ماجك

عادي عادي عندي نفس الصوت من جهت باب السائق من يوم ما شريت السياره يجي ويروح وراح تتعود عليه لا تلعب في مو ترك وحقين الورش نصابين يبون يشتغلون اي شغله بس اهم شي الدراهم وبتوفيق
20-03-2011, 05:32 AM
شويزن

السلام عليكم ...
هذه تصير لك يوم تكون مشغل المكيف ؟!؟
والي يقول من جهة الراكب .. انت معاك الفل اوبشن ؟!
20-03-2011, 05:34 AM
شويزن

هي الغالبية تسمعه يوم تحط المكيف على اوتو .
او بعد ماتلعب في حرارة المكيف .. بالذات في البرد يوم تشغل الهوا الحار ؟!
20-03-2011, 06:17 AM
الله يذكر ايامك

اقتباس:

المشاركة الأصلية كتبت بواسطة اكوردتي عشق لا ينتهي

من جد اسفهه
وانشالله هو بيسفهك ويروح بعد البرد ممكن لو ان مآآكو ولا برد

من جد اسفه يحقد عليك ويختفي الصوة

يخي غريبه انا كان معي 2008 سبشل ماسمع الصواة الغريبه هذى مدرا اني ماركز زين

شي عجيب:p
20-03-2011, 02:30 PM
عاشق HONDA

رح للوكالة امس وليتني مارحت نصابين بس راح انشب لهم ...
قالي المهندس ان الصوت هذا وتراب بين الزجاج والطبلون مع اني مدري من وين جاء التراب هذا احس انه يصرفني وقال من التظليل لاني مظلل حراري من داخل السياره . الزبده طلعت من عندهم واخذو مني 160 ريال قيمة الاصلاح واول ماطلعت الا والصوت فيه :mad: برجع لهم بكره ياهم يعطوني فلوسي ولا يصلحونها لانهم واضح ماسو شي نظفولي الطبلون من فوق وبس .....