اكورد 2007 / تغيير هوبات ( ياباني ) + اقمشة نيشن !
السلام عليكم ورحمة الله وبركاتة .
:: أخواني يسعدني اولاً الانضمام الى موقعكم نادي محبي هوندا ، وأتمنى اني اكون عضو فعـال ::
أدخل في صلب الموضوع
( أنا إن شاء الله بغيّر هوبات الاكورد وابي نصايحكم
الي مانستغني عنها خصوصاً في هالوقت )
الحاصل إني رحت لـ محل قطع الغيار وسألته
عن هوبات الوكالة وعطاني سعر من كبره نسيته وربي !!ولكن قالي ان فيه اصلي ياباني !؟
وقالي الاربع هوبات بـ 680 ريال فقط لاغير بعد الخصم مادري وش وضعه هالهوب الياباني
؟
هل هو صحيح اصلي ولا اسلوب غش تجاري جديد ولعب على الناس !؟
وايضاً يوم طلعت من عنده مريت على محل ثاني وقلت
نشوف وطلعلي هوب جديد يقول إنه تايواني والهوبات الاربع بـ 340 ريال بس !؟ سألته وش
يفرق ..؟ قال: يفرق التايواني تخرطه ثلاث مرات !! والاصلي من اربع الى خمس مرات ؟
انا صراحة ماقتنعت بكلامة وجيت أركض لـ موقعكم
أبي أستفيد من تجاربكم وايضاً احمي نفسي بأذن الله من الغش والتلاعب وأيضاً ألدعوة هوب
ماهيب لمبة سقف ، ولا شي عادي قطعة تخوف يعني الله لا يقدر علينا وعليكم الشر !!
وبعد اذنكم ابي استفيد با أكبر قدر منكم ،
بالعربي يعني أبي " أحلل خبراتكم وشهي اقمشة الـ نيشن او النيسن وبكم سعرها ووين
ممكن احصلها انا بالشرقية تحديداً الخبر ، هل فيه محلات قريبه مني او موزعين !؟
ويا ليت اذا فيه أحد فاهم مرة يحلل معاناتي ويجمع ويطرح ويعطيني سعر تقريبي لـ
المدفوعات القطع + شغل يد الورش هوبات واقمشة =
؟؟
شاكراً لكم تضييع وقتكم علي وعلى
اسئلتي السخيفه .