قصتي مع الاكورد مدعومه بالصور

السلام عليكم

اولا : توضيح : المدعوم بالصور هو القصه مو الاكورد <<< الله يكافينا الشر.
ثانيا : الصور جميعها من تصويري و اذا كان التصوير رديء فاسمحو لي قلة الخبره .
ثالثا : قولو ماشاء الله.
رابعا : القصه :

في شهر 9 اللي طاف تم بحمدالله استلام الاكورد موديل 2006 اربعه سلندر اسود
بدايتي معاها اني كنت حتى اخجل اني اتعبها و ادوس فوق 120 او اني اخلي الضغط يوصل 4
و بطبيعه الحال اول ما استلمت السياره طقيتها صورتين على السريع عن طريق هاتف نوكيا (لا بارك الله فيه) و كانت الصوره من النوع الرديء :
السياره جديده (من الخلف ) :

http://www.uparab.com/files/cxjTbUeYFCUPGSH5.jpg

السياره جديده ( من الامام ) :
http://www.uparab.com/files/4Fq98ADLxdZiDXEI.jpg

بعدها بشهرين و كم يوم بدت معاي الشقاوه :
حطيت لي استيكر و ووصلت الاكورد لين 220 و صارت السياره ما تمشي اقل من 140
الاستيكر :
http://www.uparab.com/files/8zxhfnI0K-p7gKpd.jpg

و بعدها بكم يوم ركبت زينون في الواطي :

http://www.uparab.com/files/DiPztlIvCIjSr9zg.jpg


و هاذي صورة الزينون بالمغربيات :

http://www.uparab.com/files/33ouSe7fZ2sKQ6iD.jpg


و هاذي صورة المكينه :

http://www.uparab.com/files/5hKruCwD6LV9-Cl6.jpg

و هاذي السياره عقب ما ركبت كشافات الضباب :

http://www.uparab.com/files/AGvv2GOV7ZAKb6vc.jpg



نفس اللي فوقها مع اختلاف الزاويه :

http://www.uparab.com/files/0MxqF8XHUDfZ8rUO.jpg


بعدها عملت شوية تغيرات متوحشه :
شكمانين
http://www.uparab.com/files/bmAUHBpERUlIG1d8.jpg

بعدها عملت حركة الليتات الخلفيه :

http://www.uparab.com/files/obRJ5tN6sgEidAMC.jpg


http://www.uparab.com/files/YyY5VGrNcqdPFgGA.jpg


http://www.uparab.com/files/BjyPrra4W9gpFh2w.jpg

بعده سويت الكشافات زينون :

http://www.uparab.com/files/x0zDo-QQnTX0KBSt.jpg


http://www.uparab.com/files/9Sgdv6umdMf0qPgp.jpg


بعدها شلنا الكراسي (ماعدا كرسي السائق) علشان تصير اخف <<< و الله و صارت خفيفه و بدرجه مو طبيعيه <<<<تبي تزودها شيل التاير السبير و خلي البانزين ربع و شوف الطيران على اصوله .

اعذروني على عدم الترتيب داخل السياره :

http://www.uparab.com/files/LK3y3f8vm56NVKhg.jpg


فاصل و نواصل ,

عدنا ,,


و بطبيعة الحال كل نهاية اسبوع ارد الكراسي علشان الويك اند و الطلعه مع الربع (يبون يقعدون و يريحونها على الاسفنج )
و اليوم فجأه و انا قاعد اركب الكراسي الاحظ تلفون مرمي على الارض <<< و الله من العفسه ما شفته من قبل
و اطالع التلفون و اعرف انه مال ولد خالي اللي اخر مره شفته قبل اسبوع
و اروح له لين بيتهم و اسأله وين تلفونك و يقولي انه ضيعه من اسبوع و راح شرا له خط جديد و تلفون صغير يمشي فيه على ما يحصل تلفونه
انا طمرت و قلت له هذا تلفونك اللي ضيعته كان بسيارتي طول الاسبوع
و الله و ما اشوف الا ذاك اللي شوي و يبوس ايدي و ...<<<مالي خلق اكمل بس اهم شي انتو فهمتو السالفه
على فكره انا مادريت اصلا انه بسيارتي الا بعد ما شفت الصوره التاليه و شفت شي غريب فيها

http://www.uparab.com/files/8Zgpa5dKkhItxWwm.jpg


و اخر شي سويته لزقت لي صوره و شويه كلام :

http://www.uparab.com/files/tcMg8rDtWLAIOjMo.jpg
و سويت لها باقات سوده تفصال و انشالله بنزل موضوع منفصل عنها و شنو احسن شي تسوي فيها
انتظرو جديدنا ( الهوندا بالتربو انشالله ) : موعود بوصوله على تاريخ 28 - 5 - 2007 او قبل من امريكا
و انشالله انزلكم تقرير كامل عنه و عن تركيبه
لحد يسأل شي عن التربو لين يوصل انشالله <<<تراني ما اعرف عنه و لا شي ولد عمي متكفل بكل شي انا اللي علي اني ادفع

تم

قولو ماشاء الله

والله قصه رائعه ..... انشالله اترجع الكراسي لانها افضل واحلى ويمكن تحافظ على توازن السيارة ..
شكرا جزيلا

شكرا على الزياره و من ناحية الكراسي رجعناهم لاني مليت من سالفة ركب كل نهاية اسبوع و فك بدايه الاسبوع

أخوي بلاك
الصور ماطلعت عندي .. عدلت فيها من خلال قائمة أدوات ثم خيارات انترنت ولم تطلع الصور:mad: وسويت اظهار الصور ولم تظهر

ابغى اشوف الصور ..
كل هذي بلاغة

قصة رائعة وسيارة أروع .. الموتر صاير متوحش ..
الا ما قلت لنا .. كيف ركبت الشكمان الثاني ؟؟؟

اخ ابو عزوز يبدو لي الغلط من عندك جرب تطالعهم من جهاز ثاني و اذا ما ضبطت معاك ارسلي ايميلك على الخاص و انا ادز لك اياهم بالمسنجر من عيوني

اخوي الهادف مشكور
الشكمان الثاني له سالفه بسيطه
اول شي كنت حاط القطعه مالت الوكاله و يوم بغيت اركب الشكمان الثاني رحت اشوفه بالوكاله و طلع غالي و بكل بساطه رحت لي محل لزينة السيارات و نقيت لي قطعتين حلوين على ذوقي و كلفوني 5 دنانير للقطعه يعني عشرة دنانير القطعتين
رحت لحداد اقزوزات معروف بالكويت و طلبت منه يسوي لي الحركه اول شي شلنا القطعه مالت الوكاله و ركبنا الجديده عادي و بعدين رحنا للثانيه و شلنا القطعه من الدعاميه (تقريبا نص دائره مثبته ببرغي و كلبسين مكان الاقزوز الثاني) و لحمنا القطعه ثانيه بقطعه حديده قويه تحت السياره بس قبل اللحيم النهائي عدلنا زاويه الشكمان الثاني بحيث تتناسب مع الاول
و سكرنا القطعه مالت الشكمان من ورا بقطعه حديد دائريه و لحمناها علشان لا تبين انها غير موصله من الخلف و عقب ما خلص الشغل اخذت ورقه صغيره و حرقتها داخل الشكمان الثاني علشان لا يلمع من داخل و يبين انه غير مستعمل
الحيم كلفني 5 دنانير
التكلفه النهائيه 15 دينار = تقريبا 190 ريال

راح اجرب من جهاز ثاني .. واذا ماطلعت بأعطيك الأميل ـ بأزعجك ـ:d

لازم أشوف الصور .. يعني لازم أشوف الصور

حاظرين اطلب من عيوني لا ازعاج و لا شي

BLACK ACCORD

كيف الحال :)

الصور كلها ماطلعت عندي + الصور اللي بتوقيعك ماتطلع عندي + موضوعك أصلا ماطلع عندي >>> هذي قويه وشلون رديت طيب :d

الموقع اللي عليه الصور محجوب بالسعودية عشان كذا ماني قادر اشوفها لو تقدر ترفعها على موقع ثاني أو على ألبوم الصور هنا بالموقع

من هنا ؟ ,,,,, الاخطبوط
يا مرحبا يا مرحبا نورك طفا الكهرباا <<<شكله طفا معاه الموضوع
الحييييين برفع الصور على سايت ثاني
من عيوني

اخوي الاخطبوط الصور شغالة >> طيب وش دخلك :d
ما علينا .. بس اببغى اقول ان حركة الشكمانين فللللله

سلام عليكم

إيه الحين طلعت الصور :cool:

بس مقاسها اكس اكس لارج وانا مقاسي ميديوم :rolleyes: يالله نمشيها :d

ماشاء الله اخوي BLACK ACCORD الله يعطيك من خيرها ويكفيك من شرها

والحلو ان القصه كلها مصوره لحظه بلحظه

أحسبك تمزح يوم قلت إنك تفك الكراسي إلين شفت الصورة بأم عيني >>> والله فكره جهنميه ;)

أذكرك تدور جنوط 16 >>> ليه ماتاخذ لك مقاس 17 وشكل ثاني غير حق الاكورد ويكون رياضي

اخوي فريند شاكر لك مرورك
و انت الفله
على فكره انا رفعت الصور على سايت ثاني قبل لا تحضر انت (تقريبا الساعه 3 الفجر)
يعني انت ما لحقت عى السايت القديم

ابشرك يا بلاك طلعت الصور صدقني انها أكثر من روعة

سؤال لك يا بلاك ياغالي .. التخشيبة أنت مركبها وإلا من شريتها وهي موجودة

سؤال ثاني _ احس انك تقول وش يبي ذا المزعج _ الكشافات اللي مركبهم فيه شكل غيرهم ليه ماركبته ؟؟ بالنسبة لي أنا اللي مركبهم أفضل بكثير

اهلين بو عزوز (اظن اسمك فيصل )
1 - التخشيبه هديه من الوكاله مع السنسرات
طبعا الوكاله كانت عارضه انه الهديه بنزين بس حسبناها انا و الوالد و طلع تكلفة البنزين الهديه تطلع ب 53 دينار
قمت انا و الوالد و نمنا براس البايع و خليناه يعطينا مكانها التخشيبه النص اللي سعرها 120 دينار
اليوم الثاني رحت محلات الزينه و لقيت تخشيبه كامله ب 40 دينار
فرجعنا للمعرض و قلنا له خلاص عطنا مكانها سنسرات قال مو مشكله
يوم جينا نستلم السياره لقينا فيها التخشيبه و السنسرات و لقينا المدير مال المبيعات واقف جمبها
قال لنا انه لما قلتو تخشيبه العمال النشيطين نفذو على طول مع انهم بالعاده يأخرونها يومين
و بعدين لما قلتو سنسر لا البائع و لا انا (اللي هو المدير ) كنا عارفين انه التخشيبه ركبت و ارسلنا الامر مال السنسرات و العمال نفذو يعني تقدر تقول هديه اضافيه :cool: وما قدر يشيل لا التخشيبه و لا السنسرات لانهم بتركون اثر

2 - الكشافات الدائريه تنباع بالوكاله مع العصا حقت السكان
بينما الوكاله ما تبيع الشكل الثاني ( المربع )
بره الوكاله في الشكل المربع بس من غير العصا
انا حبيت العصا بصراحه و خذيت عليها خصم من الوكاله لانهم عطوني اياها بسعر القطع من غير ما ياخذو شغل اليد لانهم بدلو لي ليات الدركسون و حطوها بفاتوره وحده مع الكشافات و الليات و شغلم ببلاش و بند شغل اليد اللي بالفاتوره كله تكنسل من غير ما يفرقو بين شغل يد الليات و لا شغل يد الكشافات

ليه قلت أن اسمي فيصل ؟؟
وعلى اي اساس

يبدو ان الوكيل ممتاز عندكم وهدايا بعد ..
حنا مانبغا هدايا نبغاهم يتعاملون مع العملاء بأسلوب

أخوي BLACK_ACCORD

ما شاء الله تبارك الله موترك حلو وشغل الشكمان نظيف

بس داخل السيارة ... إسمح لي :p
ياخي ليه مسوي في سيارتك كذا ؟!
والله ما تستاهل الأكورد

:rolleyes:

أما حركة حرق الورقه داخل الشكمان الجديد
مضحكه ومبتكره

:d :cool:

الله يعطيك من خيرها ويكفيك من شرهاا حلووه ماشاء الله

و الله قصة رائعة ما شاء الله بس السرعة خطرة و إنت تعرف إنوا الدفع الأمامي أخطر من الخلفي لا تتعود بس على السرعة كثير

ماشاء الله حلوووووه السياره الله يعطيك خيرها ويكفيك شرها

ماشاء الله تبارك الله

مشا الله عليها بس صاير داخل السياره كنها غؤفه نوم اعزوبي



قوه أكورد

ما شاء اللله الصور مرررررره فللله
انا اللي اعجبني كتير حركة الشكمان التاني
وتكتيمة الاصطب الخلفي
بس حرام عليك تنزل المقاعد واللله الاكورد ما تستاهل
يالله سلام انا رايح دحين اكتم الاصطب الخلفي سلاااااام