عرض للطباعة
بسم الله الرحمن الرحيم
السلام عليكم ورحمة الله وبركاته
بمناسبة اول موضوع لي ارجو من الكل المشاركه
كيف إستلمت اول سياره؟؟
وشلون جتك الفكره انك تاخذ سياره
ولا قالوا اهلك إذا نجحت نعطيك سياره والا انت بديت الموضوع
عطوني سياره ولا مانب رايح المدرسه;)ههه قديمه
اتمنى من كل واحد يكتب
ووش شعورك اول مااستلمت السياره اول يوم وش سويت:d
ابي الردود اكثر من المشاهده:d
شكراا
بروفيسور أكورد
آآآكيد مبسوطين يوووة عآآآد توك مطلعها وكآآلة يالله ونآآآآسة مأقد اعبر عن شعوري
وبصراحة يأخوي بروفيسور اكورد اهنيك على الموضوع اكثر من الرائع
اول سنه لي في الجامعه (الفصل الاول) كنت اروح بفان هيونداي على الجامعة<<ناقصني بس انقل معلمات :d
بعد اصرار على الاهل وان الفان مايصلح اخذت كامري مدري كيف شريتها اول مااخذتها قالي الموضف نغسل السياره ونشيل قراطيسها <<(تغبيرة الوكاله).....طبعا قلت له لأ..
وبعد ماطلعتها من المستودع اكتشفت انه فيها طقه في باب السواق ماظهرت لي الا لما غسلت السياره واتصلت على الموضف قالي خلاص راحت عليك ممكن نصلحها على التأمين بس :mad:
بعدين اكتشفت اني مااحب شي اسمه تويوتا وخاصة مع المرور ماشاء الله يعطيك مخالفه لان سيارتك كامري
لكن اول مااستلمتها كان شعور لايوصف (متشقق من الفرحه )
بعدين بعتها وشريت الاكورد2006 القير العادي <<راس براس مستعملة بس كانت اخت الجديدة وشعوري كان عادي جدا سياره توديك وتجيبك ..........وبعتها
والحين شريت اكورد 2007 سيتم كشف الستار عنها قريبا :)<<والى الان شعوري ماقدر اوصفه لكم لاني تو مااستلمتها
والله يستر بس
تحياتي لك
اول ماطلعت الاكورد المحبوبة رقم 1 موديل 2006 سبشل سودا ... (حالياً انا في الاكورد رقم 3 ) :)
المهم طلعتها من معرض ادماث في شارع الابراج <<<< عرفوة نص الشعب !!:d
المهم صراحة الصدق .. كنت ولا ازال ساقط في الريوس والسيارة جوة المعرض والمكان ضيق وفية عمود لمبة !! قلت للموظف بالله طلعها لي برا !! خخخخ ماني فاضي من اول يوم حكة ... وصوت هالمشهد بالفيديو ...
انا اول ماعطيتهم الدفعه الأولى قالولي تستلم السياره بعد اسبوع
خلصته بيوم من العجله
:d
أنا استلمت السيارة بعد اختبارات الجامعه الصيف الماضي وكان باقي اخر اختبار
طبعا خويكم من يوم استلم السيارة وأنا دوران ما رجعت الا يوم طاح اللي براسي
ونسيت كل اللي ذاكرته
انا من ايام الثانويه وكنت اسوق سياره الوالد كابريس بوكس 1990 :)
وبعد ماتوظفت الوالد الله يطول في عمره دفع لي حق السياره اكورد 2008 فل
وكان شعوري شعور اي مواطن سعودي فرحان بأول سياره له <<<< ايش عنده هذا :d
والله صراحه الفرحه ماتنوصف ان الواحد يسوق اول سياره له وبأسمه لا وجديده بعد
انا استلمتها من فرع طريق المدينه في جده وأهل جده عارفين الفرع كيف ومخرج المواقف على الشارع على طول
طبعا قعدت واقف على المدخل اكثر من خمس دقايق انتظر الشارع يسير فاضي تماما عشان اطلع خايف انه من بدايتها اجيب فيها هرجه :d
اول سيارة لي اكورد 2008 وطلغتها قبل الإختبارات باسبوع عاد تخيل كيف المعدل بيصير
انا اول ماطلعت سيارتي بعد ماتم القبووول بالجامعه
كنت في قمة السعاااااده بالعربي كان عمر ابووويه ما شفت سيااارهجديييده
طبعا السيفيك الله يخليها2007
***********
&&&&&&
$$$
%
!
شعور لا يوصف .. أول سيّارة لكـ و عداداتهآ لسّى أصفآر .. :rolleyes:اقتباس:
كيف إستلمت اول سياره؟؟
إستلمت السياره وعمري 16 سنة ..
سوناتا 2008
كذآ .. والله الصراحة ماكنت بحاجتهآ ... بس مكمّلات المراهقه ..!! :dاقتباس:
وشلون جتك الفكره انك تاخذ سياره
مسكت بها خط الاحساء وهيّى لسّى ماكمّلت 20 كيلواقتباس:
أول ما استلمت السياره
وجربت السرعه بها للـ180 .. كانت لحظه لا توصف .. :rolleyes:
سؤال من برى : ليش يقولوا لا تسرع بالسياره وهي بأوّل 1000 ؟؟
أنا والله الحمد مشيت فيها 180 من أول يوم لهآ والسياره ماجاهآ شي ..
بالعكـس صاير عزمها مجنون قومة و خط ..
:)
اممممممم
انا كان دايم معاي موتر الوالد الله يخليه يوكن 2006 والوالد معه ددسن 2006 ودايم عليه مأعطيه اليوكن ههه
المهم جى يوم واتصل علي وقال تعال عند المكان الفلاني ورجت له وقالي شف هاذي لومينا 2006 تبيها
طبعا انا مومصدق على طوول اي ابيها << ونآآدم
بعدها بيوم كنت بالصناعيه دق علي ابوي قالي تعال البيت قلت اكيد جاب اللومينا ودووووووس باليوكن
لما وصلت وصحيح شفتها عند الباب واخذت منه المفتاح واعطيته مفتاح اليووكن طبعا هاذا الكلام يوم كان عمري 16
والحين عمري 18 وقريب ان شاء الله اشتري موتر ثاني واقولكم كيف استلمته
يوووووه يوم الاكورد 2006 كانت سالفه >>> راعي طوييييييييييييييله
كنت مسجل ببودي ماستر ورشحوني لمنتخب كرة القدم لفرع الفيحاء واول مبارة لنا كانت مع فرع السلام >> المشكله اني أصلا بحي السلام يعني خيانة خخخخخخ :d
المهم في هذيك المباراة طحت (بسم الله عليك :d) وحسيت رجلي طقت :eek: وألم بالكاحل وعلطول سوولي تبديل >>> اخص يابيكهام :d
المهم رحت للمستوصف وقالولي عند تمزق برباط الكاحل :c018: >> يحتك برونالدو :d
عاد كنت متحطم ماعاد فيه كوره ولا بودي ماستر وغير كذا فريقنا انهزم :rolleyes: والا يدقون علي حقين البنك يقولوا احنا بالوكالة معاملتك خلصت تعال وقع الشيك وانا انسى الالم واذهب بقول شوق واحلام المستقبل تدغدغني >>> لايكثر بس خخخخخخخ :d
خلصت المعامله وشفت السيارة وقالولي بعد بكره تجي اللوحات وتاخذها :cool:
كل هذا صار ولا فيه احد من معارفي او اهلي او اخوياي يدري عن سالفة السيارة
بعد يومين يدقون الوكالةعلي ويقولوا السيارة جاهزه
قمت اقول لاخوي اللي اصغر مني خلنا نروح وكالة هوندا نشوف وش عندهم من سيارات ;) ويروح معي وهو مايدري عن السالفه ونقابل الموظف ويقول تعالوا معي للبدروم
ويعطوني السيارة ونشغلها
عاد شوف النظره على وجه اخوي :d
ويوم ادخلها الحوش دخلت على الوالد بالمجلس واعطيه المفتاح اقوله تفضل >>> توه يدري عن السالفه :d
أيام حلوه وراحت بحلوها :) ومرها :(
وبعت السيارة ولا احد يدري اني بعتها :unsure:
وشريت السيارة الثانية ولا احد يدري >> نفس سالفة السيارة الاولى بس بدون بنك خخخخخخخ :d
انا والله سالفتي سالفه هههههههههههههههه
لما كنت في اول ثانوي ابوي اشترى له سياره وعطاني سيارته القديمه كابرس 1993 وطبعا ما كانت توقف توني اسوق السياره اكيد ما توقف
لما وصلت ثالث ثانوي الا اقول لأبوي انا الحين احتاج سياره جديده وهيك كلام الا يقول اوكيه انتظر شوي ويشتريها لي في الاجازه انا طلعت بعيد روحي السنه في ثالث هوندا 2004 ستاندر بدون مواصفات وياخوفي عليها وواااااو دايم اوديها المغسله واخاف عليها ههههههههههههههه <<< مصفع
استخدمتها يمكن 3 سنوات ونص وبعتها واشتريت مكسيما ..
واول ما نزلت الاكورد 2008 خلاص دوختني والحمد لله اشتريتها فل ابشن وعادي كان شعوري الحمد لله قلت في قلبي اني ملكتها وخليت الوالده تقرا عليها ههههههههههههه << خايف عليها
طبعا الملكه الاخيره الي صارت عندي ما دخنت فيها ابدا لاني خففت دخان صرت ما ادخن كثير بس اصحابي لما ياخدوها اتوقع يدخنو فيها هههههه
أنا درت مع الوالد "الله يحفظه" على جميع الوكالات قبل ما اشتري سيارتي ( بيجو, تيوتا, هونداي, مازدا, فورد, الخ) سبحان الله ما مرينا وكالة الهوندا ابد ولا جبنا طاريها .. بقيت محتار سوناتا vs بيجو 307 ... بعدها قررت خلاص على البيجو فل كامل باب واحد :d وسعرها 63 الف <<< والله مواصفاتها اطلق من الاكورد الف مرة بس ...... ما تدري كيف توصف الشعور :o
المهم .. قال أبوي .. خلاص السبت الجاي نروح لوكالة البيجو ونطقها لك كاآش .. وانا قلت تم ..
فجأة ... ومن اللا مكان ... يقول لي أخوي الكبير : ترى في شي اسمه اكورد للبيع ... قلت : أين ماذا متى لماذا كيف ؟؟ <<< الولد خرف ومستغرب
وأروح أشوف الاكورد ( وهالكلام كان يوم خميس ) .... وطبعا انهبلت عليها وعلى ديكور داخلها و الخ ... فـ اللي صار :
يوم السبت بدل ما نروح نطق البيجو .. رحنا وأخذنا محجوبة الأكورد 2004 سبيشل :o وبدأت حكاية العشق هنا
سلاااااام..
:dالسلام عليكم شخباركم
اول شي بصراحه اول سياره لي هوندا سيفك 2006 وابوي الله يهديه نظامه مافيه سياره الا بعد الثانوي المهم تخرجت من الثانوي الحمدلله وشريت السياره قالي تطلع بكره واذا كانك تبي لوحات ملكيه بعد بكره قلت لا ما أبي ابي اي شي اهم شي تطلع بكره خخهه :o < من الونآسه المهم كانت بداية عطله ومستانس منها تخرجت ومنها سياره جديده وسافرت من اول يوم ماشريت السياره وناوي ارجع من بكره عشان استلم السياره المهم مارجعت الا بعد ماطلعت السياره بيوم رجعت البيت ولقيت السياره داخل البيت وصلت الساعه 2 وابوي مسكر سيارتي علي قلت بطلع قال والله ماتطلع الا بكره وش يطلعك الليل خنقني العبره صراحه :o ان كاني جلست اناظر السياره من جوا ساعتين فهي شويه << حس انه قروي وصبرت وطرت من الفرحه ومعليـش على اللإطاله < وظف وجهك :confused:
شكراا لجميع الي ردوا وننتظر البقيه
شكراا
بروفيسور أكورد
طيب وانت ماقلت لنا كيف ؟اقتباس:
المشاركة الأصلية كتبت بواسطة بروفيسور أكورد
:rolleyes:اقتباس:
المشاركة الأصلية كتبت بواسطة مشآري
قريبا إن شاء الله
:d
والله اهنيك على الموضوع الرائع :cool:
بس تبي الصراحة انا اول ما طلعت السيارة الاولى كورلا 2002 كان شعوور ما يوصف :o
لانه كان عندي سيكل ابو تعاشيق وانا في ثالث متوسط وشعور ولد توه بروح ثانويه عنده كورلا اكيد متفقع من الفرح هع :d
هدية نجاحي من المتوسطه ^_^ :rolleyes:
ما خليت مكان ما رحت اليه وما خليت سيارة ما صقعتها :unsure:
بس والله وناسه :cool:
ههههه اجل ماخليت مكان عسى مارحت للمريخ :pاقتباس:
المشاركة الأصلية كتبت بواسطة غضب الاكورد
شكراا على ردك
بروفيسور أكورد
أنا طلعت سيارتي عند قبولي بالجامعة
وطبعًا صارت لي سوالف على ما تطلع ،، مره يجيبو لوحة حق سيارة فورد !! غلطانين المرور ،، ومره جابو الاستمارة بس ما جابو اللوحات والمرة الأخيرة جابو اللوحات وجيت باخذ السيارة ومافيها لوحات << نسو يركبوها
طبعًا رحت أستلمها وكانت مغبرة بشكل مو طبيعي ،، والمقاعد عليها طبقة غبرة خفيفة أيضًا !! والصيانة كانو مقفلين فما قدرت أروح أغسلها عندهم والوكالة كلها مافيها إلا موظف الكراج اللي يسلمني إياها .
...
أحلى شي ريحة السيارة أول ما تاخذها << :d
بالنسبة للغسيل ما كنت ما أعرف أغسلها :rolleyes:فلما أجي أغسلها أدخلها الكراج وأعبي لها ماء حلو بس مافي فايدة هههه تظل ما تلمع وتظل فيها ملوحة بيضاء ههههه
شوي شوي عرفت كيف أغسلها كويس ،، وصرت دايم أشتري Ultimate quick detailer من ميجوايرز. أستعمله كخطوة مكملة للغسيل لأنه يعطيك لمعة عميقة ويخلي السيارة تمشي كأنها مرآة ( مرايه) .
وهاذي صورتها بعد غسيل سريع، بدون تلميع ، لو تلمعت تصبح شي ثاني ;)
http://ali-studio.com/mypic4forums/DSC_3905_lzn.jpg
http://ali-studio.com/mypic4forums/DSC_4176.jpg
http://ali-studio.com/mypic4forums/DSC_4188_2.jpg
وهذي مسوي لها تصميم بسيط :d
http://ali-studio.com/mypic4forums/DSC_4105-12.jpg
تحياتي :rolleyes:
انا والله ما شريت السياره الا بعد ما عانيت الأمرين .
بدايتها كنت في اولى ثنوي اداوم بسياره نيسان (ميتين ال) موديل 84 ومافيها زاوية سليمه من الصدمات واستمريت اداوم عليها سنه حتى ان ربعي ما كانوا يدرون ان معي هالسياره لاني كنت اوقفها على بعد امتار من المدرسه عشان لا يشوفونها والله ان الهنود كانوا يناظروني فيها ويضحكون :(. المهم الوالد كان ذيك الايام توه شرى فله فلذلك الميزانيه شوي تعرفون رايحه فيها فقالي اصبر علي شوي وابشر بعدها . في ثاني ثنوي شرالي مرسيدس موديل 90 (سبورت !) وكن من زينه تصدقون لدرجة انه سبورت اذا دعست عالاخير يهدي واذا خففت الدعسه يسرع !! ولا كان فيه مكيف في عز الصيف كنت انشوي داخله لان لونه اسود(حمام ساونا طبيعي) .وكان صوته يصحي الجيران.
لكن يوم تخرجت من الثنويه سالني الشايب وش السياره اللي تبغى اشتريها لك قلت له شفلي شي من هوندا(اي شي)
المهم اثاري الشايب ذوق فك لي اكورد 2007 لؤلؤي فل ( خطير) ووداها قراج البيت وانا ما ادري كنت نايم . ويوم شفتها وشفت المفتاح نسيت استغفر الله الصلاة والفطور ورحت خذت فيها دورة وقمة المتعه اني ما كنت اعرف عنها شي من مواصفاتها وقعدت اكتشفها يوم ورا يوم.. صراحة السيارة كانت...... <<<<< خلاص لا يكث بس:d
انا والله ما شريت السياره الا بعد ما عانيت الأمرين .
بدايتها كنت في اولى ثنوي اداوم بسياره نيسان (ميتين ال) موديل 84 ومافيها زاوية سليمه من الصدمات واستمريت اداوم عليها سنه حتى ان ربعي ما كانوا يدرون ان معي هالسياره لاني كنت اوقفها على بعد امتار من المدرسه عشان لا يشوفونها والله ان الهنود كانوا يناظروني فيها ويضحكون :(. المهم الوالد كان ذيك الايام توه شرى فله فلذلك الميزانيه شوي تعرفون رايحه فيها فقالي اصبر علي شوي وابشر بعدها . في ثاني ثنوي شرالي مرسيدس موديل 90 (سبورت !) وكن من زينه تصدقون لدرجة انه سبورت اذا دعست عالاخير يهدي واذا خففت الدعسه يسرع !! ولا كان فيه مكيف في عز الصيف كنت انشوي داخله لان لونه اسود(حمام ساونا طبيعي) .وكان صوته يصحي الجيران.
لكن يوم تخرجت من الثنويه سالني الشايب وش السياره اللي تبغى اشتريها لك قلت له شفلي شي من هوندا(اي شي)
المهم اثاري الشايب ذوق فك لي اكورد 2007 لؤلؤي فل ( خطير) ووداها قراج البيت وانا ما ادري كنت نايم . ويوم شفتها وشفت المفتاح نسيت استغفر الله الصلاة والفطور ورحت خذت فيها دورة وقمة المتعه اني ما كنت اعرف عنها شي من مواصفاتها وقعدت اكتشفها يوم ورا يوم.. صراحة السيارة كانت...... <<<<< خلاص لا يكث بس:d