عرض للطباعة
:d
الســلام عليكم ورحمة الله وبركاته
كيف حالكم اخواني طيبين
اليوم انا داخل على الله ثمن عليكم لاتردوني خايب وزعلان
انا معي هوندا كورد 2006 معذبتني تعذيب موب صاحي كل شهر لازم تطلب شي
والحين المشكله في القير حقها معد تحرك انا مدري هل هو من الكلتش او القير الله يستر
وانا ابي منكم تدلوني على ورشة في الرياض مزبوطه ولو تكون في صناعية الخرج او الشفا
كان احسن تكفون علموني منو الي يصلحون السيارة عدل لاتخيبوني يا اهل الرياض
اذا موترك نظيف ونظره ومحافظ عليه حلها حاجه وحده
طببه المعارض وخل الناس يسومون بس سوم وامش من اول الشارع لاخر الشارع وخلهم يسومون بدون نية بيع
وان شاء الله ماراح تبي منك الا زيت وبنزين
<< اقولها لك مثل ماصار لي انا كانت معي لومينا موديل 2001 يعني اللي يعرف الموتر والموديل ماهو حاط عينه عليها بس كنت محافظ عليها كثير لدرجة جننتني بالطلبات واتصل على شيخ المعارض جاب رقمي له واحد وقلت له السالفه كذا وكذا وكذا
قال طببها المعارض وخذ فيها لفه لفتين وخل الناس يساومونها واطلع وبعدها الحمدلله اخذت 6 شهور ماطلبت شي ابدآ
اقتباس:
المشاركة الأصلية كتبت بواسطة aalhamdan
اخوي عندي تعليق بسيط على ردك
لو النفس او العين تنعالج بالحراج او بسومت الناس لها
كان اي شخص فيه عين او نفس حرجنا عليه او سمناه وتطلع العين منه
انا سمعت عن هالكلام كثير لاكن ما اعتقد انه صحيح
اخوي اولا العين حق
ثانيا المقصد ماهو في الناس
المقصد في السيارة يمكن نفسها في المعارض
عاد هذا شي راجع لك
يعني اذا كنت محافظ على السيارة وش يخربها كل شهر
الله يطرح فيها البركة ويعطيك من خيرها ويكفيك شرها
مشــــــكورين ياشباب وكلكم والله على العين والراس ومن فوق
بس انتو مافهمتوني عدل
انا ما اقول انها عين وكذا لا والله ولو انها عين انا راضي بقدر الله وثاني شي سيارتي مو موديل السنه موديل 2006 ومثل كذا وانا راضي بقدر الله
بس ابيكم تعلموني با اسامي الورشات الي شغلهم جيد في مجمع صناعيات الخرج او الشفا
عشان ازين سيارتي عند ايادي امينه وكويسين بالعمل مو ادبس في اي صناعيه
ولا العين تورد القبر ومابالك بالحديد
الله يكفينا شر العين والحسد يارب
القير اذا اوتوماتيك وفيه مشكلة واحتاج لتوظيب لابد انك تستبتدله افضل لك واحسن
لان التوظيب ما يتقنه كثير من الناس
على العموم روح الوكالة وقول ابي اقيس ضغط الزيت داخل القير هم اثنين بس يعرفون يسوونها في فرع الرياض واحد في فرع خريص وواحد في الخالدية
روح للي في فرع خريص وقول للاستقبال ابي اقيس ضغط الزيت في القير واعطينا النتائج هنا وانا باقول اذا كان فيها مشكلة لكن للمعلومية الكلام هذا فقط للقير الاوتو والحركة هذه تغنيك عن نصب الورش وانه لابد توضب والكلام الفاضي حق الورش
للمعلومية قياس ضغط الزيت يستعمل فقط للحالات اللي يكون فيها النقلات غريبة او فيه تأخير في التلقيم او ضعف في العزم غير مبرر او وجود انفلات في احد الغيارات
لا انا احس ان القير زين مافيه الا العافيه
احس المشكله في الكلتش طالع قاسي والقير مايتحرك
لو تدلوني على ورشه سنعه كان ماتقصرون
وماتقصر ياخوي على ردك الراقي
وان شاء الله مايطلع القير خربان وانشب بوه
يمكن الاخ يقصد تخويف للسيارة عشان ما تطلب شي :d
اذا سيارتك قير عادي
سوي تنسيم للزيت حق الكلتش يعني خل واحد يفك لك الصامولة من تحت ودبل الدعسة اكثر من مرة وخليه يفتحها الين يطلع كمية من الزيت وتكرر العملية 4 الى 5 مرات وبعده عبي زيت جديد
والدعسة تلين معك باذن الله
أخي بلال
أنا عندي نتعه أحياناً أول ما أحطه d
ممكن يكون المشكله في ضغط الزيت؟؟
اقتباس:
المشاركة الأصلية كتبت بواسطة ب د ل accord
لها اسباب مختلفة في الغالب النتعة القوية هي سببها الكراسي لكن فيه اسباب بعد مثل اهتراء الكلتشات كمثال لكن التأخر في التلقيم مثل ما يحصل في بعض السيارات تتأخر في التلقيم هنا معناه يكون فيه مشكلة في ضغط الزيت